الفرق بين الحب والاعجاب،ازاى تعرف انك بتحب بجد مش مجرد اعجاب

كتييير اوى بنخلط بين الاعجاب والحب الحقيقى
اكيد كلنا مر فى حياته شخص كان فاكر انه بيحبه ولكن
اتضحله بعد كده ان ده كان مجرد اعجاب
او حصل انه اعجب بشخص اوى وكانت مجرد فتره فى حياته
وسابه واتضحله بعد كده انه هو الحب الحقيقى اللى كان بيدور عليه
فتعالو نشوف ايه هو الفرق بين الحب والاعجاب من وجهه نظرى
الاعجاب
هو لما تنجذب او تعجب بصفات معينه فى شخص تعرفه وبتتعامل معاه او حتى بتشوفه من بعيد
ممكن تعجبك طريقه كلامه او طريقه تفكيره او خفه دمه او نظرته لمستقبله اولشخصيته الممتازه وبالتالى بتشوف الكثير من مميزاته فبيحصل انك شعور قوى بالاعجاب بيه لدرجه ممكن تخليك تخلط بين هذا الاعجاب وبين الحب
ولكن اللى لازم نعرفه ان الاعجاب ده يجب ان يكون مرحله من مراحل الحب الحقيقى
والعجاب ممكن يكون فى حياتنا العامه يعنى ممكن ان نعجب بشخصيه معروفه فى المجتمع وبالتالى ممكن ان نعجب باكثر من شخص فى وقت واحد
واحيانا يتوهم الشخص عندما يحس بشعور الاعجاب تجاه شخص اخر ويظل يهتم بهذا الشعور حتى تصل لمرحله انك تتخيل شى وهمى فى عقلك وتتخذ بناء عنه خطوه مش فى فمكانها
الحب الحقيقى
اجمل احساس ممكن تحسه او تعيشه فى حياتك وهو عباره عن شعور بتحسه ناحيه شخص معين ومتعرفش ايه السبب لانها غريزه وضعها الخالق فى قلوبتاوبتقدر انك تعبر عنها فى حرفين بس هم ح ب
وعشان تتاكد ان حبك ده حب حقيقى مش مجرد اعجاب وخلاص لازم تمر بجميع مراحل الحب الطبيعيه
اولا الانجذاب العاطفى
ان انت مجرد انك تحس انك منجذب للشخص ده وحاسس انك بتهتم بيه وبتهتم تعرف اخباره اكتر من اى حد تانى
ثانيا الاعجاب
وطبعا احنا اتكلمنا عنه وعاده الاعجاب بيبقى نتيجه للانجذاب العاطفى
ثالثا بدايه الحب
تصل الى انك ترى الشخص اللى قدامك اجمل انسان فى الوجود ويزيد اعجابك بيه فى هذه الفتره وبيختلط فى هذه الفتره احاسيس اخرى بالاضافه الى الاعجاب زى الاشتياق يعنى انك تكون لسه كنت معاه وتحاول انك تشوفه تانى وتبقى مش قادر تبعد عنه وعايزه يبقى معاك علطول
وهتلاقى فى الفتره دى بتحاول تخلط المواقف اللى تجمعكوا ببعض وتلاقيك بتستنى حتى الصدف اللى تجمعكوا
يعنى عاده فتره بدايه الحب بتبقى قمه فى الرومانسيه وبعيده عن الواقع ومشاكله وعيوبه
الحب الحقيقى
فى هذه المرحله بتهدا المشاعر داخلنا وتصبح انسان ناضج تقدر تفكر بعقلك مع قلبك وهتشوف بجد حقيقه الشخص الى قدامك بمزاياه وكمان عيوبه
هيحصل فى المرحله لحظات فرح كتيير ولكن هتظهر لحظات الزعل من الشخص اللى معاك لما تحط ايدك بجد على عيوبه لكن طبعا هتحاول من جواك انك تعديهاواكيد هيحصل بينكوا خناقات لكن متخافوش فى المرحله دى بتبقى دليل على الحب الحقيقى
واذا قدر كل واحد فيهم انه يتحمل عيوب اللى قدامه ويقدر انه يمتصها ويخليها تبقى مجرد لحظات وتعدى وكانها لم توجد هو اللى هيقدر يحافظ على حبه
ولو الواحد قدر يمر بالمراحل دى فى حبه فانشاء الله الحب ده حب حقيقى ميه فى الميه
وعلى فكره ممكن انك تلاقى الحب الحقيقى فى حياتك وممكن متصادفهوش فى حياتك وتنتهى العلاقه عند اى مرحله من هذه المراحل وممكن يحصل انك تكمل حياتك مع شخص لم تمر معه بهذه المراحل وقد تنجح وقد تفشل
يااااااااااااااااااااااااااااااااارب كل واحد فينا يلاقى الحب الحقيقى
وطبعا عايز اعرف رايكوا بجد فى الكلام ده ورايكوا فى الفرق بين الاعجاب والحب الحقيقى

