×× نــــــــــائر ونئيـــــــــــــــر ××

نــــــــــائر ونئيـــــــــــــــر

عندهم مواضيع كتيـــر

هيتناقشـــوا فيــها قدامكـم

وانتم معاهم مشـــــــاهديــــــــن

وبتعليقاتكم مشــــــاركيــــــن

همــا دايـــما مختلفين..

أصلهم نـــــــائر ونئيــــــــــــر

هايعرضولكم وجهة نظرهم من طريقين مختلفين

و أوعوا تكونوا مستغربيـــن

هدفهم في الاخر يوصلوا معلومه

لكن بطريــــــقة شويـــــة مجنونــــــــة

بس طريـــفة حبتـيــــــن

هيتكلموا في كل حاجـــة

في أي حاجة ، دنيـــا وديــــن

مستعديــــن ؟؟؟

أول حلقات نــــــــــائر ونئيـــــــــــــــر

المستقبل .. ايه

عارف ان الزمن غدار , و حاسس ان الحياة قلابه

, و ان الدنيا يوم فوق ويوم تحت ,

اناكمان عارف وكلنا عارفين وكلنا حاسين .

المهم هنعمل ايه ونتعامل ازاى هو ده المهم

نئير :

اخيرا آخر سنة فى الجامعة هتبدأ الواحد نفسه يخلص من زمان بقى لنا زمان هنا .

نائر :

و هتعمل ايه

يعنى لو طلعت من هنا .

نئير :

ده انا بينتظرنى مستقبل باهر و حاسس كده انى هبقى حاجة كبيرة.

نائر :

باهر جارنا اتخرج من سنتين و لسة قاعد على القهوة من ساعتها . ابقى قابلنى .

نئير :

معلش هو ظروفه صعبة شوية انما انا حاسس ان اللى جاى هيبقى أحسن من اللى فات .

نائر :

ما هو باهر كان بيقولى نفس الكلام من سنتين .

نئير :

انت متشائم جدا و ده مش كويس تبدأ حياتك كده

.لازم يكون فى قلبك شعاع نور ينورلك جسر الامل .

نائر :

يا عم ارحمنى من الروايات اللى بتضيع فلوسك عليها دى و

عيش الواقع و شوف الناس اللى حواليك عيشينه ازاى .

نئير :

انا عارف ان الفترة الماضية عاشت فيها البلاد فترة

عصيبة انتشرت خلالها الرشوة والفساد و المحسوبية و ....

نائر(مقاطعا) :

يا عم الملك خرج من زمان و سيبك

من اللى فات اللى جاى اصلا انيل و اصعب و أو...

نئير(مهاجما) :

بس بس انت هتسودها فى وشى ليه ,المستقبل مضمون

يعنى مضمون يعنى مضمون

.يا بنى فى تغيرات حقيقية هتحصل فى مصر فى الفترة

الجاية انت مش بتقرا جرايد ولا ايه .

نائر :

انا آخر خبر قريته كان انسحاب شركة الزبالة من الخدمة ؟!!

نئير :

يابنى ماعدناش محتاجينها لان البلد هتنضف لوحدها .

نائر

: انا مش عارف اذا كان ده تفائل ولا سذاجة ؟؟؟

انتظروني في باقي الحلقات مع نائر ونئير ؟ ؟ ؟

موضوع حلو يا سارة
فى انتظار باقى الحلقات
وربك يستر من المستقبل

ههههههههههه
جميلة اوى ياقمر يسلمو ايديكى منتظرين باقى الحلقات

الحلقة التانية مع نائر ونئيير

التدخين : انا صحتي زي الفل ... ضار جداً ويسبب الوفاة

نائر :

الواحد زهقان من الدنيا مفيش غير السجاير الواحد بيطلع فيها همه

نئير :

دة كلام يا راجل علشان عندك مشاكل تنتحر

نائر :

انتحر مين ياعم انا قولت كدة

نئير :

لما تشرب سجاير يبقه انت بنتحر انت ماشوفتش مكتوب ايه علي علبة السجاير

التدخين ضار جداً بالصحة ويسبب وفاة شوفت في الدنيا منتج بيقول

علي نفسه أنه يسبب وفاة وبرغم من كدة الناس بتشربه فين العقل ؟!

نائر :

ياعم سبها علي الله ايه الاعمار مكتوب عند ربنا

نئير :

بس ربنا هيحاسبنا علي صحتنا وشبابنا وتعالي هنا قولي إزي تقف تكلم

ربنا في الصلاة وتقرأ قران وأنت رائحتك سجاير ؟

! دة الواحد المفروض يكون رائحته حلوة

نائر:

انا نفسي ابطلها بس حاسس أن الموضوع صعب عليه

نئير

الموضوع لا هو صعب ولا حاجة كل ما في الامر إن الموضوع

عايز منك إرادة وعزيمة ياعم روح مستشفي الامراض الصدرية

شوف المرض اللي هناك واسالهم علي السجاير شوف هيقولوك ايه فكر

في الفلوس اللي انت بتولع فيها بسجارة فكر في كلام المكتوب

علي علبة السجاير كلة مع الاستعانة بربنا

نائر :

كل دة كلام كويس بس أنا عايز مساعدة علشان ممكن أبطلها وأرجع تاني

نئير :

تابع موقع - بقوة إرادتي هاهزم سيجارتي - هما هيجبوا دكاترة هتكلم إزي

تبطل تشرب سجاير بسهولة وهيكون في إستشارات طبية كمان

نائر :

انا من اللحظة ديه قررت أبطل شرب سجاير

نئير :

ايوة كدة ياعم دوس علي سجارتك ... ارضي ربك

انتظروا باقي الحلقات مع نائر ونئيير

موضوع جميل جدا ياسارة

وفعلا بيعرض حقائق ونصايح بطريقة جميلة

فى انتظار باقى الحلقات

ربنا يوفقك ياسارة

يسلمووووو سوسو موضوعك جميل اوى

تسلم ايديكى ياحببتى

وفى انتظار باقى الحلقات

واللى المزيد وتالق