عروسه من غير شبكه!!!!!!!!!

السلام عليكم ورحمه الله وبركاته

انا النهارده جاي اتكلم معاكوا فى موضوع مهم ومحتاج رايكوا هو يمكن الموضوع بناتى اكتر بس مفيش مانع من مشاركه الشباب

ايه رايكو يا بنات ممكن تكونى عروسه من غيييييييييييير شبكه يعنى توافقى يجيلك عريس يعنى ممكن يجبلك حاجه بسيطه زى خاتم وحاجه صغننه هديه كده مع الدبله وطبعا احنا عارفين ظروف الشباب

ولا هتقعدى الدنيا وتقولى ابدا انا مش اقل من كوكى بنت طنط فتكات اشمعنه هى جالها شبكه بعشره مليون جنيه وانا لا انا مش اقل من حد هى يعنى احسن منى فى ايه

ولا عشان الظروف الواحد فيها ممكن تتغاضى عن الموضوع ده وتوافقى بحاجه بسيطه فى الاول وبعدين ربنا يكرمكوا مع بعض

ها ايه رايكوا يا بنات توافقوا

وانتو يا شباب لو اختك جالها عريس مش هيجبلها شبكه بالالاف هتوافق عليه ولا هتقعد الدنيا وتقول لا

محتاج اعرف رايكوا يا جماعه شاركونى عشان ده موضوع مهم

يالا مستني مشاركتكم معايا

والله انا من راى مش عارف اقولك ايه لانى متحطتش فى الموضوع ده ومش متخيل اختى فيه بس لو افترضنا واتقدم عريس اهم حاجة يكون راجل ومستقبله كويس وتفكيره حلو ويكون ملتزم ومحترم ولو مجبلهاش حاجة دلوقتى لما يتجوزا يجيبوا مع بعض
لكن لو اتقدم مثلا شاب عاطل وكسول اكيد مش هوافق حتى لو سرق محل مجوهرات وجابه وهو جاى اهم حاجة هو راجل ويكون مستقبله حلو وكويس ويقدر يعيش اختى كويس ويخاف عليها

شكرااااااااااا على موضوعك
بالنسبه ليا انا هوافق عادى لانى انا لو شايفاه كويس وانسان محترم وملتزم ويقدر يحافظ عليا واكون واثقه من دة مش مهم بقى الباقى لان الحب والجواز مش بنقيسهم بالذهب ولا الشبكه والله لو دبله وحاجه معاه هديه وبعد كدة لما ربنا يفرجها عليه ويقدر يجيب حاجه ماشى لو مش قادر مش مهم يبقى يعوضها بعد الجواز بس اهم حاجه عندى حبه ليا دى الشبكه الوحيدة الى انا عايزاها ساعتها احس انى جالى شبكه متتقدرش ولا ايه رايك

انا هقولك اللى فيها

لو بنت حلوه مش هترضا خااالص لانها عارفه ان هيا جميله

اما لو كانت بنت وحشه اهى فرصه

ده طبعا الاغلبيه وكلكم عارفين

البنت لو اتقدملها الي بيخبها اكيد هتوافق من غير اي حاجه المشكله بتبقي في الاباء وبالذات الامهات ولو سمعتي اي شيخ دلوقتي هتلاقيه بينادي في كل محاضره ليه خففوا عن الشباب سواء بنت او ولد لان الطلبات مش شرط دهب وخلاص
وزي ماالرسول صلي الله عليه وسلم قال فيما معناه يعني ان اي حاجه العريس بيجبها لعروسته (دهب هدايا)كده يعني بيغلي من عروسته امام الجميع وبيرفع من شانها وعي راي محمود الرخيص يتباع بالرخيص
بس4000دلوقتي بصراحه يعني مايعملوش حاجه الجرام بـــ160جنيه لو حسبتوها علي الخاتم والدبله وكده اكتر طبعا

انا عن نفسى
عايزه شبكه
مش شرط تبقى بمبلغ كبير والمظاهر الفاضيه دى

ومش شرط فى الخطوبه يبقى فى شبكه
الدبله وخاتم ممكن تبقى كفايه اوى
لحد ما الظروف تبقى احسن

بس بردوا
الشبكه مهمه

شكرا على موضوعك

اولا الشبكه مش مهمه لان قيمه البنت مش الشبكه لا دي اكتر كتييييير
وبعدين انا عن نفسي ارضى بحاجه صغيرة مع الدبله
لان فعلا ظروف الشباب صعبه حاليا
ولان الشبكه مش هي قيمتي
وكمان طالما هو كويس ومحترم فخلاص