هجرة أبليس من مصر

بسم الله الرحمن الرحيم
علي باب سفارة كندا .. لمحت إبليس وف ايده استماره..
بقول له علي فين .. قاللي بص .. يا هجره يا اعاره ..
يا عم زهقت .. كفرت .. الاقيش معاك سيجاره ..
انا انتهيت خلاص ..لا نافع وسواس ولا خناس ..
ولا ليا عيش وسط الناس ..
دي عالم مجرمين ..عندكوا فائض في الفساد..
في كل البلاد ..
ومش محتاجين شياطين ..مليش عيش ف دي البلد ..
....
بقالي سنين عاطل .
وانتوا بتعرفوا تقلبوا الحق باطل ..
وتسلكوا القاتل .. وتمشوا في جنازة المقتول ..
ومفيش مشاكل ..


يا عم أنا بقيت أوسوس بالمقلوب ..
وأقول للحرامي .. كفاية بقي .. تووووووب..
انت ايه . لوحدك هتعمل كل الذنوب ..
وأنا ابليس أشتغل واعظ .. ولا كمساري ف اتوبيس ..


يا عم دا انا زمان
كنت بستني حد ينسي يسمي وهو بياكل لقمته ..
دلوقتي كل اكلكم ملوث .. وبصراحه الواحد خايف علي صحته ..
ده مفيش ضمير أساسا علشان أموته ..
وكل واحد بمزاجه .. خربانه زمته ..


يا عم ده كل حاجه اتسرقت ..
وكده الأجيال الجديده من الحراميه اتظلمت ..
يا راجل ده من كتر ما لطشت معايا ..
خرجت مع الناس الي بتقول كفايه ..
وبرضه ........ مفيش فايده .
السلام عليكم ورحمه الله وبركاته[b][center]

تسلمى يا رونى

الموضوع طبعا جميل

والأجمل ان انتى اللى كتباه

سيبك من الموضوع

و قوليلى انتى عامله ايه

وحشانى موووووووووووووووووووت

ريـــــــــم

موضوع جميل اووووي والاهم من ده انه هادف ويهدف الي شئ كل واحد ياريت يعرف هو بيهدف لايه علشان يحاول يبعد نفسه عن الاخطاء دي بجد
شكرا ليكي ياروني علي الموضوع الهايل ده واتمني لكي التوفيق تقبلي مروري

مرسيه لكل الي اهتم بالموضوع
مرسيه ليكي يا ريم وليك يا سندباد وليكي يادنا وليك يا احمد