سوال لكل طلاب كليه تربيه ؟؟

سوال لطلاب تربيه يا تري بعد اما نتخرج من كليه تربيه يا ريت كل واحد يقولي هوه ناوي يعمل ايه وهتعمل ايه بالشهاده هتشتغل بيها ولا ايه يا ريت كل واحد يرد عليا :?:

ان اشاء الله انا ناويه اشتغل لانى انا مش بتعلم عشان

اقعد فى البيت وانا كمان بحب مهنه التدريس اوى

وشكرا ليكى

اكيد طبعا لازم اشتغل
انا مش درست ثانوى وتعبت فيه وهدرس كليه وبردك هتعب فيها عشان اقعد فى البيت

جميل اوى الحماس ده من اخواتى البنات ونقول ان شاء الله

وكمان نخلى عندنا امل فى ربنا وبكرة

انا صحيح ناوى اشتغل ويصراحه انا مش شايف نفسى خالف فى التدريس بس عندى امل انها هتكون حاجه كوويسه ليا باذن الله

انا عن نفسى عاوزه اشتغل بعد ما اخلص الكلية

لانى بحب جدا المهنه دى

ربنا معانا كلنا ونشتغل بعد ما نخلص

وشكرا ع السؤال

طيب يا جماعه

ربنا يوفقنا كلنا فى حياتنا ان شاء الله

طيب لو حسبناها اننا بنحب المهنه دىولا لا؟؟؟؟ هيبقى كلامنا ازاى؟؟؟؟

شغل ايه بس ده على اساس انى فى وظايف انا اتخرجت وهموت واشتغل وقدمت كتير على شغل بس فين شكرا لك

انا ان شاء الله ناوية اخلص واسافر لانهم طلبين انجليزى كتير واجمع فلوس وارجع
وافتح مركز ترجمة وعيادة بيطرية ليا انا واختى الدكتورة

والله انا في فرصه ان اسافر السعوديه بعد اما اخلص بس يارب تتحقء

ربنا يسهل بس واخلص
بس ناويه بازن الله اخد كورسات
وبعدين ابدء ادور على شغل وربنا معانا بقى

طبعا هنشتغل وبيها كمان
وهنطور من نفسنا
يعنى مش هقف عند الكليه وبس
لسه مشوار كبير
هيبدا بعد شهاده التخرج
ان شاء الله

فعلا والله اهم حاجه بعد التخرج ان شاء الله .....هى الكورسات لازم ناخد كورسات على اد مانقدر وبعدين نحاول ندور على شغل ............ربنا يوفق الجميع

الصراحة انا مش حابة خالص الكلية ولا المجال نفسه و مش حابة اشتغل فى المجال ده بس اكيد مافيش غيره ولازم غصب عنى هحب اشتغل و اثبت وجودى و هشتغل فيه هههههههههه

يارب اتخرج بس
انا لسه فى اولى وزهقت اصلا
ان شاء الله
عليك وعلى الدروس الخصوصيه
لحد ما الوظيفه تيجى
واذا ماجاتش طيران ع برا
ع اى بلد عربيه وخلاص
قولوا يارب
ربنا يوفق الجميع