من هو صاحب اجمل دمعه حزينه؟؟؟؟؟؟؟؟؟؟؟؟؟؟

السلام عليكم

هكلمازيكم يا جماعه ان انهاردة جيبالكم موضوع جديد خالص على المنتدى ارجو انه ينال اعجابكم

انا مش هتكلم عن الفنان دة عشان انا بحبه لكن انا هتكلم عليه لانه يستاهل انه يبقى نجم لامع بجد انا هتكلم عن اصدق احساس موجود على الساحه مش احساس غناء فقط لاء دا احساس فى التاليف واحساس فى التلحين واحساس فى كليبات انا هكلمكم عن صاحب الدمعه الحزينه زى ما البعض اطلقوة عليه وانا عن نفسى بقول عنه انه صاحب اصدق احساس ابن البلد الشهم الجدع اللى بيحس بالغلابه قبل البشوات كم عن النجم فى شخصيته الفنان مصطفى كامل :heart: :heart: :heart:

انا قبل ما هقولكم عن النجم ونجحاته الحاليه هقولكم وافتكروا معايا نجحاته السابقه طبعا كلكم فاكرين النجم الجماهيرى الفنان محمد فؤاد واغنيه الحب الحقيقى وكداب وهنساك وكثيرا كلها كلمات الفنان مصطفى كامل كمان افتكروا معايا نجم الغناء العربى هانى شاكر وافتكروا ياريتنى والحلم الجميل وغيرها كمان الهضبه عمرو الدياب ومن اكبر علاماته اغنيه الملاك البرئ وكثيرا ما تغنى اسطع النجوم بكلماته ايهاب توفيق محمد رشدى وجواهر اما حاليا يعود بقوة الصاروخ واتحاد العملاقه مرة اخرى فى احدث اصدارات النجم محمد فؤاد فى البومه القادم وقد كتب له حتى الان اغنيتان فى الالبوم الجديد وطبعا كتب للشقيه نانسى عجرم اغنيه بتيجى سيرتك فى البوم بتفكر فى ايه كمان كتب للدلوعه مادلين مطر اغنيه قلبى الطيب واخر اعماله حصريا على حبيتك اغنيه مع صاروخ الاغنيه هيفاء وهبى انا اتكلمت كتير عن مصطفى كشاعر وحقه انى اتكلم عنه كمطرب وملحن.

اكيد سمعتم عن اوبريت حكايه للفنان مصطفى كامل واللى قدر يجمع فيه نخبه من نجوم الغناء زى هانى شاكر وايهاب توفيق ومجد القاسم وسميه وبشرى واحمد كامل ومحمود الليثى وكانت اغنيه تدعو للوقوف ضد الادمان وكان الاوبريت تحت رعايه حمله الداعيه عمرو خالد وقد كرم مصطفى كامل من الداعيه عمرو خالد على هذا الاوبريت العظيم

دلوقتى نيجى للالبومات مصطفى عمل 9 البومات زى اجمل سنين العمر والبوم صور واكرهينى وحكايتى انا ورحله عمرى واخيرا البوم هدوس على قلبى اللى حقق اعلى مبيعات فى صيف 2008

مصطفى ناس كتير بتعترض على صوته ودا عادى لانها ازواق لكن اللى مش عادى ان حد يقول عليه مطرب ميكروبازات دا اللى عيب ليه اقولكم مصطفى احساسه عالى جداااااااااااااااااااااااااا ولو ناقشنا اغنيه واحدة من كلاماته هتاخد ساعات عشان نفصصها هو فعلا راقى جدا بكلامه وبيمس القلب بسرعه وبيقدر يخطف اللى يسمعه وقاله عنه مطرب ميكروباز عشان الطبقه دى بتسمعه طب عايزة اسال سؤال يعنى هما مش بيسمعوا عمرو الدياب او محمد فؤاد او جورج وسوف اكيد بيسمعوهم كمان مصطفى صادق اوووى زى ما قولت عشان كدة بيمس قلوبهم ودول الطبقه الغلابه من الشعب اللى طالع عينها ليل ونهار بيجروا على لقمه عيشهم معنى كدة لما واحد فيهم يطلع جنيه يصرفه عارف انه مش بيضيعه هدر عشان كدة الناس دى بتجيب اللبومات بتاعت مصطفى كامل لانه بيغنى منهم وليهم

انا بدافع عنه لانه فنان بجد وهو مش مستنى رائ لكن اللى عايزة اعرفهولكم كمان انه انسان محترم وقدير وابن بلد بجد وبيقف بجانب
المظلومين ودا اللى يستاهل اننا نقول عليه بحق انه ابن مصر

