رسالة الى شبكة موبينيل الجديدة والى جموع الشعب المصرى الزعلانة والى موبايل رئيس جمهورية شومبونجو الشقيقة فى احدى بقاع المحيط الهندى
الشغل حاجة وعلاقتنا ببعض حاجة تانية !
حكومة شومبونجو لا تهتم بنداءات القرد المتكررة عشينى تلاقينى - عشينى تلاقينى - عشينى تلاقينى
مش علشان غيرنا الشبكة القديمة نبيع القرد بتاعنا معاها
كفاية انه استحمل كتييير
ده اتربى على ايدينا واتسخط قدامنا وهو قاعد مع خطيبته لما قالها جملته المشهورة: ده انا اتسخط قرد لو الموضوع مافيهوش ان نا
وطلع باب السما مفتوح
حتى بعد ماشتغل مع موبينيل وعمل لهم اعلانات جامدة راحوا ركنوه وجابوا ياسمين عبد العزيز مكانه وقالتله بالمتغطى فى اعلان من الاعلانات "خليك كده" وهى بتاكل التفاحة !!
ذكريات كتيييييير عدت علينا معاه وبعد كده نفرط فيه بالساهل !!!!
يا خسارة !!!
مش ممكن نسيب القرد بتاعنا يروح شوموبونجو , ومايرجعش !!
وفين خطيبته اللى المفروض تكون اول واحدة ترفع قضية وتخش معانا هنا الجروب ؟؟؟؟؟
مع بعض هنرجع القرد
لان احنا عزوته واهله
مش شايفينه متمرمط ازاى هناك
مصعبش عليكم وهو مش لاقى حد يكلمه
اخر كلام عندنا القرد دا قردنا والحق ده حقنا
ومعلش يا شومبونجو
افرجوا عن القرد واحنا هنبعتله طيارة خاصة تجيبه من عندكم
رجعوا القرد بتاعنا
تاريخ التسجيل
موضوع: الحملة المصرية لارجاع القرد اللى بيتكلم من شومبونجو بتاع موبينيل 
الإثنين سبتمبر 29, 2008 10:16 pm
