عارفين الشعور ده؟

عارفين

الشعور ده

عارفين لما تفتكر حاجه كده

تحس انها بتشدك لذكريات


انت مش عارف ايه الذكريات دى

بتشدك لحاجه كده

بحاجه انت مش عارفهاا

و ممكن تدخلك فى شعور كده غريب

حزن مع الم مع فرحه

الشعور ده

!!....عارفينه



عارفين

لما تسمع اغنيه كده

تلاقى نفسك بتبتسم من غير سبب

بس جواك حزين اوووى

و تلاقى شعور بدأ يدخل جواك

انت مش فاهمه

و تحاول تفهم ايه ده

وفى الاخر متفهمش

وتنزل دمعه منك

على ايام وذكريات كانت ليها علاقه بالاغنيه دى

عارفين الشعور ده



عارفين

لما تروح تقف على البحر كده

وتاخد نفس عمييييق

بعديها تلاقى نفسك بتبتسم

بس جواك حاجه مش قادره تخرج

حاجه يمكن بتقطعك من جوه

و مش عارف تتخلص منها

عارفين الشعور ده



عارفين

لما تبقى لسه صاحى من النوم

اليوم لسه مبداش اهو

وتلاقى نفسك على السرير لسه

و غصب عنك تنزل دمعه

ممكن تفضل ساعتين تعيط على المخده

المخده اللى تعبت مننا كل يوم

كل يوم يتحس بينا

قبل ما ننام

و تقوم من على السرير

و محدش يعرف حاجه

عارفين الشعور ده



عارفين

لما تكون الساعه 2 بالليل

و البيت كله نايم

بتبقى عايز تصرخ بأعلى صوتك

كفاااااااااااااااايه ......حراااااااااااااااااااااام

كفايه بقى...ما خلاص..

حرام عليكوا اوى كده

بس كفايه ايه..مش عارف

كفايه و خلاص



عارفين

لما تكونوا اصحاب متجمعين فى يوم كده

و كلكوا مهيسين و بتضحكوا

و اللى يشوفكوا من بعيد لبعيد

يقول الناس دى رايقه

وحياتها تمام اوى

و انتوا اصلا بتضحكوا بدل ما تعيطوا

و محدش حاسس بحاجه

و محدش فاهم حاجه

لا و ايه

محدش هيقدر اصلا

انه لا يفهم ولا يحس اللى جواكوا



عارفين

لما تحس انك عايز مساعده من اى حد

اى انسان

اى مخلوق

حاسس انك بتغرق

بتغرق فى ايه مش عارف

بس انت محتاج مساعده

محتاج حد ينجدك

مش عارف هتطلبها من مين

و حتى لو طلبت مساعده

هتقولو ايه

عايزك تساعدنى و خلاص

هيرد و يقولك اساعدك فى ايه

تقوله حاسس انى بغرق

الحقنى

هيقولك بتغرق فى ايه

ما انت واقف قدامى اهو

انت محتاج مساعده

بس مساعده فى ايه انت مش عارف

و تفضل تغرق و مش لاقى مساعده




عارفين

لما تلاقى نفسك كده

عايش شعور جميل اوى

مع نفسك

انت بتحب جديد

انت عاااشق


بس اللى يضحك

مفيش حبيب

انت لوحدك

بتحب و خلاص

هو انت اااه بتحب

بس اللى بتحبه ده مش موجود

طيب هو فين مش عارفه



عارفين

لما تبقى عايز تسمع صوت حد معين اووى

واحشك اوى

عايز تسمع صوته

تطمن عليه

و تفضل مستنى

و مستنى..... ومستنى

و فى الاخر ميتصلش

لا و بعدين يتصل حد تانى

تقول اخيرا اهو

و ترد بلهفة

و تسمع صوت حد تانى

مش ده اللى كنت مستنيه

يا ترى عارفين الشعور ده



عارفين

لما تفضل

تدى لواحد حبك وحنانك على انه واحد تانى

وتعيشه فى اجمل قصه حب وانت مش قاصده اصلا
[img][/img]

ايه الكلمات الجميلة دى انا معجبة جدا بموضوعك ده لأنه بجد دخل قلبى يعنى حسيت بكل كلمة فيه
تعرفى انى اصلا مريت بالشعور ده بس اجمل شئ انه مش بيدوم ابدا لأن دوام الحال من المحال
ولأنى مريت بالاحساس ده فأنا بقولك ان الحياة بعد كدة بتكون جميلة جدا بالذات لما بتلقى اللى بتدورى عليه
بجد ميرسيه جدا على التوبيك الجميل ده ومزيد من التألق ان شاء الله

ميرسى ياام المعتصم بالله وميرسى ياهنودة على احلى ردود من احلى بنات المنتدى

الله علي موضوعك والكلام الجامد ده احساس راااااااائع وجميل اوووووووووووي بس لي تعليق بئه
عارفين

لما تبقى لسه صاحى من النوم

اليوم لسه مبداش اهو

وتلاقى نفسك على السرير لسه

و غصب عنك تنزل دمعه

ممكن تفضل ساعتين تعيط على المخده

المخده اللى تعبت مننا كل يوم
الحمد لله مش بعيط وانا علي المخده بخاف علي تعب امي برده مش زي ناس كل يوم تعيط وتتهم المخده ان المخده تعبت مكسوفين تقولوا امي تعبت يالهوي علي الناس هههههههههههههههه
انا كنت بهزر يعني ياليلي بس بجد موضوع تخيلته بجد وانا بقراه شكرا ليكي

هههههههههههههههههههه ربنا يخليلك المخدة سورى اقصد مامتك شكرا يااحمد على مرورك وردك الجميل

ميرسى ياليلى على موضوعك الجميييييييييل دة بجد حلو اوى ويلمس القلب بسرعة
انا فعلا حسيت بيه اوى يمكن اغلب الاحاسيس دى بتجيلى كتير
ياريت تجيبى مواضيع اكتر ان شاء الله