ازاى تعرف ان الفرح ده فرح شاب مصرى

لما تلاقى الزفه الدمياطى الازليه اياها

وبسم الله الرحمن الرحيم وهانبتدي الليله اااااه ااااااه

وتلاقى البنات بيجروا ورا العروسه عشان ينولوا شرف صحبتها كدا وهى داخله القاعه ويتقاسموا شرف انهم يشيلوا ديلها اقصد ديل الفستان

لما تلاقى العريس بيبخر العروس عشان الحسد احسن تتكسر ولا حاجه
وتلاقى العروسه بتبخر العريس احسن دا واخد عليها كمبيالات وشيكات
عشان قطع الغيار الغير متوفره وممكن يواديها فى داهيه

لما تلاقى بقا الستات بتمارس احسن هوايه ليها على مر التاريخ وهى النميمه
ويقعدوا بقا يقولوا:
انا عارفه يا ختى اخدها على ايه دا لا مال ولا جمال
والتانيه تقولها :
والله يا ختى من ناحيه الجمال فهى شبه الليفه المحروقه لكن من ناحيه المال لا دا الواد وقع واقف اه دا ابوها عنده عربيه كارو اقصد (ماقطوره )بتدخلوا شىء وشويات

وتلاقى البنات بقا واقفه اللى تقول:
ايه دا فستانها بيئه اوى ايا
والتانيه تقولها:
اكيد مأجراه من عند الكوافير اللى عملها التسريح اللى شبه تسريحه المجانين دى

لما تلاقي قرايب العريس مش عاجبهم قرايب العروسه و العكس صحيح طبعا و بيبصوا لبعض بإشمئزاز

لما اول حجه تسمعها اول ما تدخل القاعه وقبل ما تشوف العروسه والعريس
اغنيه هشام عباس (اسماء الله الحسنى)

لما تلاقى بتاع الكاميرا بيزوووم على الشبكه كانها مثلا قلاده الملكه اليزابيث الخامسه والعشرين
وتلاقى كل المعازيم هايماوتوا بعض وينطوا فوق بعض عشان يتفرجوا عليها

لما العريس والعروسه يرقصوا الرقصه الرومانسيه الازليه على اغنيه(غمض عينيك واحلم معايا) او اغنيه تامر حسنى(ومايحرمنيش منك)
وكل البشر بيصوروهم بكاميرا الموبايل وهما بيقولوا لبعض
(ياترى بيقولها ايه)

لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره(هاتجوز) لـ سعد الصغير وبعدها العنب لمعبود الجماهير (بعرورر)

لما تلاقى ام العريس كل نص ساعه وتمسح عرق ابنها وتقوله
(يا بنى كفايه مش كده ...ماتهدش نفسك)

لما تسمع السؤال الابدي
(هو البوفيه هايفتح امتى...الواحد جاع)

لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشك وسد الحنك

لما تسمع الناس وهيه بتقول
لالالا بس الاكل مكانش قد كده
بعد تناول الطعام مباشره وعلى راى المثل
(بعد ماكل واتكى قال رحته مستكه)

لما تلاقي كل البنات الي ف الفرح بيجروا ورا العروسه عشان طبعا ياخدوا البوكيه لما تحدفه
و العروسه بقى بتزلهم

لما تلاقى ام العروسه بتقول للعريس
خد بالك منها يا حبيبي
والعريس يقولها
دى فى عينى يا طنط

لما تلاقي العربيه بتاعه العروسه فيها جميع انواع والوان الورد
و دلوقتي الموضه الجديده بقى البيبي لايت

لما تلاقى الزفه انطلقت فى الشوارع مسببه الازعاج لخلق الله
وبيب بيب بيب بيب بيب بيب بيب بيب بيب بيب والعربيات بتجرى ورا بعضها والموتوسكلات

تعرف على طول ان الفرح ده فرح شاب مصرى

وتلاقى البنات بقا واقفه اللى تقول:
ايه دا فستانها بيئه اوى ايا

هههههههههههههههه

اكتر حاجه بتعملها البنات فى الافراح هى انها تعلق على فستان العروسه وتسريحتها والميك اب بتاعها

