والله الولاد دول حاجة غريبة

حقيقـي.. الولاد دول حاجة صعبة مش ممكن أبداً.. ح تعرفـوا ليه دلوقتـي


لو عاملتيه حلو يقولوك واقعة فى هوايا
وان معبرتيهوش يقول عليكي مغرورة ومناخيرك في السما

لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة

لو اتناقشتي معاه هيقول عليكي عنيدة
ولو سكتّي هيقول عليكي مخك فاضي

لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي

لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك

لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه

لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة ) ده لانّه بيخاف عليكي

لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه.. اضطر

لو انتي حليتي حلو فى الامتحانات يقولك ده حظ
اما هو لو حل حلو يقولك ذكـاء

لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟


بدووووووووووووووووووووووووون زعل بس فى رايى دى حقيقة بلاش تنكروا بقى خلااااااااااص

طبعا مش كل الولاد كدا بس دا بقى الغالب دلوقتى

وميرسى لمرورك

فعلا انا ابن الايام دى وانا حاجه غريبه مممممم صح صح صح :cheers:

عندك حق يا سنو والله في معظم كلامك
بس هنقول ايه
حسبي الله ونعم الوكيل فيهم
كلهم قاسيين

elmontoo كتب:

انتى عندك حق فعلا بس مش كل الاولاد كدة فى اولاد عقلهم كبييييييييير شوية وبيفهموا وبيقدروا الامور كويس

عندك حق يا غالى

هههههههههههههههههه

ميرسى يا جماعة على ردودكم