غرائب وطرائف اللصوص.........

السلام عليكم ,,

شوف غرائب اللصوص

شر البلية ما يضحك

سائق تاكسي قرب الفجر يسير فى الشارع بسيارته فوجد رجل كبير فى السن له شعر

ابيض وذقن بيضاء السائق قال لنفسه "اكيد ده رايح يصلى الفجر"

فاخذه ليقله الى المسجد فكان الشيخ الكبير يخبره بان يتجه لليمين ثم

اليسار ثم ادخل من الشارع اللى جاى وهكذا حتى راى السائق رجل اخر فى

منتصف الطريق يطلب من ان يقله

فاستأذن الرجل من الشيخ قبل ان يقف للرجل ان يقله فأخبره بموافقته

فتوقف السائق للرجل وعندما ركب قال له " هوصلك بس معلش هوصل عم الحاج

الاول ونروح لطريقنا " فاستغرب الرجل وقال له " فين عم الحاج "

فقال له السائق باستغراب ماهو قاعد جنبى اهو " قفال له الرجل "مفيش حد

جنبك يا اسطى انت مالك اتجننت ولا شارب حاجه"

فجن السائق وقال "ماهو قاعد جنبى اهو"

هنا تكلم الرجل الكبير , اقترب من السائق وقال له محدش شايفنى غيرك, انا عزرائيل

وجاى اقبض روحك وانت قدامك 5دقايق واقبض روحك الحق صلي لك ركعتين

الفجر قبل ما تقابل وجه الكريم"

جن جنون السائق ونزل من السيارة مسرعاً بحثاً عن ماء ليتوضأ وانطلق لصلاه

الفجر وعندما عاد كانت المفاجأه لا يوجد شيخ كبير او رجل او سيارة لقد كانت

"عصابه" وسرقت سيارة السائق!

فماذا يتبقى ان يفعله اللصوص للسرقه اكثر من التلاعب بالدين؟؟

استغفر الله العظيم والله فعلا لسه باقى ايه عشان يعملوه

بس اصلا هما حرامية ومش خايفين ربنا يبقى ممكن يعملوا اى حاجة

زى اللى عملوه ده يتشبه بملك الموت ويعمل الموقف ده

وبعدين هو سواق التاكسى ده ذكى اوى يعنى هو ملك الموت

بيجى ينذر قبل ما ياخد الروح لا ويقوله قوم صلى ركعتين

يلا ربنا يهدينا جميعا

شكرا ليكى يا دودو ع التوبيك اتمنالك التوفيق

ميرسى على مشاركتك يامونى

وفعلا عندك حق هو ملك الموت بييجى ينذر الاول قبل ماياخد الشخص

فعلا ربنا يهديهم ويهدينا جميعا

هو موضوع جميل قوى يا دودو وكمان وفعلا شر البلية مايضحك ازاى توصل بيهم الجرأة على الدين للدرجة دى طيب لو كان عزرائيل اللى هو عارفه و بيتكلم عنه جه وقبض روحه هو فى الوقت ده كان عمل ايه ؟؟؟؟؟؟؟
يلا ربنا يسامحه
بس انا كان عندى سؤال القصة دى حقيقية فعلا ولا مجرد قصة خيالية؟
احسن دى لو حقيقة يبقى السواق ده على نياته وساذج قوى

لا القصة حقيقة يا mylovingوحصلت فعلا

انا سمعت عنها قبل مااجيبها المنتدى

بس ماصدقتش والنهاردة دخلت على احد المنتديات وشفتها

قلت يبقى الموضوع صح بقى فقلت اجيبها ليكوا واشوف رايكم ايه

لانها فعلا جريمة فى حق ديننا

وميرسى على مرورك ياجميل

قصة فعلا تدل على مدى التلاعب بالدين

مش بيفرق معاهم اسلام ولا اى دين اخر

وياريت فى السرقة بس بيحصل كدة

ده بيحصل فى حاجات كتير اوى موضوع التلاعب بالدين ده

فى الحب بيحصل ويكون فى تلاعب بالدين والمتاجرة بالدين

وفى الشغل وفى المصالح

الكل بيجرى ورا شعار الدين لكى يأخد مايريد من الدنيا ولايهمه الدين او الاخرة

شكرا ليكى يا دودو على الموضوع القيم ده

ربنا يهدي جميـــــــــــع اللصوص ....كل واحد يخلي بالة من ممتلاكاته يا جماعه

احنا في زمن لا يعلم بيه الا اللــــــــــه

نوداااااااااااااااااااا

ميرسى ليك يااحمد وليكى يانودا على ردكم عليا

ومشاركتكم فى التوبيك ويارب فعلا يكون عجبكم

بجد يا دودو مش عارفة اقول ايه أو أوصف دول بإيه
مش لاقية كلام اقوله ومش قادرة اصدق ان فعلا فى حد كده
اوصاحب التاكسى ده كمان غبى قوى وساذج
وكمان اكيد مش عارف دينه كويس ومش عارف ان الموت بيجى
بدون انذار مش يجى حد يقوله هتموت بعد 5 دقايق
يجرى يصلى بقى ويتوب فى الخمس دقايق دول

فعلا عندك حق ياmyloving

دى فعلا اسمها سذاجة وجهل فى الدين

ان انسان يصدق حاجة زى دى

وربنا يهدى الجميع امين يارب العلمين