نايس توبيك يا جميل

دام تميزك وابداعك

شكرا

لما العريس والعروسه يرقصوا الرقصه الرومانسيه الازليه على اغنيه

(غمض عينيك واحلم معايا) او اغنيه تامر حسنى(ومايحرمنيش منك)

وكل البشر بيصوروهم بكاميرا الموبايل وهما بيقولوا لبعض

(ياترى بيقولها ايه)

دي اكتر حاجة عجبتني

لاني لما بحضر فرح بسئل نفس السؤال

بس ممكن يكون بيقولها حسبي دوستي علي رجلي

ولا هي بتقوله الرقص مش كدة

او حاسب الفستان لوديك في دهية

او ممكن بتتخانق لان الفرح مش عاجبها

هههههههههههههه

ميرسي يا احمد

بجد موضوع اكتر من رائع

ضحكتني جدا

يسرا كتب:: وتلاقى البنات بقا واقفه اللى تقول:
ايه دا فستانها بيئه اوى ايا

هههههههههههههههه

اكتر حاجه بتعملها البنات فى الافراح هى انها تعلق على فستان العروسه وتسريحتها والميك اب بتاعها

نايس توبيك يا جميل

دام تميزك وابداعك

ههههههه شكرا لمرورك ولردك يايسرا

نورتى الموضوع

ملائكة النور كتب:: لما العريس والعروسه يرقصوا الرقصه الرومانسيه الازليه على اغنيه

(غمض عينيك واحلم معايا) او اغنيه تامر حسنى(ومايحرمنيش منك)

وكل البشر بيصوروهم بكاميرا الموبايل وهما بيقولوا لبعض

(ياترى بيقولها ايه)

دي اكتر حاجة عجبتني

لاني لما بحضر فرح بسئل نفس السؤال

بس ممكن يكون بيقولها حسبي دوستي علي رجلي

ولا هي بتقوله الرقص مش كدة

او حاسب الفستان لوديك في دهية

او ممكن بتتخانق لان الفرح مش عاجبها

هههههههههههههه

ميرسي يا احمد

بجد موضوع اكتر من رائع

ضحكتني جدا

ههههههههههههه ممكن فعلا

او ممكن يكون بيقولها انا ماليش فى الرقص الرومانسى ده انا بحب الرقص الشعبى اللى فيه العنب والبلح

مره حضرت فرح بس العريس كان بيتشاكل وكان فيه ضرب

مع انه كان فرح كبير وكان فيه دى جى نظيف وفى قاعة محترمه

بس ظروف بقه

elmontoo كتب:

ملائكة النور كتب:: لما العريس والعروسه يرقصوا الرقصه الرومانسيه الازليه على اغنيه

(غمض عينيك واحلم معايا) او اغنيه تامر حسنى(ومايحرمنيش منك)

وكل البشر بيصوروهم بكاميرا الموبايل وهما بيقولوا لبعض

(ياترى بيقولها ايه)

دي اكتر حاجة عجبتني

لاني لما بحضر فرح بسئل نفس السؤال

بس ممكن يكون بيقولها حسبي دوستي علي رجلي

ولا هي بتقوله الرقص مش كدة

او حاسب الفستان لوديك في دهية

او ممكن بتتخانق لان الفرح مش عاجبها

هههههههههههههه

ميرسي يا احمد

بجد موضوع اكتر من رائع

ضحكتني جدا

ههههههههههههه ممكن فعلا

او ممكن يكون بيقولها انا ماليش فى الرقص الرومانسى ده انا بحب الرقص الشعبى اللى فيه العنب والبلح

مره حضرت فرح بس العريس كان بيتشاكل وكان فيه ضرب

مع انه كان فرح كبير وكان فيه دى جى نظيف وفى قاعة محترمه

بس ظروف بقه

مهو دا بقي علي حسب العريس والعروسة

يمكن الاتنين بيحضروا الفرح غصب عنهم

العريس يضرب العروسة

وبعد كدة الحموات

وشوية والمعازيم

ويقضوا باقي الفرح في السجن

مفيش بعد كدة رومانسية

بس بجد كل اللي في الموضوع مع انه في اطار مضحك بس بجد بيحصل

هههههههههههه
بجد توبيك رائع
تسلم الايادي

شكرا ليكم

نورتونى بجد

هههههههههههههههههههههههههههههه
بصراحه انت جايب الواقع بالظبط

توبيك جميل
تقبل مرورى