كل سنه وانت طيبه ياامى

كل سنة وانتي طيبة يا أمي

الكلام مايكفيش مني سطور ولا كتب اتكلم عنك فيه ياامي عايز بحور وطبيعي اني مش هقدر اقول حاجة جديدة لأن أكيد الكلام خلص علي مر الزمان
الأم....أمه ....هديه...سند... عيديه....... كائن رقيق حساس من الطراز الملائكي تقريبا الكائن الوحيد اللي ممكن يحب حد اكتر من نفسه

بقدم تهنئه لكل ام فى عيدها النهاردة ياريت كل واحد فينا النهاردة لما يقدم هديته لأمه ويقولها بحبك يا ست الكل يقولها من قلبه مش بلسانه بس الام دى فعلا اغلى حاجه مش معنى كدة اننا بنقلل من قيمه الاب لا طبعا بس الام دايما هى الحضن الدافى والقلب الحنون هنا بفتكر أغنية لعماد عبدالحليم يمكن مش كلنا عارفنها بس هيا من احسن الاغاني للأم بعد ست الحبايب

مهما خدتني المدن ... وخدتني ناس المدن
دايما صورتك في قلبي ... دليلي في المدن
أطوي المدن وأجيكي ... عطشان لنور عنيكي
وأرمي روحي عليكي ... تطبطبي وتضمي
مبحسش بالبراح ده ... إلا في قلبك يا أمي
أيوة في قلبك يا أمي
وأنا مهما خدتني المدن ... وخدتني ناس المدن
دايما صورتك في قلبي ... دليلي في المدن
...
كبرت وكل ما أكبر ... يكبر حبك في قلبي
يكبر وأنا ليا غير ... ربي وإنتي ووطني
ولما أعود إليكي ... وأبوس على إيديكي
أنسى المدن يا مايا ... في لمستك وعنيكي
وأرمي روحي عليكي ... تطبطبي وتضمي
مبحسش بالبراح ده ... إلا في قلبك يا أمي
أيوة في قلبك يا أمي
وأنا مهما خدتني المدن ... وخدتني ناس المدن
دايما صورتك في قلبي ... دليلي في المدن
...
أمي يا حبيبتي إنتي ... طول عمرك طايرة بيا طايرة بيا
أمي وكأنك إتخلقتي ... علشان تخافي عليا عليا
طول ما إنتي عايشة ليا ... يا نبع م الحنان
لو ضاق الكون عليا ... ليا في قلبك مكان
وأرمي روحي عليكي ... تطبطبي وتضمي
مبحسش بالبراح ده ... إلا في قلبك يا أمي
أيوة في قلبك يا أمي
وأنا مهما خدتني المدن ... وخدتني ناس المدن
دايما صورتك في قلبي ... دليلي في المدن

وانا بقوووووووول لامى كل سنه وانتى طيبه ومن قلبى والله ودا ابسط حاجه اقولها ليها اصل الام دى شئ غاااااااااااااالى اوووووووووووى فى الدنيا

كل سنة وانتى طيبة يا احلى واجمل وارق واحن ام فى الدنيا

وربنا يخليكى ليا ياست الحبايب يا حبيبة يا اغالى من روحى ودمى

وكل سنة وكل امهاتنا بخير