مواقف وطرائف الاعضــــــاء .....

أناعندى موقف طريف مش ممكن أنساه ما حييت .

كنت فى أيام الجامعه و أناكنت فى جامعه المنيا ساكنة فى المدينة الجامعية داخل الحرم الجامعى و كان فى باب خلفى للجامعة بيقفل بدرى أوى على الساعة 5 مساء أنا و صحباتى كنا ساكنين فى الدور الخامس بالمدينه و كانت الساعة خمسه إلا عشرة نزلنا جرى من الدور الخامس و جرينامسافة طويلة لغاية ما حصلنا الباب هو بيتقفل و عدينا. الباب الخلفى دة بيودى على قرية صغيرة بيربو فيها بقر و جواميس المهم احنا طلعناجرى من هنا و لقينا قطيع جواميس جاريين و رانا بكل قوتهم و احنا خلاص كنا مهدودين بس جرينا برضه فى شارع طويل لغاية ما وصلنا لسكة العربيات الجواميس خافت تعدى بس احنا عدينا ببركة دعا الوالدين قعدنا فى الناحية التانية و احنا فى حالة ذهول و بكينا أوى من الخضة و البرستيج اللى ذهب مع الرياح و جسمنا اتكسر أوى المهم ارتحنا شوية و رجعنا على الجامعة من الباب الرئيسى ما فيش طاقة ولا نفس نروح أى مكان و كمان شكلنا اتبهدل أوى من كتر الجرى ... بس أول ما رجعنا المدينة الجامعية جاتلنا هستريه ضحك و لغاية دلوقتى كل ما أفتكر اليوم ده بموت من الضحك ...

أتمنى اللى يدخل بعدى يحكيلنا موقفه الطريف