هل البنات اندال ؟؟؟؟؟؟؟؟ (ان كيدهن عظيـــــم )

RODY.HOB كتب:: اهلا يا مونتو على فكره الموضوع جميل وبقدم شكرى لك عليه بس.........
انا مش معاك خالص ان فى اصلا عدو مراه لان ساعات بتكون المراه عدوه لنفسها
و مفيش حد يعرف يقف اصلا امام المراه كده ويقول انا عدو المراه ولا احد يجرأ على فكره ......
وساعات كمان بيبقى الرجل خاتم فى يد المراه وتعرف تحركه زى ناس كتير انا عارفاهم ........
على فكره مش لازم يكون الشخص يكون قريب من الناس علشان يتقال عليه خاتم فى ايديها بس ممكن يكون عايز يكون مع الناس دى وتصرفاته بتقول انه ممكن يعمل اى حاجه ويخدع ويكذب علشان يوصل للحاجه دى ............!!!
وبشكرك مره اخرى على الكلام الجميل ده

[

size=24]

على فكرة انتى رديتى على جزء صغير من الموضوع موضوعنا مش بيتكلم على عدو المرأة خالص حاولى تقراى الموضوع كويس وتشوفى الردود وعليه ردى لكن انتى قرأتى جزء من الموضوع واحنا مش بنتكلم فى عدو المرأة او الرجل او الرجل يبقى خاتم فى صابع البنت

وشكرا لردك عموما ومتابعتك [/size]

انا برده عند رأيى وشايفه ان الولد مابيعزرش ظروف البنت وبيرمى الحمل كله عليها
مع اعترافى ان فى برده بنات النداله فى دمهم ولما تلاقى اتقدملها عريس احسن بتوافق وهى اللى بتكون ندله
انا ماقولتش حاجه فى دى زىمافى الكويس فى الوحش وفى النوعين سواء بنات او ولاد
وبالنسبه لكلام ...(بحور الصمت الهادئة)
((فعلا بقى البنات اندال اندال بجد يعنى دا معظمهم لكن القليل وفى متلئيهوش اليومين دول))
((وكمان فيه حتة الى هيا البنات مبيحطوش لسانهم جوة بؤهم ))
سورى انا مش معاكى واسمحيلى اعلق على كلامك وانا بتكلم من ناحيه انا شيفاها مش كلام وخلاص
زى ماشوفت النسبه اللى فيهم الصفه دى شوفت كتير كويسين ومش عندهم حركه النداله دى بالمرة بنات جدعه بجد وبيحفظوا السر وبيحافظوا على صداقتهم
وبرده شوفت حركات نداله كتير من البنات مش معنى كده انى اعمم الموضوع..طيب مانا شوفت ولاد كتير( وتجارب ناس اعرفهم)مش بيحافظوا على اى حاجه لا صداقه ولا حب ولا اسرار
مش معنى كده انى اقول الولاد كلهم اندال او حبه صغيرين اللى كويسين
وانتى لسه فى بدايه حياتك واكيد لسه هتشوفى الكويس يمكن لغايه دلوقتى قابلتى اصدقاء مش كويسين خلى عندك امل ان فى كتير كويسين

وممكن مايكونش بيحصل بين الولاد مشاكل كتير عشان بيكونوا مكبرين دماغهم شويه وانا قولت قبل كده ان عيب البنات انهم بيقفوا لبعض على الواحده
وطبعا مش بعمم برده.... ده الفرق بس مش اكتر....وكلمه ان كيدهن عظيم مش معناها مش كده خالص وزى ما بتعلقوا على الوحش بصوا للحلو والله فى كتير كويسين
اختلاف الرأى لا يفسد للود قضيه
وسورى لو كان رأيى بيضايق حد....

