** ادخــل الان وشــارك لعبة كرسى الاعتراف **

لالالالالالالالالالالالالالا
انا مش زعلانة خااااااااااااالص
انا منتظرة اسئلتكوا وان شاء الله هرد عليها بكل صراحة

وربنا يالميس كل اللى طلع عليا ليطلع عليكى دة انا بموت فيكى موت يلا بقا جاوبى على اسئلتى عما افكرلك فكام سؤال كدة :D

اولا:عرفينى بنفسك؟
*انا لميس اولى ثانوى .منية النصر نفسى ادخل كلية صيدلة دى امنية بابا اما انا عايزة ادخل سياسة واقتصاد

ثانيا:اية اكتر حاجة بتكرهيههافنفسك واكتر حاجة وبتحبيها فنفسك؟
*اكتر حاجة بكرهها فى نفسى هى عصبيتى وانفعالى الشديد
*اكتر حاجة بحبها فى نفسىانى عشرية اوى وبحب اتعرف على الناس يعنى ماشية بمبدأ معرفة الناس كنوز

ثالثا: مين اكتر شخص بتحبية فالمنتدى مع ذكر الاسم وماتقوليش كلنا ؟ومين اللى بتكرهيية؟
*اكتر شخص بحبه فى المنتدى هو واحدة كدة يعنى اسمها ساسو تقريبا او اسراء ودخلة باسم باين كدة ليلى المهندس
*اكتر شخص بكرهه فى المنتدى هو عضو معانا ومش لازم اسمه ليكون مثلا عنده دم ولا حاجة ويزعل

رابعا:مين الشخص اللى تقوليلة منك لله؟
*بصراحة يعنى هو عمى

خامسا:اية اصعب موقف مر عليكى؟
اصعب موقف هو ساعة نتيجة سادسة ابتدائى الترم التانى
اصل انا كنت جايبة الدرجة النهائية 175 من175 وبعدين الترم التانى نقصت فى الرياضة 9 درجات
وملحقتيش ترتيب بس يلا الحمد لله

سادسا:اخر مرة نزلت دموعك امتى ولية؟
اخر مرة نزلت دموعى فيها كانت من 3اسابيع على الصبح كنت مشكلة مع بابا

سابعا:اول قصة حب مرت عليكى كانت امتى وهل مازلت مستمرة او لا ولو مستمر تقولى عاملة اية فيها ولو مش مستمرة تحكيى عن القصص الجديدة ولو مافيش جديد تقولى بتتمنى تعيشة قصة حب تانية ولا لا ؟
*اصلا اصلا مفيش قصص حب انا مريت بيها الحمد لله
وانا دلوقتى مش بتمنى اعيش قصة حب خالص لانى مش فاضية ليها لانى زى ما انتى عارفة انا دخلة على ثانوية عامة ومش فاضية خالص
انا والله جاوبت بكل صراحة

اية العسل دة يالميس بجد تسلميلى ياقمر ربنا يخليكى ليا ومش يحرمنى منك ابدا بس بردو هسألك تانى :tongue:

السؤال الاول:

اعتذار تريدى ان تقدميه ..........يا ترى هيكون من نصيب مين؟؟
*والله انا بقدم اعتذارى لربنا مولاى وخالقى لانه بصراحة هو الى يستحق الاعتذار ده

السؤال الثانى:

ايه اكتر امنيه بتحلمى انها تتحقق فى حياتك؟؟؟؟؟؟؟
*ان شاء الله يعنى بعد ما ادخل الكلية الى انا عايزاها اكون دكتورة فى الكلية
بس مش تخاف انا ان شاء الله هكون دكتورة طيبة وهشرح كويس وعامل الطلبة برفق
ان شاء الله ان حصل يعنى ادعيلى بقى
السؤال الثالث:

على فكره السؤال ده سألته لكل اللى كان موجود فى التوبيك ده

(من اللى كانوا فى الثانويه العامه)

