ماذا لو صادفت حبك القديم بماذا تشعر ادخل وسجل احساسك

الله عليكى ياتوتو والله كل دة من وراى ماشى ياتوتو اما اشوفك انت قلتلتى ان انتى ركبتى معاه بس مقولتليش ايه الى حصل ماشى ماشى

TOTO كتب:

يامواضيعك ياابو حميد ياحماده ياجاااااامد

انا بقى حصل معايا الموقف يعنى عن تجربه مش مجرد رأى

بس المشكله اما تكون انت اللى جارح وانت اللى مبوظ اصلا الموضوع وناهيه دا الاصعب
وكنت شايله هم اليوم دا خصوصا انى لسه ناهيه الموضوع قريب يعنى كان لسه سخن
والاصعب انه قريبى يعنى اما شوفته كان لازم اكلمه بحكم القرابه بقى
وقابلته صدفه فى المواصلات وكمان ركب معايا بس انا كنت راكبه ادام الحمد لله انا وواحده قريبتى
واللى حسيت بيه بجد مكنش متوقع لانى كنت فاكره نفسى خلاص نسيت وانه مش هيفرق معايا لما اشوفه وانى هبقى جامده اوى

لكن المفاجأه الكبرى اللى حصلى غير كده خالص

اولا جالى حاله من الزهول غير عاديه
ثانيه غصب عنى لقيتنى ضحكتله
وقالى ازيك يا.....وانا قولنله ازيك يا.... وعلى كده
وهو ركب وقريبتى بقى هى اللى فضلت تكلمه وتسأله عن العائله الكريمه

وانا مش بصيت خالص ورا ولا كلمته تانى اصل بعيد عنك تقيله شويه ورخمه شويتين انا يعنى
بس للامانه انا لقيت نفسى فرحانه جدا مش عارفه ليه حتى كنت عماله اضحك مع نفسى طول الطريق

لو كان حد شافنى كانو قالو عليا مجنونه ولا حاجه

وفعلا فضلت افتكر حاجات كتير حصلت وذكريات حلوه كتير

ورعم كل دا مش عايزه ارجع الموضوع تانى مع ان فى ايدى ارجعه

وكل دا لانى مش عاوزه اتعلق بحد وفى الاخر مايكونش نصيبى

بس بجد بجد الحب الاول مفيش احسن منه وصعب انه يتنسى وبيبقى ذكرى حلوه اوى

وشكرا

ا

ملحوظه هامه
نسيت اقولك كمان انه حاسبلنا فى المواصلات هههههههههه رجل والرجال قليل ههههههههه
وبينى وبينك اوعى تقول لحد وهو نازل انا طبعا مش بصيتله ولا حتى قولتله سلام بس قريبتى قامت بالواجب
لكن انا شوفته فى المرايه هههههههههه

[b]

شكرا ياتوتو على القصة وعلى صراحتك المتناهية دى وعلى فكرة وجهة نظرك وصلت طالما انتى مردتيش تتعلقى وفى الاخر ميحصلش نصيب بس انا اعتب عليكى فى حاجة واحدة انك دخلتى فى العلاقى وفى القصة دى من اولها مكنتيش تدخلى ولا تحبى طالما انك هتسبيه

[/b]

ده حسب الظروف يعنى لو هو الى بعد عنى من غير سبب واضح طبعا هغمض عينى واعمل مش شايفاه عشان مااجرحش نفسى تانى
بعد ايه بتقولى راجع كنت فين والحب واجع
قلبى كان محتاج حنانك قلبى كان محتاج كلامك
قلبى كان محتاج لكلمة تطمنه لحظة بعادك
كنت فين وانا قلبى حبك النتيجة هى بعدك
والحقيقة تبقى جرحك
قلبى عاشلك طول حيلته وبعادك كان مماته

[شكرا ياتوتو على القصة وعلى صراحتك المتناهية دى وعلى فكرة وجهة نظرك وصلت طالما انتى مردتيش تتعلقى وفى الاخر ميحصلش نصيب بس انا اعتب عليكى فى حاجة واحدة انك دخلتى فى العلاقى وفى القصة دى من اولها مكنتيش تدخلى ولا تحبى طالما انك هتسبيه [/center][/b][/size][/color][/quote]

اولا الموضوع ده هايل ثانيا بقى انا لسة مجربتش حاجة زى كدة بس يمكن اتمنى ان عقارب الساعة تقف فعلا ولو للحظات وبس واتمنى كمان ان الموضمع ده ميحصلش معايا ابدا

افتكر انى هسيبة وهمشى حتى لو هو حاول يكلمنى
لانى فعلا عملت كدة
رغم انى انا اللى سبتة وجرحتة وعذبتة وعشمتة
وعلى الرغم من دة كلة هو لسة بيحبنى بس انا مش قادرة احبة شكلة كان اعجاب مش اكتر
بس بجد انا ظلمتة كتير وانا مااستهلوش

بجد موضوع حلو بس في نفس الوقت جارح اووووي
بس على فكره الحب = تضحيه
وعلى فكره في ناس بتحب حد والناس ديه بتتمناه اللي بتحبه السعاده حتى لو مع غيرها تتمنى تشوف الضحكه بس وتشوفه فرحان وسعيد
جد موضوع هايل = بجد موضوع جارح

الموضوع بجد جميل جداااا.بس الموقف دا بيبقى صعب اوى سواء ان كنت نسيت الحب الاول دا او منسيتوش .بس هو عموما الحب الاول عمره ما يتنسى هو ممكن يتحول لذكرى حلوه لو قابلت انسان ينسيهولك بجد اما لو لسه مقابلتش انسان ينسيهولك يبقى هتفضل تقول عليه حب مش على قد زكرى0اما بقى بالنسبه لما تقابله فانا بفضل اننا نعمل نفسنا مش شايفين بعض عشان منفتحش اى جرح قديم ومنعرفش نرجع طبيعيين تانى 0وفى الاول وفى الاخر القلوب بتحس ببعضها منغير كلام