مالاولاد كمان اغلبيتهم اندال واكتر البنات هي اللي بتعتذر على الغلط وأغلب الولاد مغرورين وغلسين ومابيعتذروش على حاجة ابدا , ايه ده ة كمان في الاخر احنا اللي اندال بس لعلمك انا ندلة ههههههههههه

شكرا ليكى يا فلسفة الحب على نصيحتك الغالية دى
بس انا برده معممتش انا اتكلمت فى نطاق الى انا شفته واكيد فيه الحلو وفيه الوحش وفيه الكويس وفيه المغرور وياريت انا بتمنى يكونوا كل البنات كويسين حد يكره يعنى
وشكرا ليكى يا جميل مرة تانية وان شاء الله نكون اصحاب

وعايزة اقول لسمسم متزعليش يا عسل البنات مش اندال ولا حاجة ودى اراء ولازم يكون عندك حرية السماع للراى والراى الاخر

ميرسى ليكى انتى يا بحور الصمت
وان شاء الله نكون اصحاب طبعا
وربنا يوفقك وتلاقى اصدقاء كويسين

خلاص ياجماعة حصل خير الموضوع مفتوح للنقاش وعادى كل واحد ليه وجهة نظر

انا متاكد ان وجهات النظر كلها نابعة من تجارب شخصية لكل واحد فينا يمكن انا مقبلتش البنت اللى احس انها عندها وفاء واخلاص ويمكن انتى يابحور الصمت مقبلتيش الصديقة اللى يكون عندها وفاء

الله اعلم

بس انا بتكلم عن حالات كتير من البنات وطبعا ده بسبب ان البنت بتحكم مشاعرها وكرامتها على عقلها فيمكن هو ده السبب الاساسى للموضوع ده

كتير من البنات بتاخد اى حاجة بعواطفها ومشاعرها وكرامتها حتى لو متعارضة مع عقلها وهو ده يمكن السبب الاساسى

اولا انا وانت اتكلمنا ف الموضوع دا علي شات المنتدي

بس انا معرفتش اوضح لك رايي كويس

انا شايفه ان البنت مش ندله

البنت تحب وتعشق زيها زي الولد

بس هي طبعا بتختلف عن الولد في حاجات كتيره

زي ان هي متقدرش تقف امام باباها ومامتها والمجتمع والعادات والتقاليد

وغير كده ان البنت مهما حاولت تقف امام الدنيا كلها

مش هتلاقي اي دعم من اي حد حتي اللي بيحبها
هي ممكن تحارل تقنع اهلها بشتي الطرق

بس صعب توصل لنتيجه معاهم

ولو اتقدم للبنت عريس مناسب واهلها موافقين وطبعا هي مش موافقه هتحاول تقل لحبيبها وتاخد رايه تعمل ايه

هيرد عليها بمنتهي اللامبالاه ويقول انت شايفه ايه اللي في مصلحتك اعمليه

الشباب متوقع ان البنت هي اللي ف ايديها زمام الامور ودا مش صح

البنات مغلوبه علي امرها

المفروض الولد قبل ما يلوم البنت لازم يلوم نفسه

لان هو كان دايما بيقولها بحبك

وساعه الجد عمل ايه علشان الحب دا

لاء وكمان اعتبر البنت خاينه وندله

ياسلاااااااااااااااااااااااااااااااااااام

الموضوع جميل جدا بس نبدا الرد
اولازى ما انت قولت مش كل البنات كدة واساسا الى حتى كدة مش معناها ندالة فى اهالى صعبة جدا مش ممكن تسمح بحاجة زى دى اساسا وعندهم البنات مفيش ليها راى ومش معنى ان احنا فى عصر الانترنت ان الناس دى انقرضت طبعا لا بس فى بنات ممكن انها تقاوم وفى لا
وكمان فى ولاد مش بيقدروا يقاوموا ودى باردة مش ندالة بس فى فى كلا الجنسين من دة ومن دة بس والاول والاخر مش ندالة
وعلشان نستريح نمنع موضوع الحب فى مرحلة التليم منعا للتعذيب لان الولد بيكون لسة مكونش نفسة وعاوز وحدة تستناه لامتة اللة اعلم ودة مش عدل خالص لازم نحسب ظروف بعض اكتر وشكرا

بجد موضوع جميل بس والله مش كلهم كدا هى الظرووووف بس الى بتحكم وفعلا جميع الردود بنشوفها كتير فى كل يوم وكل لحظه *واسفه بجد * تقبل مرورى مع خالص احترامى

شوف تحليلك صح مئه بالمئه

وكما قلت ليس الجمع

وحسب طريقة التربية أيضا

يعني الإعتذار ده مش ذي مالكل متصور

إنه جريمة وهيقلل من شكلي أو الكلام الذي يخرج بالكامل عن نطاق من الصح

إن لم تعتذر عن فعل ستقتل من خطأك
إما أن تطيل اللوم وكلما طال تعذبت
أو تعتاد ذلك الخطأ وتألفه