[color=indigo]فكرتك ايه عن الحياه الجامعيه؟؟؟؟؟
[*انا شايفة ان الحياة الجامعية كويسة ومش كويسة فى نفس الوقت
يعنى انا حاسة انها حياة لذيذة هتعرف على بنات كتير وهيبقى ليا صحبات كتير
وكل يوم الصبح اروح المحاضرات واشوف الدكاترة وكدة يعنى بالاضافة انى هعرف خبرات وعقليتى هتتفتح اكتر
اما ان هى مش كويسة فان هى انفتاح جامد جدا ومعدش فيه اخلاق اد كدة يعنى وانا اصلا عايزة حد يشدنى للدين مش يبعدنى عنه
يعنى بصراحة انا متشوقة انى اعيش الحياة دى ومخبيش ان خايفة منها جدا فى الوقت ذاته
ويا ترى مستعجله على دخول الجامعه ولا لا؟؟؟؟؟
*انا مستعجلة جدا جدا وكل يوم اقول امتى اروح الجامعة واشوف الحاجات الى فيها

السؤال الرابع:

فيما سيكون ان شاء الله لما تنتهى من المرحله الثانويه ، وتكون الفرصه متاحه ادامك

تدخلى كليه صيدله او كليه اقتصاد وعلوم سياسيه......

يا ترى هيكون ايه اختيارك:

ترضى والدك وتدخلى كليه صيدله؟؟؟؟؟

او ترضى ذاتك وتدخلى اقتصاد وعلوم سياسيه؟
*والله ان شاء الله لما اجيب درجة كويسة ممكن اتكلم معاه واقنعه انى بحب الكلية دى وعايزة ادخلهاوان شاء الله هجيب فيها تقديرات كويسة واكون دكتورة فى نهاية المطاف وان شاء الله هيقتنع بوجهة نظرى وهيتمنالى التوفيق
دا لما اجيب الفول ماركس يعنى باذن الله

السؤال الخامس

سبب اختيارك لاسم (بحور الصمت الهادئة)؟؟؟؟
لانى بحب الاسم ده جدا وكمان هو بيشبهلى كتير
لانى مش بحب الكلام الكتير وبحب الصمت
وبعدين هو تقريبا اسم رومانسى وانا بحب الرومانسية
يعنى من الاخر فيه ارتباط بينى وبين الاسم ده

واخيرا وليس اخرا
انا متشكرة ليك اوى يا سندباد على الاسئلة الحلوة دى
دا انت خلتنى اكتب وامسح وشغالة على كدة لغاية ما استقريت على الجواب الاخير
ومستنية المزيييييييييييد

1_ايه اكتر حاجه ممكن تضايقك وتتضايقى منها بسرعه وتتنرفزى على الى قدامك؟
*لما الشخص الى ادامى ده مش يسبلى فرصة انى اتكلم واقول رايى ويقاطعنى دايما ويبقى هو الى كلمته مسموعة وانا كلمتى ولا اى حاجة
وكمان لما انا مثلا بتكلم وزميلتى مش مديانى اى اهتمام وشغلة بالها بحاجة تانية

2_بتعملى ايه لما تفقدى اعز الناس لكى؟
*والله انا بعد ابكى كتير ونفسيتى بتتعب جامد جدا ولا بقدر اكلم حد ولا اشوف حد
يعنى ببقى فى حالة ما يعلم بيها غير ربنا

