طالب فاشل فى الثانويه العامه

امبارح طلعت النتيجه بتاعت الثاويه العامه

اولا ببارك لكل الاعضاء الى فى الثانويه العامه

ع النجاح ان شاء الله

وتعالو بقى شوفوا معايا اخينا دا استقبل النتيجه ازاى وبكل برود

طبعا كلنا مرنا باليوم المشؤؤؤؤؤؤم

المهم دلوقتي شوفو الواد دة عمل اية

تخيل كده وانت مخلص امتحانات ورايق وفايق

ونايم بعد الفجر بقى ومريش نفسك ومعمر الطاسه وكله اليستا

وجيت تنام

فجأه بعد ساعه من نومك

جه السيد الوالد الفاضل ( ايون واخد بالك انت من الفاضل دى يعنى كله مات ومش فاضل الا هو

وبيصحيييك

- اصحى يابنى .. انت يازفت

تروح انت قايل فى سرك

يانفخيييييي هو الراجل ده مستقصدنى بقى ولا ايه

- ايوه يا بابا نعم ؟

- قوم عشان تجيب النتيجه

- نتيجه ؟ ليه هو احنا فى راس السنه ؟

- راس السنه ايه يابنى قوم قووووووم قامت عليك قومه

تروح قايل فى سرك

كمان قامت عليه قومه ده انت بتحبنى اوي

- طيب قايم اهو قااايم

هو اليوم بيبان من اوله اما اقوم اكلم اى حد من صحابى يجي معايا
/

- الو .. انت ياحيوان .. تعالى معايا نجيب النتيجه

- يانفخييي ياعم قول صباح الخير صباح اللى بتغنى صباح الدين الايوبى

- طب يلا ياظريف عشان منتأخرش
/

- ماما .. ماماااا .. ياحاااجه .. ياعمره .. يادى النيله عليا مبتردش ليه دى

- هاا عايز ايه يابنى

- عاتى فلوز

- مين ياخويا ؟ ايه عاتى فلوز دى كمان

- يعنى شخللي جيوبك ونفضيها عليا

- ايه الكلام اللى محتاج كتالوج ده .. فين المترجم بتاعك يابنى

- يوووه ياماما هاتى فلوس ياماما

- طب متقول كده .. منصور يابنى انشاء الله

- هو انا رايح اجاهد ياحاجه ده ايه الناس الغريبه دى
/

وبعد ماانت نزلت بقى ورايح تجيب النتيجه ومعاك صاحبك

وفجأه شايف كله طالع يبص لدرجاته ويعيييييييط يعيييييط

راح صاحبك قال

- اهو هو ده بقى الفأل الحسن

- فأل حسن .. طب مفيش فأل حسين .. امشى ياعم شكلنا ضايعين

- طب مندور علينا
/

وهوبا جبت النتيجه وطلعت مليااانه كحك وساقط وحلتك بالبلاوي

ومروح البيت بقى وعامل نفسك عم سيلفستر استنونى انا جى اهو

ومامتك تقولك

- ها ياحبيبى عملت ايه فالنتيجه

- ماما عازمك على اكله كحك جامده مووت

- لابجد ؟ يبقى نجحت الف مبروك ياحبيبى

تروح قايل فى سرك

الوليه امى دى ست طيبه موووووووز

تروح قيلالك

- ورينى كده النتيجه

- طيب شوفيها اهو

- يالهوييييييي ياخراااشى تعالى شوف ابنك تعاااالى

ابنك فاااااااشل

- يوووه ياماما بضايق من الكلمه دى

- بتضايق منها ؟؟ يافاشل يافاشل يافاشل
/
ابوك جالك بقى

- يانهار ابوك اسود .. ايه الدرجات دى يالا

- ايه يابابا اكيد فى غلط فيها ولا حاجه

- فيها ايه ياعنيا ؟؟

- فيها فيل .. يووه اصدى فيها غلط .. بس متقولش لحد

- متقولش لحد ؟ .. طب تعلالى ياعم هيفاء وهبى

طاخ طاخ وضرب من هنا ومن هنا ومن هنا

ههههههههههههههه يا نهارررررررر ده شكله مكبر الدى ومعلى الجى ع الاخر ههههههه
ميرسىى يا كراميلا على الموضوع السكر ده(خلى بالك بقى من النمل)لا بجد موضوع بيضحك

هههههههههههههه

ماشى

مرسى ليكى يا قمر

وشكرا لردك ومرورك

منوره التوبيك

فكرتيني بيوم نتيجة الثانويه بتاعتي تقريبا من ست سبع سنين بس محصلش معايا كده طبعا...

يالا منها لله الفيزياء

موضوع جميل ولذيذ تسلم ايدك

بارك الله فيـــــــك

الفيزيا دى مصيبه لوحدها

شكرا لردك ومرورك

منور التوبيك