التوقيع الساحرة

جميل يا باشا تسلمى ايدك وفعلا كلامك بجد

شكرا يا ميدو على ردك ومرورك ،وربنا يوفقك

كلام جميل وصعب فى نفس الوقت الواحد فى ثانية ممكن يتحول الاعجاب فى ثانية الى حب وكمان الحب بيجى من غير معياد شكرا يا ساحرة بس الموضوع المفروض يتنقل فى قسم الحب

تسلم ايديكى ياساحرة بجد كلام حلو واستفدت منة كتير بس على فكرة دة مش مكانة

شكرا يا وليد على ردك الجميييييييييييل دو،وشكرا يا ليلى على مرورك وتعليقك، ويا ريتت يكون عجبكوا بجد

امام الشخص الذي تحبه قلبك يخفق وبقوة...
لكن امام الشخص المعجب به تكون سعيدا...

امام الشخص الذي تحبه الشتاء يصبح ربيعا...
اما الشخص المعجب به يكون الشتاء مجرد شتاء جميل...

اذا نظرت في عيون الشخص الذي تحبه يحمر وجهك خجلا...
لكن اذا نظرت الى عيون الشخص المعجب به فأنك سوف تبتهج...

امام الشخص الذي تحب لاتستطيع ان تقول كل الذي يجول في عقلك ...
لكن امام الشخص المعجب به تستطيع قول كل شيء ...

امام الشخص الذي تحب تصبح خجولا ...لكن امام الشخص المعجب به تستطيع ان تكون على طبيعتك...

عندما يبكي الشخص الذي تحب فأنك تبكي معه...
لكن عندما يبكي الشخص المعجب به فأن جميع فرحك ينتهي...الشعور بالحب يبداء من العيون ...
لكن الشعور بالاعجاب يبداء من حاسة السمع ...


لذلك اذا اردت ان تكف عن الاعجاب بشخص كل ماعليك القيام به
هو ان تغطي اذنيك وان لاتسمع له لكن اذا حاولت ان تغلق عينيك فان الحب سيتحول الى قطرات من الدموع وسيبقى في قلبك الى الأبد ...وبشكرك جدا على الموضوع الجميل ده وانا اسف لو كان التعليق طويل شويه

هو فعلا دا كلام حقيقي بس في ناس بارفض انها تحب حد علشان متتوهمش في حاجة مش هتحصل

السلام عليكم

ده اول مشاركة ليا في المنتدي

طبعا يا ساحرة انتي كلامك كويس جدا ومعقول

والحب بييجي من غير ما تقصد وكل حاجة

بس انا احب الانسان ال يطنش الحب ده خالص

ومش يحب الا اللي يتزوجه بس بكده يبقي كل واحد مخلص للتاني
واحب اسمع رايك برده

شكراااا

تسلمى يارب عالكلام دة وفعلا عندك حق وانا استفدت منة كتيرررررررررررررررر :bball: فبالنسبة للخجل :oops: دة حاجة اساسى فى الاعجاب والحب فى وجهة نظرى...

وعلى فكرة انا بأيد دكتور شريف فى الرأى لانى بحس ان البنت الى بتتجة للحب بتضيع وقتها وبتبعد عن الدراسة والولد طبعا بيحب يتسلى فبيبقى تضبع وقت من الطرفين لكن طبعا الحب الحقيقى الطاااااهر دة احساس رائع بس يكون بجد مش لعب عياااااال. :heart: [code]

طيب لو انا معجب بحد وقلت له فقالى مش انا مش حاسس بكده
ده ايه ؟
يا ساحره

اعظم كلام سمعته عن الحب وبجد حقيقي