فض النزاع والنقاش فى المنتدى والعودة الى طريق المفاوضات والسلام

بسم الله الرحمن الرحيــــــــــم

طبعا اكيد اعضاء كتير شافوا اللى حصل بينى وبين المشرفة احلام فى موضوع كتبته سما انجل بخصوص هل تعرف معنى كلمة yahooo انا بدات كلامى وقولت احنا كمسلمين وانا كنت اقصد احنا

كمسلمين بمعنى اننا كمسلمين مقصرين فى حق دينا ومش بنعمل بيه لدرجة ان احنا بناخد الكلام من بره ومش بنفكر فيه ان كان صح ولا غلط لكن المشرفة احلام (انجل) مفهمتش كلامى كويس وردت عليا

رد كان حاد شوية انا اعذرها فى الرد لان هى لم تفهم معنى كلامى وانا طبعا اتعصبت فى كلامى لانى مدير المنتدى وشاب واكبر منها سنا فاكيد لازم اتعصب فى الكلام اللى احلام قالته وقولت كلامى ده

احب اوضح ان احلام انسانة كويسة جدا وهى اخت وحصل خير وانا مش زعلان منها لان الموضوع كان اختلاف وجهات نظر وهى فهمتنى غلط من الاول الامر اللى أدى اللى تفاقم المشكلة بدرجة كبيرة

اوى زى ماحنا شوفنا وبخصوص موضوع الصورة واللى مش محجبة طبعا كل انسان حر فى حياته بس الحرية لاتقلل من احترام او مكانة الانسان ياعنى ممكن تكون مجرد حدث عابر موضوع الصورة

ده منها وانتهى بس هى انسانة محترمة وكويسة والاحترام والطيبة لايقاسوا بالصور او بغيرها لان ساعات النفس بتضعف وممكن نعمل بعض التصرفات البسيطة كلنا ممكن نغلط فى حياتنا بس

عادى الموضوع كان من الاول غلط ومفهوم غلط وللامانة هى الل فهمت غلط من الاول وعصبيتى هى اللى ساعدت الى تفاقم المشكلة

اختصارا لكل كلامى احب اقول كلمة للمشرفة انجل (احلام) الموضوع انا هنساه تماما وكانه لم يحدث ولم ندخل مثل تلك المناقشة تماما

وانا همد ايدى وهنبدا صفحة جديدة لاننا فى الاول والاخر زمايل واخوات واصدقاء ومش معقول نتكلم كدة ويكون طريقتنا كدة مع بعض واكيد انا وضحت بعض الكلام ده فى ردى عليكى

وبشكر العضوة هنودة وسما انجل وسندباد وغادة وكل من ساعد على حل المشكلة من بعيد او من قريب

وكلنا نرحب بالمشرفة احلام مرة تانية وهى مشرفة جميلة وطيبة والمشكلة كلها كانت وجهات نظر ومفهوم غلط من الاول

وبمد ايدى بفتح صفحة جديدة والعودة من جديد للاحترام وللكلام الكويس واننا نشوف مصلحتنا ومصلحة دينا ومصلحة كل حاجة حلوة فى حياتنا بنتمناها

ونفكر بعقل وبمنطق وتفكير سليم وجميل وكلنا فى الاول والاخر اخوات وزمايل وياريت مافيش حاجة تزعلنا من بعض ولا تفرقنا عن بعض

عموما يا احمد خطوه كويسه جدا اللى انت عملتها دى........

انك بدأت صفحه جديده ، وعلشان كدا نقفل الصفحه القديمه....

وكأنها مش موجوده....

وكويس اوى انك قفلت الوبيك ....

لانى اصلا كنت ناوى اقفله بس لما انجل تتفهم الموضوع ...

وفيه حاجه عاوز اوضحها لانجل هى ان زى انتى ما قولتى ......

بالنسبه لموضوع الصوره ده فكل واحد فعلا حر فى تصرفاته ...

ومش من حق اى حد مننا انه يعدل عليكى فى حاجه ...

يعنى باختصار دى حياتك الشخصيه وانتى حره فيها.....

كمان احنا هنا فى المنتدى يهمنا انجل العضوه ....

اللى معانا فى المنتدى اما اى حاجه خاصه بيها مش من حقنا

اننا نحكم عليها .....

مش انتى بس .....

لا انتى زيك زى كل الاعضاء زى سندباد وزى المونتو وزى كل عضو فى المنتدى...

كل عضو فى المنتدى ميهمناش اى حاجه تخصه غير مواضيعه وردوده وتفاعله معانا

فى المنتدى ، مش اكتر من كدا........

