ايه اللى جوا الصندوق؟؟؟؟؟؟ لعبة جااااااامده جدااااا ادخل وشارك معانا

ازيكو يا احلى اعضاء فى احلى منتدى

اللعبة دى لعبة لذيذة جدا ومسلية

واللعبة عبارة عن ان فى صندوق فاضى وكل عضو هيدخل يحط حاجة جوا

الصندوق ده ويقولنا معلومات عن الحاجة دى يعنى مثلا الحاجة دى ملابس ولا لا

بتبقى موجودة فين فى البيت او الشارع او العربية فى منها الوان او احجام ولا لا

او اى معلومات تانية بس بشرط مش توضح اوى ايه اللى جوا الصندوق عشان تبقى

اللعبة محيرة وصعبة شوية

انا هبدأ واحط حاجة فى الصندوق

الحاجة دى اولا فى منها الوان ومش ملابس وهى حاجة صلبة

وفى منها رجالى وحريمى تعتبراكسسوار ممكن تتلبس بالنهار او بالليل

بتلبسها عشان تستفاد منها فى حاجة او مجرد اكسسوار عشان الشياكة تكمل وقابلة للكسر

....بتهيالى كده عرفتوا ايه اللى ممكن يكون جوا الصندوق اللى عرف يقولى

وممكن لو اى عضو عايز يسال سؤال تانى على الحاجة اللى جوا الصندوق

بس انا اجابتى عليه هتكون ب ( اه ) او ( لا ) اوكى

يارب اللعبة تكون عجبتكوا واتمنى كل الاعضاء يشاركوا فيها

بجد لعبة جميلة جدا وجديدة اشكرك عليها

وانا هكون اول واحد يشارك

وبقول اللى جوا الصندوق بعد تفكير شوية ممكن النظارات الشمس او النظر اى نوع من انواع النظارات

ولو الاجابة صح

انا ممكن اشارك واقووووول

حاجة اساسية فى كل بيت ومافيش بيت بيخلو منها نهائيا وهى اساسية بالليل اوى عن النهار واساسية فى كل وقت ...........

الاجابة صح يا احمد هى النظارات

اما اجابة السؤال بتاعك ممكن تكون ايه ايه التلفزيون او اللمبة مثلا

يارب تكون حاجة منهم صح

وكويس ان اللعبة عجبتك وميرسى اوى ليك انك شاركت وبجد نورت اللعبة

وياريت كمان بقيت الاعضاء يشاركوا معانا

والله يا أمنية انتى اجابتك قريبة

بس مش التليفزيون ولا اللمبة الاجابة هى الكهربا

وان شاء الله الاعضاء يشاركوا

حاجه في البيت لا غني عنها من غيرها ماتعرفش تاكل هي ليها عيون ممكن اربعه وممكن خمسه علي حسب حجمها وليها فم بيحط الاكل فيها زي الانسان بس الانسان مش بيطلعه تاني هي بطلعه وبيقي احلي اكل يااااااااااريت تكونوا عرفتوهاشكرا جدا ياامنيه علي اللعبه الجامده دي

الفزورة حلوة يابو حميد

انا بقول البوتاجاز مافيش غيره ابو عيووووووووووون زرقا

حاجة ضرورية لاى انسان بيخرج او بينزل الشارع من غير الحاجة دى مش هتعرف تخرج والحاجة دى منها استايلات لللرجال وللسيدات كل واحد وللى يريحه

والحاجة دى منها لونين مشهورين الاسود والبنى

اظن مافيش اسهل من كدة الصندوق فيه حاجة سهلة جدا

شكرا ياامنيه على اللعبه الجميله دى حلوووووووووووة اوووووووووووووووى
بالنسبه بقى للجوا الصندوق ممكن يكون الجزمه يارب يكون صح يااحمد
حاجه كدة من غيرها فى البيت الجوا يبقى حر ومنطقش نقعد فى البيت الى بها دا فى الصيف طبعا

اكيد المروحة مافيش غيرها

حاجة كل مناخد منها تزيد وكل مانحط فيها تقل

الحفرة اكييييييييييييييييييييييييييد بس الحفرة هتبقى ازاى جوا الصندوق ههههههههههههههههه
على العموم شكرا ليك
حاجه بتطلع من بطنها وتحك فى جنبها

ممكن تكون ايه يا هنودة ايه ايه

الساعة مثلا ان العقرب بتاعها بيخرج من بطنها وبيعدى على كل جوانبها

يارب تكون صح

وانا هقول حاجة جوا الصندوق استخدامها مهم فى منها احجام

ممكن تبقى فى كيس بلاستيك كده او فى علبة كرتون بتبقى موجود فى العربية

او فى البيت وممكن تكون معاك وانت خارج فى جيبك ....ها يا ترى هى ايه بقى ؟

لا هو الكبريت ياامنيه

علبة المناديل ياأمنية

وانا هقووووول

حاجة ضرورية جدا فى حياتنا وملازمانا على طول ومن غيرها الانسان ممكن يفقد كرامته وممكن يعلى