لذلك الـتأسف شئ جميل وفعلا
هو قليل عند البنات

وذي ما إنت قلت الصداقة عند البنات بتحكمها الظروف
يعني الولاد بيحفظوا أكثر على صدقتهم أكثر من البنات
وبيتجوزوا كثير في المعامله
والشئ ده مش بيبقى في حياة البنات ولا في علقاتهم

أما حكاية البنات بتحكم على إلي قدمها بسرعة
أه ده حقيقي

وكمان في كثير كده من الشباب
وده الطبيعي في السن ده
يعني دي عند البنات والشباب في المرحلة دي
بيغلب سمة السطحية في الحكم

بس حكاية بينسوا كل حاجه حلوه

أه دي ليك فيها كل كل كل كل كل كل
الحق

تعررف المقوله إلي بتقول مش متأكده إنا قرأتها فين بس
بتقول يكفرون العشير

يعني لما بيخطئ أحد في حقهم مره واحده
تجدها
تنكر كل ما فعله من قبل
وكأنه لم يكن
ولم يفعل لها شئ طيب طوال حياته معها وممكن أن تكبر الموضوع وتحيله للإنفصال انهائي

وحكاية إنهم بيصمموا إنهم مش إلي يبدأوا بالإعتذار وكل واحدة مستنية التانية تصلحها
فعلا
ده كثير بشوفه
وكل واحدة من الطرفين بتشوف التانيه هي إلي غلطانه وهي إلي مفروض تعتذر
قليل من البنات إلي بيبقى عقلها كبير
وبتاخذ بالحديث عن النبي
إلي بيقول
خيركم من ابتدأ بالسلام ولو كل واحد أخذ بيها والله ما في حد هيزعل من حد أكثر من يوم
وكلها وجهات نظر ورؤى مختلفة
أنا عرفه إني طولت بس الموضوع يستحق تحليل وكلام أكثر من كده ويستحق إطالة الردود

شكرا لتميز موضوعك

ميرسى يااحمد على الموضوع دة بس صوابعك مش زى بعضهم زى مافى بنات اندال فى بنات زى السكر زى طبعااااااااااااا
ههههههههههههههههههههههههه
وبردة الاولد كلهههههههههههههههههههم ان كيدهن عظيييييييييييم ربنا يحفظنا منكم

بصراحه عجبنى الكلام جدااااااا جدااااااااا

وتعليقى بمنتهى البساطه ان مفاهيم كتيره اتغيرت فى حياتنا وحصل صدام جامد جدا بين الحب والماده"المال يعنى"

نتيجه الحادث ده بقى قلوب مستهتره وقلوب مظلومه

بمعنى مش شرط بنت او ولد

بس عارف يا احمد الاغلبيه يمكن لان البنت بقت بتدور اكتر على الاستقرار المتمثل فى الزواج وطبعا الشباب مش جاهزين دلوقتى فبتاخد الطريق السريع للوصول للبيت والاسره

