مون جيرل فى المطبخ

بصوا بقى انا ان شاء الله نويت اكتب كده كام حدث حصلولى فى حياتى
بس لازم تقروه و تقولولى رايكم بصراحه :twisted: :twisted:

طبعا انتم عارفين الصراحه دى عامله ازاى

طيب ده اول موضوع و حصل كده قبل رمضان و كان يوم سبت
اقروه بقى

بم انى الحمد لله ان شاء الله اللهم لا حسد يعنى بقيت فى سنه رابعة

يا رب ابقى نظيفه من غير حاجات كده وحشه انا والله خايفه السنة دى موت مش عارفه من ايهما علينا



نرجع بقى لموضوع المطبخ ده اللى انا عامله عليه حظر تجوال فى البيت

مامتى حبيبتى قالتلى يا بت يا مون بما انك ان شاء الله هتبقى فى سنه رابعه يبقى لازم تتعلمى الطبيخ بقى و هتتخرجى السنه الجايه و المفروض ان انا ارتاح من شغل المطبخ ده زى ما انت مريحانى فى البيت



قلتلها حاضر يا مامتى يا حبيبتى بس انا عندى مشكله لن لنل مل بحبش لما اعمل حاجه احب اعملها لوحدى مش عايزه حد معايا قليلى عايزانى اعمل ايه والخطوات و انا اعمله



قالتلى ماشى بس رتبى البيت الاول



فطبعا قلتلها حاضر كالعاده ما هو انا مطيعه عشان انا البنت الوحيده ولازم ابقى وطيعه ولا ايه

بس باجى على اخر اليوم و بهنج و ما بحبش حد يكلمنى كلمه



المهم طبعا رتبت البيت و خليته 100% استعدادا لاستقبال اى حد وعشان كمان اى حد ييجى يقولى ولا كبرتى و بقيتى عروسه يا بت يا مون



الحمد لله خلصنا من موضوع البيت ده حوالى الساعه 10 على اساس ان انا صاحيه 8 تقولوش فى الجيش ما علينا



المهم النهارده كان علينا اكلت سمك مقلى و مسلوق و بما انى بحب السمك قلت ده لعبتى



طبعا قبل ما انسى عايزه اقولكم انى بعرف اعمل الرز و المعكرونه والشاى و القهوه

و طبعا الينسون و النعناع و الكركديه القتله

وكمان بعرف اسخن العيش فى الميكروويف



فطبعا كل القائمه اللى انا قلتهالكم ما فيهاش لحمه ولا سمك ولا فراخ فقلت لازم ندخل على الغريق و نتعلم السمك بما انى دمياطيه

وكان السمك لو تعرفوه اسمه سيوف و طبعا السيوف ده بيتقلى يلا معلومه جديده اضيفوها لمعلوماتكم

و كمان بيتقلى بالدقيق

يلا هرياكم معلومات فى الموضوع ده

و طبعا واقفه فى المطبخ لوحدى وكان ماما ما صدقت انى اقلها كده ولا حتى جت تبص عليا ولا حاجه

قلت خلاص ما هم اللى هياكلم وانا هعمل رجيم النهارده عشان عايزه ابتديه



و فجاه جالى تليفون من واحده صحبتى وانا لسه هقول بسم الله الرحمن الرحيم فقمت طبعا خرجت من المطبخ وناديت

مااااااااااااااااااااااااماااااااااااااااااااااااا تعالى شوفى الاكل عشان بتكلم فى التليفون قالتلى طيب على اساس ان انا عملت اى حاجه بس الحمد لله ما عملتش اى حاجه

المهم المكالمه خلصت بعد 1/2 ساعه بدرى والله لانها وحشانى ما شفتهاش من امبارح





رحت المطبخ لقيت ماما مطلعه الدقيق و بتشتغل قلتلهل انت بتعملى ايه مش انا اللى بطبخ قالتلى مفيش تعالى كملى طبعا قلتلها حاضر ما انا مطيعه

فجاه لقيت الموبايل الجديد بيرن قلت مااااااااااااااااااااااااااماااااااااااااااااااا