والناس اللى بتقول انه نكد وكل اغانيه حزينه طيب ما هو من حال الناس انتم شايفين الدنيا فيها ايه يفرح ما كلها غلاء وظلم وقتل واحتلال يعنى لازم يكون حزين على حال الناس وبعدين مش كل حاجه نكد هو كمان كتب للفرح برضه عشان الناس يمكن تنسى لثوانى احزانهم لما يتعايشوا معاة فى اغنيه فيها فرح زى ام عيالى وقشطه يابا اللى ناقش بيها قضيه مهمه واغنيه شكرا والله يسهله وحبيب العمر وانا وانت وحبيب ايامى وباقه كبيرة من الاغنيات

[size=24]لان اطيل اكثر من ذلك ولكن ارجو ان تكونوا عرفتم من هو مصطفى كامل الفنان والانسانوعايزة اشوف ردودكم وتفاعلكم مع الموضوع وانتظرونى فى اخبار نجم جديد

موضوعك كويس جدا ومحدش بيعيب على اى مطرب ولا حاجة

بس انا عاوز اقولك على حاجة واعذرينى فيها دايما اللى بيحب شخصية او بيحب انسانة دايما بيبقى شايفه

من نظره انه مافيش زيه وانه فعلا كويس جدا جدا واان الناس كلها بتقول كلام غلط عليه وكدة

بس فى مثل بيقول لولا اختلاف الاذواق لبارت السلع ياعنى انا من اشد المعجبين بالمطرب عمرو دياب

وبحبه جدا جدا وليا اسبابى الخاصة انه مطرب متربع على عرش القمة حوالى 20 عام صوته جميل جدا

اول مطرب عربى يدخل الموسيقى الغربية فى اغانيه مطرب قدر يوصل لقدر من العالمية وده وجهة نظرى

وانا شايف انه كدة لكن لو غيرى شاف عكس كدة هو حر دى وجهة نظره وهو حره فيها

وانتى بتقولى مثلا ان مصطفى كامل ابن بلد وكدة انا طبعا منكرش ان مصطفى كامل

مطرب كويس وليه اغانى جميلة جدا بحب اسمعها زى رحلة عمرى واقوى من الايام وبعض الاغانى اللى

كويسة بس مش فاكرها بس مصطفى كامل اسمه لونه فى الغناء او اغانيه

تتميز بانها شعبية وتندرج تحت الاسم الشعبى وده حسبه هو ياعنى فى سعد الصغير وفيه مطربين كتير

اوى اندرجوا تحت الاغانى الشعبية مع ان طبعا كلام مصطفى كامل عشان اوضح مختلف بطريقة كبيرة

اوى عن المطربين دول لان كلامه فعلا كويس ومعبر

عمرو دياب مثلا بيندرج تحت المسمى الاغانى الرومانسية والشبابية

وعلى فكرة فى نقطة عاوز اقولك عليها كل مطرب بيخاطب طبقة من المجتمع ياعنى مثلا سعد الصغير

بيخاطب الطبقة اللى هما سواقين التكاسى والتكاتيك وبيخاطب الطبقة اللى هى بتجرى ورا لقمة العيش

مصطفى كامل بيخاطب الطبقة المتوسطة من الشعب اللى احنا منها واكيد كلنا منها الله اعلم

عمرو دياب مثلا وتامر حسنى ومحمد حماقى بيخاطب الطبقة اللى هى تعتبر فوق الطبقة المتوسطة بشوية

واكيد كل طبقة بترتاح للمطرب اللى تحس انه بيعالج مشاكلها

ياعنى مثلا سعد الصغير وطارق الشيخ بيشوف اوضاع الناس اللى عايشين يومهم بيومهم والمهمومين

مصطفى كامل بيخاطب الناس اللى زينا اللى عندها مشاكل فى الحب وفى حياتها بطريقة كويسة

عمرو دياب بيخاطب الناس اللى مشكلتها الاساسية فى الحب فقط

عموما هى كلها وجهات نظر انا حبيت بس اوضح وجهة نظرى وانا اسف لو كنت طولت بس ياريت تقبليها

ولو حاسة ان فيها كلام مش مقتنعة بيه اعرفى ان دى وجهة نظر ليا وراى مش اكتر

شكرا ليكى

شكرا ليك يا احمد وكلامك كله صح مش شايفه فيه حاجه غلط وزى ما انت قولت ان كل واحد ليه وجهه نظره

ومع انى من اشد المعجبين بمصطفى كامل الا انى بحب الهضبه عمرو دياب لانه بجد حد يستاهل بجانب طبعا تامر حسنى وحماقى وفؤاد وناس كتير جدا

وعموما شكرا على مرورك وردك

اوك يا سما وعموما منتظرين منك مواضيع ومشاركات فى المنتدى وربنة يوفقك