وطبعا ده لان اصلا مفيش حب جاد ومش واثقه فى الشاب ده وفى وعوده

يعنى من الاخر الحب بقى بيختلف من شخص لاخر مبقاش عالم الرومنسيات والخيال زى زمان

اصبح للحب حسابات اخرى

سواء كان بين اصدقاء او بنت وولد عاوز تعرف فيهم ندل ولا لا

دور على الاهداف من العلاقات فى البدايه

حب

مصلحه

ملئ فراغ

استقرار وامان

من خلال كل ده هتعرف النداله جايه منين ومين وراها

اسفه على الاطاله وبشكرك عالتوبيك الهايل ده

دنا أحمد كتب:: شوف تحليلك صح مئه بالمئه

وكما قلت ليس الجمع

وحسب طريقة التربية أيضا

يعني الإعتذار ده مش ذي مالكل متصور

إنه جريمة وهيقلل من شكلي أو الكلام الذي يخرج بالكامل عن نطاق من الصح

إن لم تعتذر عن فعل ستقتل من خطأك

إما أن تطيل اللوم وكلما طال تعذبت

أو تعتاد ذلك الخطأ وتألفه

لذلك الـتأسف شئ جميل وفعلا

هو قليل عند البنات

وذي ما إنت قلت الصداقة عند البنات بتحكمها الظروف

يعني الولاد بيحفظوا أكثر على صدقتهم أكثر من البنات

وبيتجوزوا كثير في المعامله

والشئ ده مش بيبقى في حياة البنات ولا في علقاتهم

أما حكاية البنات بتحكم على إلي قدمها بسرعة

أه ده حقيقي

وكمان في كثير كده من الشباب

وده الطبيعي في السن ده

يعني دي عند البنات والشباب في المرحلة دي

بيغلب سمة السطحية في الحكم

بس حكاية بينسوا كل حاجه حلوه

أه دي ليك فيها كل كل كل كل كل كل

الحق

تعررف المقوله إلي بتقول مش متأكده إنا قرأتها فين بس

بتقول يكفرون العشير

يعني لما بيخطئ أحد في حقهم مره واحده

تجدها

تنكر كل ما فعله من قبل

وكأنه لم يكن

ولم يفعل لها شئ طيب طوال حياته معها وممكن أن تكبر الموضوع وتحيله للإنفصال انهائي

وحكاية إنهم بيصمموا إنهم مش إلي يبدأوا بالإعتذار وكل واحدة مستنية التانية تصلحها

فعلا

ده كثير بشوفه

وكل واحدة من الطرفين بتشوف التانيه هي إلي غلطانه وهي إلي مفروض تعتذر

قليل من البنات إلي بيبقى عقلها كبير

وبتاخذ بالحديث عن النبي

إلي بيقول

خيركم من ابتدأ بالسلام ولو كل واحد أخذ بيها والله ما في حد هيزعل من حد أكثر من يوم

وكلها وجهات نظر ورؤى مختلفة

أنا عرفه إني طولت بس الموضوع يستحق تحليل وكلام أكثر من كده ويستحق إطالة الردود

شكرا لتميز موضوعك

شكرا لردك يادنا وتعليقك الاكتر من رائع وحياديتك فى الموضوع وتعليقك بجد اعجبنى كتير ليكى منى كل التقدير والثناء

همس القمر كتب:: بصراحه عجبنى الكلام جدااااااا جدااااااااا

وتعليقى بمنتهى البساطه ان مفاهيم كتيره اتغيرت فى حياتنا وحصل صدام جامد جدا بين الحب والماده"المال يعنى"

نتيجه الحادث ده بقى قلوب مستهتره وقلوب مظلومه

بمعنى مش شرط بنت او ولد

بس عارف يا احمد الاغلبيه يمكن لان البنت بقت بتدور اكتر على الاستقرار المتمثل فى الزواج وطبعا الشباب مش جاهزين دلوقتى فبتاخد الطريق السريع للوصول للبيت والاسره

وطبعا ده لان اصلا مفيش حب جاد ومش واثقه فى الشاب ده وفى وعوده

يعنى من الاخر الحب بقى بيختلف من شخص لاخر مبقاش عالم الرومنسيات والخيال زى زمان

اصبح للحب حسابات اخرى

سواء كان بين اصدقاء او بنت وولد عاوز تعرف فيهم ندل ولا لا

دور على الاهداف من العلاقات فى البدايه

حب

مصلحه

ملئ فراغ

استقرار وامان

من خلال كل ده هتعرف النداله جايه منين ومين وراها

اسفه على الاطاله وبشكرك عالتوبيك الهايل ده

طبعا من خلال ردك اقدر اقول انك بتلومى الشباب ان هما السبب فى ان البنات كدة طيب لو ركزتى كويس هتعرفى ان البنات هما السبب وان هما اللى بيدفعوا الشباب تجاه المصلحة وتجاه التسلية اى شاب نفسه يتعرف على فتاة وتكون محترماه وكويسة معاه وتكون جدعة معاه وتسال عليه وتكون اكتر من اخت ليه ويحكيلها عن مشاكله ويتكلم معاها وكل ده مش بيتحقق من خلال الزمالة ولا الصداقة عشان الولد يحقق كل ده لازم يربط البنت معاه بحب عارفة لو البنت بقت كويسة مع الولد واحترمته وحس ان هى زى اخته وجدعة معاه عمره فى حياته ماهيرضى يتسلى بيها بالعكس يوم مايقولها كلمة بحبك هتكون طالعة من قلبه اوى

