عريس ما يتعوضش

ذهب شاب لخطبة فتاه من اهلها فقال له ابوها لازم ناخد راى البنت الاول وبعدين نرد عليك
فمشى الشاب من بيت الفتاه منتظرا الرد

وبعد ايام اتصل بيه ابوها وطلب منه انه يجى عندهم البيت
ولما راح الشاب قاله الاب البنت عندها شرط علشان توافق
فساله الشاب عن الشرط قاله الاب شرطها انها تشوفك وتقعد معاك

طبعا وافق الشاب وبكل سرور وسال الاب هيقعدوا يتكلمو فين

قاله الاب فى اى مكان المهم تتفقوا
فخرجوا سوا وراحو حديقة معينة وكان معاهم اخو البنت الصغير واتكلمو مع بعض وانبسطوا

ولما رجعت البنت البيت سالها ابوها عن رايها

قالتله هو فيه حاجة واحدة مش عجبانى قالها ايه هى قالتله انه بيسعل كتير قوى طول ما احنا قاعدين بنتكلم(يعنى بيكح)
قالها ابوها انه هيقوله

ولما جه الشاب مرة تانية قاله ابوها ان البنت عندها اعتراض واحد عليك انك بتسعل طول الوقت

رد الشاب وقاله لا انا مش بسعل الا لما بدخن بس

قاله الاب هو انت بتدخن!

رد الشاب لا مش بدخن الا لما بحشش

قاله الاب ايه دا هو انت بتحشش!!

رد الشاب لا مش بحشش الا لما بشرب

قاله الاب هو انت بتشرب!!!

رد الشاب لا مش بشرب الا لما بكون مع صاحبى الانتيم اللى اتعرفت عليه فى السجن

قاله الاب وكمان كنت فى السجن!!!!ليه عملت ايه

رد الشاب لا ابدا قتلت واحد كنت رايح اخطب بنته وقالى انى مش عاجبه

قاله الاب الف الف الف مبروك يا حبيبى انا مش هلاقى عريس زيك لبنتى

وراح لبنته وقالها الولد كويس جدا وانا وافقت




هههههههههههههههههههههههههههههه
شفتو كل واحدة تاخد بالها

شكرا على الموضوع الاكثر من رائع

اوننتظر كل جديد والتقدم فى المنتدى الرائع

شكرا ليكو انتو

والحمد لله يا احمد انى عرفت اضحكك

هههههههههههههههههههههه

احلى عريس

تسلم الايادي