تعالى شوفى الاكل لحد ما اشوف مين اللى بيرن قامت جت

و طبعا على ما اشوف مين اللى بيرن عدت حوالى 1/2 ساعه طبعا ما انا برن على الى رن عشان ما تقلش حاجه ولا عيزنها تقول ايه حتى كمان دمياطيه فى الرن و تعرفوا لقيت مين هى هى اللى انا كنت بكلمها من خمس دقايق



و بعدين رجعت المطبخ تانى لقيت ما ما بتعمل السمك المسلوق و خلصت المقلى و هتبتدى تعمل فى الرز قلتلها و بعدين معاكى بقى هو انا هطبخ ولا لا

و بعدين ما لقتش ان لسه فيه حاجه هتتعمل الا حاجات بسيطه

قلت اروح اجيب الراديو عشان اكمل برواقه قلت

ماااااااااااااااااااااااماااااااااااااااااا تعالى شوفى الاكل على ما اجيب الراديو من الاوضه و طبعا اعدت اضبط فى الراديو حوالى 3/4 ساعه ما انتم عارفين بقى اذاعه الاغانى و ضبطها

بس الحمد لله ضبطها

و بعد ما ضبطها قمت قافله الراديو

عشان لقيت ماما عاملالى مفاجاه



عملت الرز و حطت الاكل فى الاطباق و كمان حطت السفره وكلهم قاعدين ياكلم السمك اللى انا عاملاه بايدى و طبعا انتم شاهدين على كده ولا ايه

حد عنده كلام تانى عايز يقوله



قلت يا سلام ده الطبيخ حلو قوى

شايفين اللى حصل كل ده وانا ما عملتش حاجه وربنا سهلها



بس تصدقوا انى قررت انى اعمل اليوم المفتوح فى الرجيم النهارده



يلا موعدكم مع يوميات تانيه و طبخه تانيه و مش شرط يعنى تبقى طبخه ممكن تبقى بطحه كده يعنى

moongirl

طبعا شكرا لكل اللى ردوا على الموضوع بتاعى الجميل طبعا مش انا اللى كاتباه

احمد : شكرا على ردك و ان شاء الله هيبقى فيه حلقات تانيه كتير بس مش شرط تبقى فى المطبخ ممكن تبقى فى السفر للمنصوره اللى مغلبانى دى او اى موقف تانى
ايه عاجبك و لا مش عاجبك
ههههههههه


أصعب حب : الف شكر على ردك الجميل و اكيد استفدتى من الموضوع صح و لا لآ
و عقبال ما اجيبلك معلومات كده جميله

الاستاذ دمعه حزن : طيب قلها من ورايا اصل انا دمياطيه
ايه انا ما بحبش الدمايطه كلهم و حشين
دى اول و اخر كلمه انت قولتها
و لا حتى فيه موضوه جميل و لا حاجه
طيب ماشى
و بعدين ماله عصام الحضرى و مال الدمايطه عصام ده متفرع من دمياط مش دمياطى اصيل ده من كفر سعد
بس هقولك فى الاول و فى الاخر دى حريه شخصيه و انت حر فى رأيك
و شكرا على ردك طبعا

ههههههههههههههههههههههه ربنا يعينك على شغل البيت والمطبخ بصراحه انتى تاخدى اجازه شهر للى عملتيه ده
وبعدين انتى لسه جايه تتعلمى الطبيخ بعد السنين دى كلها مشوارك طووووووووووووووووووويل اوووووووووى لسه انا مش بحطمك بس بصراحك بالحقيقه ياجميل

شكرا على موضوعك الشخصى دا
بتفكرينى بيوميات ونيس
ان شاء الله هتتعلمى الطبيخ وهو سهل
والسمك ياستى اسهل حاجة
امال هتعملى ايه فى الكفتة و بقيت الطبيخ ههههههههههه انا يمكن زيك بس ماما هى مدلعانى اوى ومش عايزانى ادخل المطبخ قال ايه عشان كسرت الطبق الكبير العزيز عليها اللى بابا جايبهولها فى عيد ميلادها
ماما دى زى العسل والله ربنا يخليلنا الامهات كلها بجد
وانا بحب ماما اوى كفاية انى اتفرج عليها وهى بتطبخ