3_هل جربتى احساس الخيانه قبل كدة ؟ وايه رايك فيه فى الحالتين اذا كنت جربتها او لاء؟ *دا اكيد انى جربت احساس الخيانة قبل كدة وكان كمان من اقرب الناس ليا رغم انى معملتش فيها حاجة
خالص وكنت دايما بعاملها كويس جدا معاملة خاصة عن كل البنات الى فى الدفعة
ولكن تقولى ايه بقى متمرش فيه الشكولاتة جبتلى الحكاية على بلاطة
رايى بقى ان الانسان الى مجربش احساس الخيانة والدته داعية له ومش هيبقى عارف ايه الى الناس بتحسو لما حد يخون التانى
اما الانسان الى جرب احساس الخيانة دا بقى ربنا يكون معاه هو اه هيزعل شوية لكن فى الاخر هيتعلم خبرات كتير وهيعرف ان مش كل انسان انتى شوفتيه واتكلمتى معاه يبقى هو كدة بيحبك لا ممكن بيكرهك لانه منافق ومش بيبين حاجة ليكى عشان يخدعك
والاخر يديكى استمارة 6ويقولك مع السلامة معدتش عايزاكى تبقى معايا

على فكرة انا بتكلم بالمذكر للتعميم مش لحاجة تانية يعنى

شوفى بقى يا استاذة اسراء اجاباتى ياريت تكون كويسة
ومنتظرين اسئلتك يا قمرى بس كونى حنينة عليا شوية

ااجابتك جميلة وربنا يالميس بجد ردودك منطقية اوى على الرغم من انك صغيرة بس واضح ان عقلك متفتح وفاهم الدنيا كويس
بس بردو مش هسألك دلوقتى لما بقية الاعضاء يسألوكى وبالذات المدير عشان كان مبهدلنى فعلا يلا مستنينك يااحمد الدور على لميس روح قلبى طبعا وانتم عارفين انا بحبها اد اية ماوصكوش بقا عليهااااااااااا

ايه يااسراء براحه شويه على لميس انتى مالك كدة مبسوطه فيها ليه هههههههههه
براحه شويه ياحبيبتى اهدى

ازيكم يا اصحابى وحشنى بجد والله

وانا اسف جدا على الغياب...يارب تكونوا بالف خير وسعادة

ومنورة الكرسى يا لميس....وانا هسالك سؤالين مش هتقل عليكى

1...ايه اكتر حاجة حلوة فى حياتك وبتيعدك على طول

2...ايه رايك فى الحب فى هذه الايام..هل يوجد حب حقيقى فعلا..ام هو مجرد وهم يعيشه معظم الشباب

دا نورك انت يا عمدة
وبعد طول غياب يظهر عمدة المنتدى من جديد
وحاليا هجاوب على الاسئلة

1...ايه اكتر حاجة حلوة فى حياتك وبتيعدك على طول
*اكتر حاجة حلوة فى حياتى هى اختى وهى الى مخلية لحياتى اصلا معنى يعنى انا مش عارفة انا من غيرها كنت هعمل ايه بجد مش كلام وخلاص
يعنى بالنسبة ليا هى امى واختى وصحبتى وحبيبتى وكل حاجة
ربنا يخليها لى ياااااااارب


2...ايه رايك فى الحب فى هذه الايام..هل يوجد حب حقيقى فعلا..ام هو مجرد وهم يعيشه معظم الشباب
*بص هو الحب دا شىء جميل جدا بس للى يعرف معنى الحب ده ويحافظ عليه ويعرف قيمته كويس
والمهم كمان انك تعرف تنتقى حبيبك يعنى يكون يستاهل الحب ده ويحترمه ويقدره
لكن الاسف اليومين دول معدتش تلاقى الحب ده يعنى الان البنت قبل الولد تقول انا مش بحب الشخص ده لا دا انا بتسلى بس بضيع وقتى يعنى
يعنى من الاخر معدش فيه حب عاد ممكن تقدر تقول عليه كدة لعب عيال
وبين فيه حب حقيقى بس عاد نادر جدا
انا اصلا مش بعترف بالحب الى بين الولد والبنت لان مش عارفة فى النهاية هينتهى بايه
المفروض ان لو كانو بيحبوا بعض النهاية المفروضة تكون الجواز
وبكدة الحب يعيش اكتر واكتر ودا يبقى الحب الحقيقى