كرامته ممكن يكون ذو شخصية جميلة اوى وممكن يكون شخصيته معدومة ممكن من خلال الحاجة دى

يكسب احترام الناس وممكن يكسب سخط الناس

وقالوا فى المثل

ان الحاجة ان صونتها صانتك وان خونتها خانتك

اظن ياجماعة مافيش اسهل من كدة

الاجابة صح علبة المناديل

اجابة سؤالك يا احمد لسانك حصانك ان صونته صانك وان خنته خانك

الاجابة هى اللسان

بس ده حطيته فى الصندوق ازاى ده يا احمد ههههههههه

حاجه كدة منعرفش ندخل بيتنا الا بيها وكمان لو فيه عربيه او محل او اى حاجه منعرفش ندخلهم الا بالحاجه دى ياترى هى ايه منها الكبير والصغير والكويل والرفيع

اجابة سؤالك يا هنودة يا قمر انتى هى المفتاح

وانا هحط حاجة جوا الصندوق الحاجة دى ممنوع الاقتراب منها

اللى يقرب هيندم هو اللى خسران....بتستخدم فى الحروب ممكن تدمر دول

وفى منها انواع بتهيالى كده بانت اوى ايه اللى جوا الصندوق

احذر الاقتراااااااب هههههههههه

ممكن تكون القنبله او المسدس او الرشاش حاجه من دى ياامنيه يارب تكون صح
وممكن تكون الدبابه ههههههههههههههههههههه بهزر طبعا

حاجه كد مدورة بتكون الوان وكمان بيحبها اوى الاولاد الصغار وكمان الكبار
وكمان الاهلى ميعرفش يغلب الزمالك الا بها ههههههههههههههههههههههه

الكورة يا هنودة

اسئلتك بسيطة وفى المنهج

حاجة ملازمانا على طول فى حياتنا لما نخرج لازم نخرج بيها ولما ننام لازم ننام بيها واحنا قاعدين واحنا ماشيين

اكيد سهلتها اوى

الهدوم يااحمد
حاجه كدة موديلات واحجام ومن غيرها منعرفش نروح ولا نجى وهى بتسهل علينا حاجات كتيرة اوى ومناه الوان بردة

انا بقول العربية ( انا مش عارف صندوق أمنية هيستحمل ايه ولا ايه بقه فى صندوق فى الحجم ده ياخد عربيات)

بس احنا ممكن نروح ونيجى عادى لو المشوار صغير ياهنودة الا اذا بقه كان الانسان ده مدلع ومبيحبش يمشى خطوا واحدة بس المشكلة ياهنودة ممكن يتخن من قلة الحركة ههههههههه

وانا هقووووووووول

حاجة من غيرها منعرفش نروح مواعيدنا المهمة ومن غيرها منعرفش نروح الامتحان ومن غيرها منعرفش نحضر محاضرات ومن غيرها منعرفش نتابع مسلسلات فى التليفزيون وهى مهمة اوى اوى لرجال الاعمال وبرده مهمة لينا جدا ولاى شخص

والله فعلا الصندوق ده استحمل كتير اوى شايل فى قلبه وساكت هههههههههههه

الاجابة هى الساعة يا مونتو

وانا هقول حاجة مهمة اوى لاى حد بتبقى موجودة فى اوضتك وطول ما نات رايح جاى تبص فيها

ولازم قبل ما تنزل من البيت تبص فيها بردو وموجودة فى العربية كمان وفى منها احجام

بتهيالى كده بقت سهلة اوى بقى

ههههههههههههههههههههههههه هو فعلا العربيه هههههههههههههههههههههههههه بس نعمل ايه بقى الصندوق عليه الاستحمال وراضى بنصيبه

الاجابه هى المرايه ياامنيه
حاجه كدة اشكال بردة واحجام نستخدمها فى ربط الاشياء وكمان ممكن نحط عليها الهدوم
اظن سؤال سهل
وهو مفيش الا احنا فى الللعبه دى ولا ايه

اه فعلا مفيش حد بيدخل بس اصلا فى اعضاء كتير مش بيدخلوا

المنتدى اكيد عشان المذاكرة والامتحانات وكده ربنا معاهم

الحاجة اللى جوا الصندوق هى المسامير يا هنودة

وانا هقول حاجة بقت مع كل الناس الكبير والصغير

حتى الاطفال اللى فى ابتدائى لسه اهلهم بيجيبوا لهم الحاجة دى

فى منها الوان واحجام وانواع كتييييير.... مهمة جدا لكل واحد فينا

اللى بيجيبها ميقدرش يستغنى عنها وتقدر تجيب اى حد انت عايزه فى اى وقت

كده بقت سهلة بقى