الحب باظ يا خسارة

نجحت الافلام العاطفيه المصريه فى تاريخها الطويل فى تبويظ الحب و كلامه بعد ان استهلكت كل وسائل التسبيل التى يقوم بها الرجل و المرأه و ظهرت تعبيرات جديده تقولها فى وشك اى واحده تحاول ان تتقرب منها .. فاذا بها تقول لك ايه ده فيلم بقى و لا ايه .. او تقولك انت هتغنى عليا او تقولك هتشغلى الاسطوانه ..
كنت جالسا ذات يوم مع احداهن و اخذتنى الجلاله و قلت لها بكل صدق و بكل رومانسيه .. ليه كده بتعملى فيا كده ليه .. تقربينى منك و بعدين تبعدينى عنك تانى ..
فابتسمت فى برود و قالت لى .. قالها عبد الحليم لشاديه فى معبودة الجماهير ..
متخيلين حالتى طبعا و لكنى لم ايأس .. كملت قلتلها .. ان كل السنين اللى فاتت دى مكنتش عارف انى بحبك انتى و انك انتى ملهمتى ..
قالتلى فى غتاته ما هى دى بتاعة فريد اللى قالها لفاتن حمامه فى لحن الخلود ..
هنا ادركت ان القعده خربت و المسائل باظت و تركتها و ذهبت الى البيت .. فشدنى الحنين اليها ..
رفعت سماعة التليفون و طلبتها .. ردت عليا بصوت عذب .. الو .. قلتلها بصوت حالم .. انتى نمتى ؟ فأجابت بغلاسه ليس لها مثيل : انت لسه شايف الوساده الخاليه و لا ايه !!

وربنا معانا

هههههههههههههه دي واضح اها مذاكره الافلام كويس
---------------
لا والله اكيد فيه حب كويس ومفيش فيه اسطوانات ولا حاجه بس دور كويس وربنا يوفقك
-------------
شكرا ليك :)

موضوع: ميرسى اصعب حب الجمعة أغسطس 29, 2008 4:16 am

ميرسى على ردك واكيد طبعا الكل مش كدا بس للاسف دا بقى كتير
بس هوا عموما الحب بيجى لواحدو مش احنا اللى بندور
وربنا يعيننا

عندك حق الحب بيجى لوحده حتى لو دورنا عليه هوه اللى بيلقينا مش احنا اللى بنلقيه
وبعدين صحيح انته مذاكر سيناريو الافلام كويس اوى اهوه
ميرسى

جميل جميل جميل كلام حلو