عموما ردك منطقى جدا وفيه جانب من الصح بخصوص ان الحياة اتغيرت والحب والمال والمادة اصبحوا شئ متشابه ومترابط وليهم علاقة ببعض

مرسيه بجد يا احمد علي موضوعك
بس دي مش نداله في البنت علي قد ما هو ضعف واستسلام للقدر والامر الواقع
بس دي نسبه قليله في البنات بالذات في هذه الايام البنت بتتمسك بالي بتحبه بجد بس انت لو بصيت
للموضوع بنظره تانيه هتلاقي لو البنت ما بعتش الولد بيبيع ولو الولد ما بعش البنت هي الي بتبيع
مش عرفه ليه في الاخر الموضوع بيتفشكل وذي ما في بنات سلبيه اكيد فيه ولاد سلبين
وبجد يارب كل قصه حب حقيقيه تنتهي بنهايه سعيده ان شاء الله لكل البنات ولكل الولاد

شكرا لردك وانا قولت فى راى ان القدر والاستسلام للظروف احد الاسباب

بس برده البنت بتبيع بسرعة عن الولد بسبب ضعفها وقلة حليتها

حلو الموضوع اوى يااحمد
بص انا هقول رايى بس مش هعمم زى ما نات قلت يعنى اكيد مش كل البنات زى بعضها
بالنسبة لموضوع ان ممكن اتنين اصحاب وانتيم يسيبوا بعض عشان سبب هايف فانا شايفة ان الكلام ده ممكن يحصل لو كانو لسه عارفين
بعض من فترة قريبة مثلا او يكون السبب اللى خلاهم يبعدو عن بعض سبب كبير يعنى واحده غلطت فى التانية غلط كبير انا عن نفسى
لما بزعل مع حد من اصحابى الانتيم اوكى ساعتها كل واحد بيبقى مضايق ومش عايز يكلم التانى بس بمجرد ما يعدى يوم او اتنين
انا بكلمها او هى بتكلمنى وبنعاتب بعض وخلاص المشكلة بتخلص وبنرجع زى الاول.بس بردو انا مش بعمم

- موضوع اخلاص البنت فى الحب فانا شايفة ان البنت لو حبت بجد من قلبها بتكون مخلصة للى هى بتحبه جدا وبتبقى مش عايزة غيره
لكن لو حصل واهلها كانوا رافضينه رفض تام فزى ما انت قلت البنت بتبقى مغلوبة على امرها لان الولد مش زى البنت فى الحتة دى
الولد ممكن يعاند مع اهله ويتجوزها غصب عنهم او من وراهم لكن البنت اوكى هتعاند مع اهلها وكل حاجة لكن مش هتقدر انها تتجوزه من وراهم او كده
فا انا شايفة ان فى الحالة دى البنت مش نادلة لان مفيش حاجة فى ايديها
وطبعا بحترم رايك ووجهة نظرك تقبل رايى وشكرا ع الموضوع

شكرا ع موضوعك الجميل ده يا احمد بس البنات مش اندال ولا حاجه او تقدر مش كلهم لكن فعلا ال بيحكمهم الكبرياء والكرامه لكن اكيد لو واحده غلطانه هى المفروض ال تبدا وتقول ان هى غلطانه ولا كده هتخسر صحبتها ولو هى غاليه عليها وتعزها بجد اكيد مش هتسبها الا لما ترجع لها زى الاول

شكرا لردودكم وأرائكم كلها مقبوووووووووولة

شكرا ليكى يا أمنية ويا ايمان على ردودكم واختلاف الرأى متاح للجميع وكلها وجهات نظر مقبولة

شكرا يا احمد على موضوعك بس الولاد مش علاقاتهم قويه الولاد ممكن يبيع صداقته مع اعز

اصدقائه بسبب بسيط و انا شفت ده فعلا اما البنات علاقاتهم قويه هي لو مثلا حد قالها ان اعز

اصدقائها قالت عليها سمعة تروح و تسالها و ده فعلا حصل اما البنات اندال بده مش على كل

البنات او ممكن يكون في حد ندلت معاها فعادي لو ندلت مع الي ندلت معاها و انا عن نفسي

ممكن اسيب اي علاقة مع اي حد بسب الكذب او قالت كلام مش صحيح او لعبت عليا لبه بس لو

