الصداقة شىء جميل

الصداقة كصحة الانسان
لا تشعر بقيمتها النادرة إلا عندما تفقدها
الصداقة هي ملح الحياة

يقول لي أبي دائما:
عندما تموت ولديك خمسة اصدقاء ،
فقد عشت حياة عظيمة .

الصديق الحقيقي هو الذي يمشي اليك عندما باقي العالم يبتعد عنك

إذا قرر اصدقائي القفز من فوق الجسر فإنني لن أقفز معهم ، ولكن
سوف انتظرهم تحت الجسر لأتلقاهم .
فأمسك بالصديق الحقيقي بكلتا يديك

أتعلم منك وتتعلم مني
و لن نختلف

الصداقة هي عقل واحد في جسدين

لا تمشي أمامي فربما لا استطيع اللحاق بك،
ولا تمشي خلفي فربما لا استطيع القيادة ،
ولكن امشي بجانبي وكن صديقي .

الجميع يسمع ما تقول.
الاصدقاء يستمعون لما تقول،
وأفضل الاصدقاء يستمع لما لم تقل

الصديق هو الشخص الذي يعرف اغنية قلبك
ويستطيع ان يغنيها لك عندما تنسى كلماتها

كل منا له طريقه في الحياة ،
ولكن اينما ذهبنا فكل يحمل جزءا من الآخر

الصداقة نعمة من الله وعناية منه بنا

إذا كنت ستعيش مئة عام ، فإنني اتمنى ان أعيش مئة عام تنقص يوما واحدا كي لا أضطر للعيش بدونك

فشكرا لوجودك في حياتي ... يا صديقي

ولكن للاسف اين هو الصديق الصدوق الحقيقي
الذي يتمتع بهذه الصفات

منقول

ودمتم على خير

بجد كلام جميل بل اكثر من جميل لان الصداقة نادر وجودها اتمنى لكلا منكم الالتقاء بصديق حقيقى

شكرا ليك يا مسعد على ردك الجميل ده
اتمنالك تلاقى صديق حقيقى فعلا

اولا الشكر ليكى انتى بس اناعايز اقوللك على حاجة انا ماسبتش مكان ما اخدتش منه صاحب بس ربنا عوضنى بكل دول بشخص واحد احسن عندى من اخوية بتمنالك لو ليكى صديقة واحدة مش خامسة حافظى عليها

موضوع جميل اوى يا لميس بجد

فعلا الصداقة الحقيقة دى حاجة جميلة اوى

لما تحس ان حد قريب وبيحبك جدا وبيتمنالك الخير ويساعدك فى وقت الشدة

قبل اى وقت تانى ويخاف عليك بيكون هو ده الصديق اللى بجد

بس فعلا بقى نادر اوى الايام دى

انا ليا اصحابى من ابتدائى الحمد لله محافظة على صداقتهم جدا لان هما بجد من اغلى الناس

عندى ونادر لما الاقى زيهم تانى

بشكرك اوى يا لميس على الموضوع الرائع ده وربنا يوفقك يارب يا جميل

شكرا ليك يا مسعد على متابعتك للموضوع
بس انا عايزة اقول ان الصداقى بين اتنين بس
اما الصحوبية بين كتير
الحمد لله انا لقيت الصديقى الى بجد لقيت فيها كل حاجة انا عاوزاها ومحتاجها
ربنا يخليهالى يارب
وربنا يخليلك الشخص الى انت صادقته وتفضلو مع بعض طول العمر

شكرا ليكى يا امنية على ردك الجميل ده
وربنا يخليلك اصحابك يارب
وفعلا الصداقة عادت نادرة جدا بس بدال انك لقيتى الصديقة الكويسة هتعوضك عن كل حاجة
بتمنالك التوفيق يا عسل

أولا أحب أشكرك يالميس على موضوعك الجمييييييييييييل أووووووووى ده

بجد فعلا مفيش أحلى من الصداقة الحقيقية فى الدنيا دى كلها

خصوصا لو الأصدقاء ناس كويسين ودايما بيشجعوا بعض

وأنا الحمد لله بعتبر نفسى محظوظة لأن ربنا وهبنى 5 أصحاب

منهم واحد أعرفها بس من تانية إعدادى ودى أنتيمتى وكل اصحابنا

بيسمونا التوأم أما الأربعة التانيين دول اصحابى فى الجامعة بس بصراحة

عمرى ماشفت اصحاب زيهم حتى لو زعلنا من بعض مش بيعدى علينا

دقايق غير لما نتصالح تانى ودلوقتى احنا فى اجازة ووحشونى جدااااااااااااا

فى بينا تليفونات يومية بس مش بتكفى عن اننا نشوف بعض

يااااااااااااااااااااااااااااااااارب يخليهم ليا وميحرمنيش منهم أبدا

وياااااااااارب كل واحد أو واحد سواء فى المنتدى أو مش فيه يلاقى الصداقة دى

لأنها بجد حاجة عظيمة جدا ومفيش أى حاجة تانية مهما كانت ممكن تعوضها

أسفة على الاطالة بس بجد الموضوع جمييييييييل أوى والكلام خدنى بقى سامحونى

مرة تانية متشكرة جداااااااااااااا ليكى يا لميس على الموضوع وياريت تتقبلى مرورى

شكرا ليكى يا جميل على ردك الجميل ده
يارب يخليهمولك ومش تتحرمى منهم ابدا ابدا
بس انتى عارفة انا اعدت طول عمرى ادور على الصداقة
بس الحمد لله لقيتها مع انسانة الحمد لله دى هديتى من ربنا
اتمنالك التوفيق يا عسل
وبعدين طولى برحتك عادى يا عسل

ميرسى ليكى ياقمر

وربنا يخليكى لصحبتك ويخليها ليكى

ويارب مش تتحرموا من بعض ابدا وكل اللى مش له

أصدقاء يلاقى أصدقاء كويسين يحبوه ويخافوا عليه

لأن بصراحة مفيش أحلى منها فى الدنيا

جميل اوى الكلام داه
وفعلا الصداقه شئ جميل

شكرا ليكى يا سمسمة على ردك يا عسل
وشكرا ليكى يا نيرو على ردك للموضوع
اتمنى يكون نال اعجابكو كلكوا