قصه حب بلغه النت وانتهت بالطلاااااااااق

دي قصة حب اتنين عمرهم ما اتقابلوا قبل كدة غير على النت بس

هي: حبيبي انت جيت.. ؟

هو: ايوة يا حبيبتى امال خيالي.. انتي مش شايفة اسمى اون لاين ؟ يبقى انا جيت.. ده سؤال يا سوسو ؟

هي: آسفة يا حبيبي.. اصل فرحتي بظهورك طيرت عقلي.. ها.. قوللي بقى.. عملت ايه امبارح لما خرجت انا اوف لاين ؟

هو: معملتش حاجة ابداً.. قعدت فى رووم اسمع اغاني

هي: آه , واظن الست دلوعة كانت موجودة

هو: وحياتك كانت موجودة بس عملتلها بلوك

هي: اممممم.. يعنى مكلمتهاش؟

لا
هي: ولا حتى هاي؟

هو: لا.. هيّ سلمت عليا فى الرووم قبل ما اعمللها بلوك و انا
قلتلها هاى

هي: اها.. طب كويس..يا ريت تعمللها ديليت خالص من الليست

هو: عينيّا ياحبيبتي انتي تؤمريني بس

بعد الجواز .. ده طبعا على النت

هو: أخيرا يا حبيبتي اتجوزنا و اتقفلت علينا رووم واحدة

هي: ايوة يا حبيبي أخيرا.. بس مال الصوت بيقطع هنا ليه ؟

هو: ياستي واحنا هانعوز الصوت فى ايه؟.. اعملي ميوت

هي: ههههههههه.. على رأيك

هو: باقولك ايه ؟
هي: ها
هو: عملتي باس وورد للروم , احسن نلاقي الناس جاية

هي: اطّمن.. عملت باس وورد طبعا و لا يهمك.. بعدين انت بقيت أدمن البيت.. يعني اى حد مش على مزاجك.. باند على طول

يوم الطلاق

هو: انتي يا ولية

هي: ولية؟؟..أنا ولية؟؟.. انت ناسي أد ايه حفيت عليا فى الروومات والماسينجرات؟ ان كنت ناسي افكرك

هو: كان يوم اسود ياختى يوم ما عملتلك آد.. يا ريتنى كنت اوفلاين ولاّ ديس كونيكت ماكنتش شفت خلقتك

هي: نعم نعم.. مالها خلقتي.. مش كنت بتموت عشان تشوفني على الكام..وكل شوية تقولى فين كامك؟

هو: كنت أعمى و أضبش و أطرش.. ارتحتي

هي:ياخاين ياغدّار.. يخونك اللي بيننا؟..ده احنا بيننا روومات وهيء وميء ودوتوكوم.. يخونك الإنفيتات اللي كنت بابعتهالك عشان تبقى جنبي فيالروومات؟..خلاص نسيت الإيميلات والسهرات.. انت أكيد فى مخك فيروس عاوزلكفورمات.. بقى يرضيكم ياهووووووووو.. ياخدني أون لاين..ويرمينى أوفلاين..منك لله..من النهاردة انت إنفيزيبل في حياتي

هو: وانتي ريموف بالتلاتة

يا دي النيلة بيعملو بروحهم كدا لي

شكرا لك

هههههههههههههههه موضوع جميل يا طنط كرميلا تقبلى مرورى