ليه الوردة الحمرا رمز للحب والوفاء

كاااااااااااااان يا ماااااااااااا كاااااااااااااااان فى مكان وزمان

قرية جميلة هادية قرر اهل القرية ف يوم اقامة حفلة يتجمع فيها كل اهل القرية

وفى ليلة من ليالى الخريف اقام اهل القرية حفل بسيط ضم كل اهل القرية

وكان ف القرية شاب صغير بيهوى بنوتة جميلة ومن سنة لسنة كان حب البنت

بيملك قلب الشاب وفى الحفلة اتجرا الشاب واتقدم يطلب من البنوتة انها ترقص معاه
لكن البنت رفضت واملت على الشاب شرط علشان تقبل ترقص معاه

وكااااااااااان الشرط انه يهديها وردة حمرا، الشرط كان اصعب من اصعب ما يكون

لان الوقت كان خريف ومافيش اى زهور حمرا بالمرة
الشاب خرج من الحفلة

يدور على وردة حمرا لكن للاسف مافيش، حزن الشاب وبدت دموعه تنزل .. وكان

للشاب الصغير صديق ،الصديق كان عصفور رقيق مخلص محب لصديقه الشاب
ولما سمع العصفور حكاية الوردة وعد صديقه الشاب انه هايطير فى
كل مكان ويلاقى وردة حمرا ..طار العصفور .. وطار وطار فى كل مكان

لكن !الوقت كان خريف مافيش اى زهور حمرا وقف العصفور حزين على
فرع شجرة خالى من الاوراق .. حزين العصفور وخايف ما يقدرش يوفى

بوعده لصديقه .. وحزنه بيزيد بمرور الدقايق وخوفه على سعادة صديقه

كمان بيزيد ..الشجرة التفتت للعصفور الحزين وسالته عن سبب همه ولما

عرفت بموضوع الوردة الحمرا قالتله ان الحل عندها ..بس الحل صعب شوية
العصفور لم يتردد فى انه يوافق حتى قبل ما يعرف صعوبة الحل

الشجرة قالتله اسحب منى فرع جاف واجرح بيه نفسك ولون اى وردة

من الموجودين بلون دمك الاحمر .. وقتها تبقى وردة حمرا .. العصفور

بسرعة نفذ نصيحة الشجرة وفعلا جرح نفسه جرح عميق ولون زهرة

كانت بيضا بلون دمه الاحمر .. وطار العصفور بالوردة الحمرا وبجرحه

لصديقه اللى اخد الزهرة وكله سعادة وراح لحبيبته علشان يقدمها ليها ..البنت

فرحت جدا واخدت الزهرة ورقصت مع الشاب وعاشوا ليلة جميلة من احلى

الليالى .. وكانت اول ليلة وبعدها كانت كل ايامهم ولياليهم حب ..

لكن الشاب نسى حتى يشكر العصفور اللى مات من شدة جرحه
لكن مات سعيد لانه وفى بعهد الصديق ..
وكان سبب فى قصة الحب اللى ملت القرية بالعطر والسحر ..

ودى الاسطورة اللى منها كانت الوردة الحمرا رمز للحب والوفاء

شكرا هنوده على موضوعك وفعلا اللون الاحمر اكتر لون يعبر عن الحب

شكرا ملك روحى على مرورك

ميرسى هنوده على الموضوع الجميل دا
والعصفور الرقيق دا هو الى يستحق الوردة ............

كلام جميل اوي وقصه جميله اوي
شكرا علي موضوعك الهايل ياهنوده
واهديلك اللون الاحمر

شكرا غادة واحمد على مروركوا وميرسى ليك يااحمد

ميرسى ليكى يا احلى هنوده على موضوعك الجميل ده

وعلى فكره انا اكتر حاجه بحبها الورد الاحمر

ميرسى اوى يا هنوده على القصه الجميله دى وبجد عجبتنى اوى
وانا مع رأى غادة العفور هو اللى يستاهل الوردة
وانا بحب الورد جدا وبالذات الاحمر

شكرا سما وفلسفه الحب على مروركوا فعلا الورد الاحمر جميل ومعظمنا بنحبه

شكرا يا هنودة على موضوعك الجميل دة وبجد قصة مؤثرة وانا اهديلك وردة حمرة

شكرا ياساحرة على مرورك وعلى الوردة الحمرة الجميله دة

بجد يا هنوده مش عارفه اقولك ايه بالظبط

القصه في قمه الروعه ولكنها في نفس الوقت مؤلمه جدا

وبجد مش عارفه اقولك ايه خالص ...

ربنا يحميكي ويخليكي ليا ويسعدك

شكرا ليكى ياديدا على مرورك الجامد ده وربنا يوفقك