كلام في الحب

اكيد كل شاب او فتاة مر بقصه حب او تجربه علي الاقل
ومنها اللي استمر ومنها اللي كالعاده فشل
واكيد لفشل العلاقه دي اسباب
ولنجاح كل علاقه اسباب
انا من خلال موضوعي بطلب من كل عضوه او عضو مر بتجربه يحكيها ويحكي عن اسباب فشلها او استمررها
واللي عندو مشكله في حبه ممكن يحكيها برده واحنا ان شاء الله
نحلها مع بعض ونستفيد من بعض

انا مش هقول تجربتي انا هقول تجربه انسان عزيز عليا
وهي ان الانسان ده كان بيحب الانسانه ديه حب ملوش وصف وهي كمان كانت بتحبه
واتحدي اهل والده كلهم وبالفعل راح عند العروسه وخطبها وراح هو وصاحبه ووالدته واخته فقط لاغير وبالفعل خطبها لمده 3 سنين وكانوا خلاص والانسان ده نزل شغل وكان بيعمل اقصى جهده في كل حاجه كان بيشتغل ومكنش بيعمل حاجه غير انه يشتغل وبس علشان خطبته
طبعا والكل عارف المصاريف اللي بتكون على الانسان الخاطب مصاريف كتير جداااااا ولازم كل ما يروح يجيب هديه او في اي مناسبه لازم يجيب حاجه وطبعا مصاريف جامده لكل انسان
وبعد ده كله في الاخر يسيبوا بعض وبسبب والدتها وسابوا بعض نهائي لاسباب تافهه
جدااااااااااااااا وكانت بسبب الشقه والدتها كانت عايزه بنتها تكون شقتها جمبها ومكنش ينفع خالص لانه كان عنده شقته وكانت البنت مش مواقفه انها تكون جمب والدتها وسابوا بعض لاسباب تافهه بعد 5 سنين مع بعض و3 سنين خطوبه كتير جداااااا وهو مازال لسه بيحبها بس استحاله يرجعلها لانه اكتشف انها مش بتحبه ولا تستحق شئ نهائي وللاسف سابوا بعض وخلاص وعادي جداااااااا ... وهو اتعلم منها حاجات كتيره واتغير كتير جدااااااا
وساب الشغل ومبقاش يشتغل خالص غير على النت ومبقاش يخرج ولا يشوف اصحابه ولا حاجه كل اللي عليه النت والنوم والسجائر وخلاص والاكل وبس كده
ادعوله ان ربنا يوفقه لانه فعلا خسر اهل ابوه بسبب البنت ديه وفي الاخر طلعت مش تستحق خالص ... وشكرا كتير على الموضوع

ما دام هوه عرف انها مكنتش بتحبه وانها مش تستاهل اي حاجه عملها عشانها
يبقي ليه هوه باقي عليها دي انسانه مش تستهله لانها لو كانت بتحبه كانت استحملته
علي ظروفه ومكنتش اتخلت عنه ابدا
واكيد ربنا هيعوضه بحب جديد
يستهاله ويعوضه بحب عمره ما كان يتخيله
اما بالنسبالها هيا البنت دي ربنا هيرزقها بواحد هيه تستاهله برده
وانا بدعيله انه يقدر ينساها بس لازم يحاول يكون اقوي من كدا
ربنا معاه

يارب بس هو فعلا بيحبها ومازال
وهو شال فكره ان يحب ديه تاني
وقرر لو انه اتجوز هيتجوز جواز تقليدي
ربنا معاه ومع الكل وميرسي ليكي
وربنا يوفقك

انا عندي مشكله واتمني من كل اعضاء المنتدي يشارك في اي حل ليا
انا حكايتي اني كنت بحب واحد ولسه بحبه وعشنا احلي قصه حب في العالم
هوه اكبر مني بسنه واحنا الاتنين لسه بندرس في الجامعه
بس زي اي حكايه انتهت بخطوبتي من واحد غير
وبجد حاولت بكل الطرق اني افك خطوبتي بس معرفتش
هوه دلوقتي بعد عني تماما مش بيحاول يكون في المكان اللي انا موجوده فيه
بس المشكله اني مش عارفه انساه ولا للحظه
ومش عارفه احب خطيبي من انه كويس
بس مش قادره انسي حبي الاقديم
مع اننا معدناش بنشوف بعض تقريبا ولو حتي صدفه
بس مش عارفه اعمل ايه معدش فيه اي طريق اننا نرجع تاني لان حصل ظروف كتير
اكدت اننا استحاله نكون لبعض
بس لا عارفه انسياه ولا عارفه احب خطيبي

بصي يا قمر حاولي تفهمي خطيبك
وهو لو بيحبك هيفهمك وهو ممكن يسيبك او يحاول يحببك فيه
او حاولي ادي لنفسك فرصه علشان تحبي خطيبك ده
وياريت مش تظلمي خطيبك لانه ملوش ذنب
ولكن حاولي تفهميه وكده يعني وان شاء الله هو يفهمك ويحسك
وربنا يوفقك يارب

حاولي تحبي خطيبك
بس لو مقدرتيش تحبيه انصحك انك لازم تسبيه
لانه ملوش اي زنب غير انه حبك وخطبك
وحاولي تنسي حبك القديم انا عارفه انه صعب اوووووووووووي
بس حاولي لان زي ما انتي قولتي معدش فيه اي طريق انكم ترجعوا تاني
يبقي حرام عليكي خطيبك ده

انا بقى مشكلتى غير
حبيت واحد وفضلنا نكلم بعض 10 شهور وهو كان عارف انى بحبه وبعد ال 10 شهور قالى احنا مش هينفع نكمل مع بعض لانى محستكيش
المشكله مش فى كده المشكله اننا سبنا بعض بقلنا سنه وبرده مش قادره انساه ولا قدره اشوف غيره
قبلت بعده بس محبتهوش لانه لسه فى بالى نفسي بجد انساه ويطلع من دماغى

بس لازم تنسيه وانتي ان شاء الله هتقبلي غيره واحسن منه
لانه هو اللي سابك وهو اللي خسر مش انتي
حاولي انسيه وعيشي حياتك ومتظلميش حد ومتظلميش نفسك
وربنا يوفقك يا جميل

بصي يا قمر انتي لازم تحاولي تنسيه لانك مينفعش تكوني باقيه علي حد مش باقي عليكي
كمان عاوزه اقولك ان 10 شهور مش كفايه للحب الحقيقي
انتي اكيد هتقبلي حد تاني يقدر يفهمك ويقدرك ويحبك
بس انتي اعطي لنفسك فرصه واكيد هتقدري