وانا شايف ان احمد مد ايده علشان يحل الموضوع ....

ويمكن هى مجتش صريحه منه .......

بس فى مضمون كلامه ، انا شايف انه اعتذر ليكى...

وعاوز ينهى الخلاااااااااف ده والدور عليكى انتى كمان ...

علشان احنا عاوزين نشوف المنتدى والاقسام والمواضيع.......

اللى اتعطلت دى.....

يلا يا انجل ادخلى التوبيك وبلاش تخذلينا وانهى الخلااااف ده.....

وكمان علشان تيجى انتى واحمد تانى على الكرسى (كرسى الاعتراف) ونتسلى عليكم

شويه ، علشان متعملوش كدا تانى........

فى بدايت كلامى احب اشكر احمد انه لم الموضوع

شكرا ليك بجد

هو فعلا الموضوع من الاول خالص ان انت مكنتش موضوح تقصد ايه بالظبط

ودا اللى خلانى اعلق على الرد
بعد كدا انت دخلت علقت بعصبيه
وانا كذلك اتعصبت بردوا

المهم حصل خير
وكويس ان الموضوع الحمدلله اتفض

انا عارفه ان عصبيتى خلتنى اتجاوز حدود النقاش
وهو كمان عصبيته خليته يتجاوز حدود النقاش

بس دا كان غصب عنى وغصب عنه

والاختلاف فى الرأى لا يفسد للود قضيه

واتمنى ان مفيش اى عضو او عضوه من المنتدى اضايق منى
زى ما قولتلكم دى لحظه نرفزه

انا كمان نسيت الموضوع يااحمد

وشكرا على الكلام الجميل اللى انت قولته عليا

شكراا

ايوة كدة ياجماعه
انتوا لو كنتوا سمعتوا كلامنا من الاول وفضيتوا الموضوع كان هيحصل ايه يعنى
وطبعا فى الاول والاخر احنا هنا اخوات فى المنتدى دة
فياريت يااحمد انت واحلام مش عايزين زعل تانى
وخلى الامور ماشيه حلوة كدة
وان شاء الله معدناش عايزين دا يحصل تانى
بس الحمد لله ان الموضوع خااااالص بعد المناقشه الطويله دى
وشكراا يااحمد على انك قدرت الموقف ونهيت الموضوع
وشكرا ليكى يااحلام انك بردة قدرتى الموقف ونهيتى الموضوع
وشكرااا ليك ياسندباد انك ادخلت فى الموضوع
فى العموم يالا حصل خير
وياريت يااحلام لو كنت قلت حاجه زعلتك منى عديها اوك

شكرا ليكم يا جماعه
سندباد"هنوده
الموضوع خلاص انتهى
انا واحمد نهينا الموضوع
والحمدلله محصلش حاجه

شكرا سندباد على كلامك

بس رجاء
مش عايزه تعلق على الموضوع نفسه
لانه انتهى ومش عايزه نتكلم فيه تانى
وانا مش زعلانه منك فى حاجه يا هنوده
ولا زعلانه من حد فى المنتدى نهائى
واللى كان مزعلنى حاجه معينه وقلتها لاحمد وخلاص الموضوع انتهى

ايوة كده
بصراحة انا معلقتش على التوبيك لاني اتضايقت منه والموضوع اخد اكبر من حجمه ساعتها
بس كده خلاص الحمد لله
وبعدين كلنا اخوات يعني لازم نحب بعض ونستحمل بعض ومحدش يزعل من التاني

ايون كدا والحمد لله انها جت سليمة واحنا فى الاول والاخر زمايل واصدقاء وبيجمعنا مكان واحد وعموما حصل خير وياريت محدش يزعل من حد تانى لاننا اكبر من كدا بكتير

الحمد لله على ان الموضوع انتهى

ودى كانت عصبية منى ومن احلام

واكيد ياعنى كلنا زمايل واخوات ومافيش حاجة خالص

المهم احنا فى الاول والاخر

عرفنا غلطنا واعتذرنا وكل منا تقبل اسف واعتذار الاخر

واحنا فى الاول والاخر

اخوات وزمايل فى المنتدى

شكرا يا اعضاء يا حلويييييييييييين
اطمنوا مفيش حاجه
كله تمام
انا واحمد اتفاهمنا
والموضوع انتهى نهائى

الحمد لله ان اجما اخت واجمل اخ اتصالحوا وانتهى الزعل بينكوا يارب يدوم الاتفاق والتفاهم بينكم وبين كل اعضاء المنتدى الجميل ده