كلمات معبرة جدا

أد إيه لحظة جميلة مش زى أي لحظة وقف فيها اودام شط البحر

شخبط بعصاية صغيرة في أيده الرمل اللي على شط البحر

وهو بيفتكر الأيام الجميلة وبيبتسم

حس برغبة كبيرة للضحك بس فى نفس الوقت كانت عنيه بتفيض بالدموع

كان بيضحك ويبكي

كان بيضحك لما يفتكر مواقفها الجميلة

وكان بيبكي علشان أجمل واعز ما فيها اختفى

سقطت الدموع من عنيه وسقطت ع الشط

دمعة بعد دمعة والبحر الهادي بيتهز شوية

خرجت من قلبه صورة وإترسمت بريشة الخيال على المية

رسمت وجهة طفولي رائع

حاول انه يخرج صورتها من قلبه لكن متعلقة بقوة

بقيت منه وفيه استحالة انه يخرجها من ذاكرته

افتكر أنها صورة عابرة

صورة جميلة على وش المية رسمت صورة طفلته المبتسمة

اعتقد إنها هتزول مع الأمواج

لكن كل ما تيجي موجة ويهدى البحر ترجع ريشة الخيال ترسمها

أد إيه شعور غريب انك تضحك وتبكي في وقت واحد

أد إيه حاجة عجيبة إن بتختلط الدموع بضحكنا

بقى ما يشوفش في وشوش الناس إلا اللي يشبه ملامحها

عينيها صوتها جمالها

مش عارف يعمل إيه

قلبه مش هيقدر على فراقها

بس لازم يفارق

فوق غصن صغير شاف طائر بيغرد لوحده

فقال دا زيي بيبكي وبيغنى لوحده

بس كانت لحظة واحدة ووقف جانبه طائر تانى واتبادلو الغنا وطاروا بعيد واختفوا

ولأنه مفيش في وسعه إلا انه يطير لوحده

علشان كدة لقى نفسه مجبور انه يقسى على قلبه

ويقول أخر كلامه

انه بكى وضحك علشانك وليكي

هرب واختفى علشانك ومنك


مسيرة الفراق بألف وهم و وهم

هل الحب دايما بيتخبط فى غابة من الشكوك والريبة

ولا المرأة غدارة وخاينة ولا الراجل هو اللى مقضيها

ولا انا ايه اللى بقوله دا

تسلم ايدك ونتمنى المزيد والمزيد
شكرا ليك