حب من غير أمل !!!!!!!!!!!!!!!!!

ازيكم يا جماعه ايه اخباركم انا عايزه رددكم في الموضوع ده انا صحبتي بتحب واحد اووووي وهو كمان بيحبه جداااااا وعايز يرتبط بها بس يا خسارة في فرق كبير في مستوي التعليم هي تعليم عالي وهو تعليم متوسط وكمان فرق في الستوي المادي وهي مش عارفه تاخد قرار في الموضوع ده .ياتري ممكن يرتبطوا ولا لاه . بليز يا جماعه انا محتاجه رأيكم ضروري

_شوفى يا lovely girl_انا بصراحه شايف ان الفروق دى لو كانت على اد

الفروق الماديه كانت المشكله تكون ابسط شويه لان مهما

كان المستوى المادى مش عقبه جامده اوى فى طريق الحب الحقيقى.......

مع انه احيانا بيسبب مشكله ، على اساس ان الشخص ده مش هعيرف يعيشها

فى نفس المستوى اللى كانت عايشه فيه مع اسرتها .....

وعلى الرغم من كدا العقبه دى ممكن القضاء عليها

لو ان الحب اللى بينهم حب حقيقى صادق..........

_لكن العقبه الحقيقيه فعلا :

هى الفروق فى المستوى التعليمى ، لانها بتصعب عمليه

التفاهم بين الطرفين .....ودى مشكله خصوصا لو كانت

البنت هى اللى مستواها التعليمى اعلى لان الموضوع ده

مع الزمن ومن غير قصد ، بتخلق حاله من الغيره والشعور

بالنقص من جانب الشاب اللى هيرتبط بالبنت دى.....

واللى هو زى انتى ما بتقولى ......اقل منها فى المستوى التعليمى

وعلى فكره وجهه النظر دى مبنيه على افكارى انا ، لكن دى انا شفتها

ادامى فى الواقع ، حالات عمليه...اتبنت على الحب الشديد

ولكن الفروق فى المستوى التعليمى تحديدا ، كانت سبب فى فشل الارتباط ده

وانتهى النهايه المأساويه ، وهى الانفصال........

علشان كدا لو عاوزه راى انصحى صحبتك دى بنهاء العلاقه دى.......

ودى وجهه نظرى المتواضعه..........

ممكن باقى الاعضاء يكون ليهم وجهات نظر مختلفه.....

عذرا على الاطاله ، تقبلى مرورى.....

ياريت رايى دا يكون صح
بصى هى لو بتحبه بجد هيكون عادى ولا فرق مستوى مادى ولا اى حاجة
هو اة الفرق فى التعليم بيكون مشكلة بس بردة لو هما بيحبوا بعض اوى وبجد
هيكون مفيش مشكلة

دا رايى ووجهه نظرى

هااي الحقيقة الحب الحقيقي ما يخضع ابدا لاي فوارق لا مادية ولا حتى في المستوى الثقافي يمكن تكون في مشاكل صح بس لو بيحبو بعض حب حقيقي راح يسود التفاهم بينهم
الله يقدم اللي فيه الخير

موضوعك صعب شوية بس انا شايف ان ممكن يحصل زواج فى حالة واحدة بس وهى ان الشخص اللى هى اخترته يكون عنده طموح فى حياته وعنده مشاريع وتفكيره كبير ويقدر فى مدة بسيطة انه يكون ناجح فى حياته ويكون معاه فلوووووووس ويكون محط احترام للناس كلها بشخصيته وباعماله ش

لكن بصراحة واكون صريح اكتر الاشخاص اللى زى تقول نسبتهم واحد فى المية او فى الالف

ياعنى من فين وفين واحد يكون تعليمه متوسط ومش معاه فلوس ويبقى انسان ناجح اوى وعنده احلام وطموحات ومشاريع والحاجات دى كلها

عموما ممكن تكون الفترة الل هى فيها فترة مراهقة وهتعدى وانا شايف ان هى تبص لمستقبلها احسن

وممكن يجيلها انسان كويس جدا جدا ويكون معاه فلوس ويكون تعليمه عالى ومحدش عارف نصيبه فين
وكمان الجواز مش اتنين بيحبوا بعض الجواز فيه اهل وفيه اصدقاء وفيه دوشة كبيرة وفيه اختلاف فى مستوى التفكير بينها وبينه حاجات كتير

عموما ربنة معاها ويوفقها وتحاول تبص لمستقبلها احسن

انا شايفة ان المستوى المادى دا مش هيفرق خالص لو كان فى حب صادق

بس لو الحب صادق من الطرفين

بس مستوى التعليم ممكن ممكن ياثر

مش من ناحية التفاهم وكدا لان انا شايفة ان التفاهم مش مرتبط بالتعليم لا بالخبرة

ياما فى مهندسين ودكاترة ما تقدرش تتكلم معاهم اصلا

لكن زى ما قال سندباد الموضوع دا ممكن يخلق حاله من الغيره والشعور

بالنقص من جانب الشاب اللى هيرتبط بالبنت دى.....

ميرسي علي رددكم الرائعه رأيكم زي رأي بالضبط وكمان انا مع أحمد ان هي في فتره المراهقه والايام جايه وممكن تشوف انا احسن منه بكتير وهي تبص لمستقبلها افضل وايضا رأي سندباد ان في كتيرمن الناس سبب الانفصال الفرق في مستوي التعليم وشكرا علي الرد الرائع من جنات وقطر الندي snow_white

اولا حب من غير امل زى بحر من غير ميه يعنى مجرد اسم احب اقوللك ان الحب ملوش دخل بالتعليم او المادة والا كان المتعلم قال انا احبك بالفصحى بدل العامية اوالمادة كان هيقول ممكن احبك بعشرة جنية صدقينى الحب الجاد الصادق بيكسر كل الحواجز والفروق