حد عمل معايا كده يستحسن يموت نفسه او نفسها علشان هم عرفني كويس اوي و انا اما احط

حد في دماغي يعرف اني ممكن اعمل اي حاجة يتصورها او ميتصورهاش علشان انا كل

اصحابي في مستوى واحد يعني درجة الحب بيني و بنهم 45 في الميه و كلهم عارفين كده كويس

و عرفين اما انتقم هيبقى انتقامي عامل ازاي و ممكن ميتصورهوش حد

و البنات مش ندله الا لو ندلت معاهم وده ردي يريت تكون عرفت منه حاجة

انا ممكن اشارك برائى وياريت اتوفق صصراحه الموضوع مش يمون نداله بنات المفروض طيش بنات ونداله اولاد
البنت عمرها ما تبيع الى هى بتحبه
مهما كانت الظروف بس فى نسبه فعلا يعنى بتكون ندله بس يعنى 20% دا بس والاغلبيه بتبقى جدعه يعنى
ممكن تضحى باى حاجه عشان حببها بس لو لقيته هو متمسك بيها وبيحبها بجد وعاوز يتجوزها
تقف امام اهلها
ولو لقيته ندل وعاوز يلعب بيها والسلام هتكون ردة الفعل انها تسيبه
وانا اعرف واحدهفضلت 3 سنين ويتقدملها كتير مكنتش بتوافق بحد
كانت بتحب واحد وهو اتقملها كتير بس اهلها مكنوش رضيين بيه
وفضلت رفضه الى بيتقدملها
لغايه ما اهلها وافقم عليه ودلوقتى هما متجوزين
واعرف برده واحده كانت بتحب واحد بس سراحه هو كان ندل بطريقه
لما لقيته انه كدا مع انها كانت بتحبه حبا يعنى مايتقلش بس هو كان ندل وكان عاوز يلعب بيها
هى سبته واتخطبت لواحد اجى هو وقال كلام لخطبها ميتقلش
بس خطبها طلع جدع وقاله ملكش دعوه بيها وانتهى الموضوع وهى اتجوزت دلوقتى
فادى مش نداله بنات ولا حاجه دى قلة اصل من الاولاد تقبلوا مرورى مع خالص احترامى

والله يا جماعه انا شايفه ان مفيش حاجه اسمها ندالة بنات ولو كان فيه فعلا حاجه اسمها كدا يبقى الاولى اننا نقول ندالة ولاد 0بس هو عموما منقدرش نعمم الحكايه لا فى البنات ولا فى الولاد بس هى المشكله ان دايما الولاد شايفين نفسهم ملايكه وبيشوفو العيب فى البنت اللى قدامهم قبل ما يشوفو ان كان هما كمان فيهم العيب دا ولا لا وطبعا طول ماهما بيفكر بالاسلوب دا هيفضلو مش مرتاحين وعمرهم ماهيستقرو وفى الاول وفى الاخر بردو انا مش بعمم يا جماعه عشان مفيش حد يزعل منى 0
ومشكور على الموضوع يا احمد رغم ان انت جاى على البنات شويه حتى من اسم الموضوع نفسه

سورى احمد الموضوع كويس بس لما يكون هناك عريس متقدم للبنت واهلها يرفضو فا دا مش ذمبها لانها مجبره على كده لان مش معقول انها تغضب اهلها منها واحنا فى مجتمع اسلامى ودا طبعا مينفعش انها هيا اللى تجبر اهلها على الموافقه الولد ممكن انه يجبر اهله لانه هيكون مستقل عنهم واكيد هيوافقم للبنت اللى هيكون سعيد معاها خلاف اهل البنت واكيد لو الولد مناسب اهل البنت مش هيرفضم اما بالنسبه لموضوع ان البنت بتعيط فدا لان مفيش قدمها طريق غبر دا لانها مش هتعيط الا بعد محاولات اكيد فشلت وبعدين ساعات لما البنت تعيط دا ممكن يجيب فايده ومتنساش ان فى صبيان كمان بتعيط وكتير كمان

شكرا لكل الردود والتعليقات

وعموما

كل اللى قولتوه وجهااااااات نظر لكل عضوة فيكم

هى شايفة الموضوع من وجهة نظرها كدة

وانا شايف الموضوع من وجهة نظرى كدة

واختلاف الاراء مقبووووول فى المنتدى

ومتاح للجميع