الحب مامفهوش قديم وجديد بس احنا إتواجدنا فى زمن قليل أوى فيه اللى يصون الحب ويقدره على فكرة انا اول انسانة حبتها كانت قريبتى انا اللى مجو زها بنفسى بعد حب دام لثمانى سنوات بس هى اختارت او بمعنى اصح لقت مصلحتها مع غيرى الثانية كانت خطيبتى لمدة سنتان ونصف وكانت ومازالت بتقول بتحبنى بالرغم من إنها اتجوزت وجريت ورا الفلوس صدقونى انا من مقدسى الحب و بحب اشوف اثنين بيحبوا بعض بجد ويكملوا للنهاية { من السهل على الإنسان ان ينطق بالحب لكن الصعب هو ان تلتقى بمن تحب ويدق له قلبك} صدقنى انظر امامك ولا تنظر خلفك لانه لوكان حبك بجد ماكانش سابك

لما قبلتها يوم وانا ماشي قلت ياريت اليوم ده ماجاشي كان شىء صعب عليا حقيقي اعمل نفسي مابعرفهاشي يومها ماكناش بس اتنين كان فيه ناس تانيه كتير ماشيين كنت ساعتها فى عز الحيره لحظه وعدت زى سنينقلت انا همشي اوام طوالى واعملى نفسي مااخدتش بالى بس ازاى يجى يوم واتنكر من اللى زمان كان كل امالى يعنى بصراحه ياجماعه انا شايفه ان الموضوع ده لو اتحطيت فيه هبقى فى عز الحيره بس هحاول اخطف من الزمن لحظه حلوه لان يكفينى الاحساس بالحنين للماضى

اانا كمان من راي يا جماعه ان الحب الحقيقي عمره ما هيتنسي حتي ولو عدت سنين وانا لو حصلي الموقف ده اكيد هفتكر كل الذكريات الحلوه اللي عشتها معاه وهتنمني ان الدنيا مكنتش تفرقنا ابداااااااااا

وافتكرت لما جات عيني في عينه سنيني معاه وافتكرت وعد كان بيني وبينه زمان خدناه وافتكرت مسكته في ايدي وايدي خلالالالالالالالالالاص سيباه :(

أنا شايف إن الأراء فى الموضوع دا هتكون مختلفة وفى نفس الوقت بتعتمد على مدى درجة الحب دا سواء كان حب بجد ولا أى كلام
بس أنا عن نفسى ولا هعبرها لأنى عمرى ما عشت قصة حب بجد كلها كانت إشتغالات أنا آسف بس دا رأييى

موضوعك جميل اوووووووووووة يااحمد
انا راى ان الحب الاول عمره ما يتنسى
داه عن تجربه مش كلام بقوله وبس
انا حبيته جدا وهو كمان لكن حصلت مشاكل
بينا وبعدتنا عن بعض
لكن انا لما بشوفه بحس باحساس غريب جداااااااااااا
وانى مش فى الدنيا لكن طايره فى السما
وكل زكراياتى الجميله القيها امامى
كانها حصلت امبارح
علشان كده انا بقووول الحب الاول عمره ما يتنسى

انا حبيت وانجرحت جرح عمرى ما هنساه جرح خلانى افقد الثقة فى كل الناس دا يمكن خلانى افقد الثقة فى الحب نفس.
المهم لوحصل وقابلتة وانا اتمنى كدا اتمنى كدا علشان اشوف نظرته ليا هيبقى شكلها ايه علشان اشوف هيقدر انو يشوفنى تانى ولا لا وخصوصا ان فى ناس كتير حاولوا يصلحونا وكان بيقول مقدرش اقابلها بعد اللى حصل مقدرش ابص فى عنيها .
ولو كنت حابة اشوفة فدا علشان اقوله ان هو مقدرش يكسرنى حتى ولو كنت فعلا انكسرت بس عمرى ما هسمح لنفى انى احسسه انو كسرنى وديما لازم احسسه انى اقوى منه ومن الجرح اللى اتسبب ليا فيه .

بجد هو موضوع جااااااااااامد اوى بس انا لو صادفته هعم نفسى مش شيفاه وهحسسه انى نسياه والموضوع بقى عادى ولكن الحب الاول حب مش ممكن يتنسى

موضوع جااااامد جدا
بس بجد هو فيه 3 اختيارات
الاول : انه يكون هو سبب الانفصال وسببلى جرح كبير وساعتها يكفينى نظره لعينه احاول افهمه انه مش يستاهل حتى انى افكر فيه او اضايق عشانه لانه م انسان

التانى : انى اكون انا اللى السبب فى الانفصال وساعتها اتمنى ان ابعد بعيد او مطلعتش من بيتنا اصلا لانى مش اد النظره اللى قولت عليها دى لانها فعلا صعبه اوى

التالت بقى يا ابو حميد: هو ان الظروف هيا السبب ومحدش فينا له اى ذنب وساعتها تمنى نظره واحده لعنيه اذكر كل زكرى حلو عيشتها معاه واتمنى انه مش يمشى من امامى

وعلى العموم يا احمد انا مش جربت غير الاول الباقى لسه مش جربته عموما دا رائى اتمنى انى اكون قدرت اوصله صح

وميرسى ليك بجد على موضوعك الجامد داااااااااااااااا

ـــــــــــــــــــــــــــــــــــــــــــــــــــــــــــ