** ادخــل الان وشــارك لعبة كرسى الاعتراف **

انا هرد على الاسئلة كان اى حد بيسالهالى لان الاسئلة اى حد معرض انه يتسالها

اول سؤال طبعا انا كلمت فى حياتى عامة بنات كتير اوى اوى فى كل فترة فى حياتى عرفت بنات فى الجامعة عرفت او فى رحلة لكن انا عمرى ماعرفت بنت الا لما يكون فى موقف استدعى انه اتعرف عليها او هى تتعرف عليا ونعرف بعض كزمايل او كاخوات لازم يكون فى موقف للتعارف ده مثلا زميلة ليا فى الكلية مثلا حصل موقف فى مكان معين مثلا فى رحلة المهم حصل موقف للتعارف

وعلاقتى بالبنات زى علاقتى بزمايلى او باصحابى عادى جدا جدا لوقابلت بنت بالصدفة وهى عرفانى وان اعرفها ممكن اقولها من بعيد ازيك او هى تقولى ازيك او كدة او مثلا اقف نتكلم تعرف اخبارى ايه وانا اعرف اخبارها

تانى سؤال طبعا انا لو اعجبت ببنت فترة طويلة انا اولا لازم يكون عندى الجرأة انى اروح واعترف ليها بالاعجاب بس فى نقط اساسية للحوار ده

اولا انا لو اعجبت ببنت وبقالى فترة كبيرة معجب بيها وهى حصلتلى قبل كدة اول حاجة بعملها هو انى بحاول انظر ليها والفت نظرها ليا ياعنى اخليها تحس ان انا مهتم بيها حتى لو من بعيد من غير ماكلمها ولا هى تكلمنى دى اول حاجة اعملها بس طبعا انا بعمل كدة لسبب واحد وهو انى اعرف هل هى بتبادلنى نفس الشعور او نفس الاحساس ولا لاء طبعا من خلال النظرات وطبعا فى حاجة اسمها لغة العيون

ياعنى اعرف من خلال نظراتها ليا ان كانت بتبادلنى نفس الشعور ولا لاء ولو كانت بتبادلنى نفس الشعور يبقى خلاص موضوع الكرامة والحساسية ضمنت منهم نسبة كبيرة ثانيا اقوم انا مكلمها ومعترف ليها باعجابى ده طبعا مش هقولها انا معجب لا انا هقولها انى بحترمها وكدة وبعزها ومن خلال كلامها هعرف ان كانت بتبادلنى نفس الاحساس ولا لاء وده من غير ماجرح مشاعرها ولا هى تجرح مشاعرى انا ماشى خطوة خطوة لو حسيت منها ان هى بتبادلنى نفس الاحساس اقوم انا ابدا اكلمها عن نفسى عن حياتى عن مستقبلى حسيت ان هى بدات تتكلم معايا هعرف منها ان هى عاوزة تعرف اكتر واكتر ساعتها اقدر اقولها انى معجب بيها وعاوز ارتبط بيها

تالت سؤال انا مريت بــ 3 تجارب عاطفية قبل كدة لو هحكى نبذة مختصرة عن اى تجربة منهم هحكى عن اخر تجربة ان انا حبيت انسانة ومحترمة جدا وبنت ناس وكويسة وكلمت اهلى وهى كملت اهلها وكنا خلاص كويسين اوى مع بعض وكنت باذن الله ناوى اخطب فى اجازة سنة رابعة بس طبعا مافيش نصيب بسبب عوامل ممكن تكون خارجة عن اردتها عموما عادى كل ده مقدر ومكتوب محدش بياخد اكتر من اللى مكتوب ليه ( اعلم ان ما اصابك لم يكن ليخطئك واعلم ان ما اخطئك لم يكن ليصيبك )


السؤال الرابع العيب الشخصى اللى انا حاسس فعلا انه مضايقنى ونفسى اغيره انى بفكر كتير اوى اوى اوى ياعنى ممكن واحد صاحبى يكلمنى وانا ابقى مش معاه خالص مهما يتكلم ممكن مش اكون متابعه واكيد سندباد عارف العيب ده كويس وهو قالى عليه اكتر من مرة بس والله انا بحاول اغيره ومفكرش كتير وانا بفكر لدرجة انى مش بعرف انام الا بعد حوالى تلت تربع ساعة او نص ساعة دايما فى تفكير والتفكير مش حلو لانه فعلا بياثر على الواحد وبيخليه دايما محتار هو ده العيب الشخصى اللى انا حاسه


اظن انا جاوبت بمنتهى الصراحة على الاسئلة دى واكيد اى حد ممكن يتسال الاسئلة دى واتمنالكم التوفييييييييييييييييييييق



عارف يا أحمد

إنت في ردك الأول كنت دبلوماسي
بس هنا كنت كثير صريح
بجد
إنت فجأتنا بالرد ده

بس كده إحنا عرفنا كثير من خفاياااااااك

خاف بقى
ههههههه

شكل كل واحد فى المنتدى ليه يوووووم

يلا يا ملك ازمة وتعدى

انا هابدا بقى واسالك سؤال صغنون خالص

ايه الحاجه اللى حصلتك وغيرت مجرى حياتك ؟

بس يا ستى شفتى صغنون خالص ازاى

يلا ربنا معاكى على اللى جاى