عيـــــــــــــــــــــــــــــب ومش بس حرام والله

عيــــــــــــــــــــــــــــب
مش بس حرام والله

...ده عيب:)

عمرك قولتى لنفسك كده؟

جرحتى حياؤك مره
فقولتى ده مش بس حرام ده عيب؟

وانت عمرك عملت موقف ضايقك
وقولت لاء ده مش بس حرام ده عيب؟

نفسى اوقف اى شخص
بيعمل موقف
مش يتقال بس عليه حرام
يتقال عنه
عيـــــــــــــــب

عيب تبقى بتحبى ربنا وتخونيه
بحب محرم عَيبه عقلك قبل مجتمعك

عيب تبقى شخص ملتحى ومش غاضض بصرك
انت قدوه لناس كتير وبتأثر فى ناس اكتر

يبقى اسمحلى اقولك
عيــــــــــــــــــــب قبل حرام

عيب تبقى اخت منقبه وضحتك سامعها
كل الناس اللى حواليكى واللى جمب اللى حواليكى
عشان انت مثَل لكل اخت نفسها توصل للفضل ده

بردو اسمحيلى اقولك
عيب قبل حرام

عيب تبقى انسانه كل شىء ظاهر فيك
بيقول عنك ملتزمه

وماشيه مع شاب لا هو اخوكى ولا هو ـــــــــــــ؟؟؟

عيـــــــــــــــــــب قبل حرام اختى فى الله

عيب تبقى بتصلى وبتصوم وعارف كل اللى عليك
وماسك سيجاره فى ايدك
طيب ليه تدمر بيها صحتك وتخلص بيها فلوسك؟
عيب قبل حرام

وعيب تبقى شخص ادام اهلك رزين وعاقل
وفى وسط صحابك ماشى تعاكس فى اخواتك؟

عيب اخى قبل حراااااااام

واكبر عيب
تبقى انسان عمال تنصح غيرك
وودانك مش سامعه نصايحك

عيب بردو قبل حراااااااااااااااام

ولو عدينا العيب فى حياتنا

هنلاقى دينا قاله
قبل ما مجتمعنا يرفضه

فبقول عيب قبل حرام

نبقى سايبين دينا
وكل اللى نهى عنه
وغافلين احنا كمان عنه
ونروح لمبادىء واصول غيرنا

العيب هو اللى عَيبه دينا

وغير كده مفيش عيب