حوار♥ رومانسي♥ بين♥ البيبسي♥ و الميرندا♥ ...♥.. و فجاءه..♥...

حوار رومانسي بين البيبسي والميراندا

الموقع :ثلاجة في سوبر ماركت

قلب

البيبسي : يا ميراندا صاحية ولا نايمة
الميراندا : صاحية وانت ايه اللي مصحيك لحد دلوقتي لسه ربع الساعة والراجل يقفل المحل ويقفل النور
البيبسي : ممكن أقعد جانبك
الميراندا : اتفضل
البيبسي : تحبي نتكلم في ايه
الميراندا : عادي أي حاجة..ولو هتطول قول علشان استأذن من بابا وأنام بره الصندوق
البيبسي ( فرحان ): احرجتيني وطلعتي زي ماقالت ماما
الميراندا : وهي قالت ايه
البيبسي : قالت الميراندا أحلى من الفانتا
الميراندا : فانتا آل فانتا آل
البيبسي : ليه مالها الفانتا دي تهبل
الميراندا : ماشي لو عاجباك روحلها في الصندوق بتاعها..سلام
البيبسي : ايه يا ميري زعلتي من كلامي دا انتي ستهم كلهم
وفي اللحظة دي صاحب المحل حط جنبهم زجاجة فانتا.....

قلب

البيبسي : نورتي الصندوق يافانتا...ايه يا أخواتي الحلاوة دي
الميراندا : وكمان بتغازلها أدامي,, وانا معاك من الصبح يا عبد يا اسود
الفانتا : دي مالها دي متعصبة...ياي غيارة
البيبسي : سيبك منها بس قولي ايه الجمال اللي أنت فيه ده
الميراندا : قولي يا قصيرة يا قزمة
الفانتا : روحي كده وانتي بآلك اسبوع مرمية في الصندوق ومحدش معبرك
البيبسي : هدوء يا جماعة كل واحدة فيكم فيها مميزات انتو الاتنين حلوين
وفجأة جه زبون المحل وخد الثلاث زجاجات في كيس
وروح البيت وفتح الفنتا وشربها...

قلب

البيبسي : الحمد لله كانت مضايقانا الفانتا............ (منافق وبوشين)
الميراندا : وكمان جايلك عين تتكلم...روح وراها يا اسود
البيبسي (بينه وبين نفسه ) : ضاعت عليا الفانتا وكمان الميراندا
وجلست الميراندا تبكي وتقول لنفسها يقطع الحب وسنينه
لحد اما سخنت وجه واحد يشربها وجدها سخنة فألقى بها في سلة المهملات
وكانت دي نهاية مؤلمة لقصة حب...... ساخنه جداااا

لية استخدمتى كلمات عنصرية فى الحوار ده :

1. يا عبد يا أسود

2. يا أسود

و ما تقوليش ان المقصود اللون فقط لأن مغزى الكلام واضح جدا ما يصحش ولا حتى للترفيه.

marmoraaa100 كتب:: لية استخدمتى كلمات عنصرية فى الحوار ده :

1. يا عبد يا أسود

2. يا أسود

و ما تقوليش ان المقصود اللون فقط لأن مغزى الكلام واضح جدا ما يصحش ولا حتى للترفيه.

الصراحه مش فاهمه قصدك بلظبط

بس لو ده رئيك يبقي اكيد ليكي كل احتراام مني

كل واحد ليه راءئ و لازم يحترم

ع العموم ثانكس ياقمر ع مرورك

تشرفت بمرورك

يا حبيبة قلبى دة مش مجرد رأى و لازم تفهمى ان مسألة العنصرية بمعنى انك تتكلمى عن فئة معينة مختلفة فى اللون او المعتقد او الدين بطريقة فيها سخرية أو تحقير شيىء مش مقبول و ممكن يعرضك لمشاكل كبيرة و فى الواقع أكيد أنتى نقية جدا جدا و مش قصدك أى شيىء يضايق أى حد

ومن وجهة نظرى الموضوع ده حلو أوى أوى

بس نصيحة من أخت كبيرة أرجوكى أمتعينا بمواضيعك الرااااائعة بعيد عن أى شيىء يجرح أى حد