ماذا تفعلين؟

موضوع: ماذا تفعلين؟ الخميس يونيو 25, 2009 5:29 pm

االسلام عليكم ورحمة الله وبركاته اولا احب اعرف ردكم على موضوعى هذا ماذا تفعلى اذا عرفتى ان شخص ما يحبك وحب غير عادى مستعد يعمل اى حاجة عشان يرضيكى بس انتى مش حاسة ناحيته باى عاطفة اوحب بس هو كل يوم بيحبك اكتر من اليوم اللى قبله وانتى مفيش اى حاجة عندك بتهتز بس انتى يا ترى هتعملى ايه هل هتستمرى وتقبلى تكملى معاه ولا هتواجية بحقيقة مشاعرك على الرغم من مدى حبه ليكى

اوووووك انا هرد على موضوعك ده

انا شايف ان حرام البنت تظلم شاب زى ده معاها

لازم تواجهه من الاخر بالحقيقة وبلاش تسيبه كدة

انا عارف ان البنت عاوزة تشوف ادامها واحد بيحبها

لانها لو واجهته بالحقيقة هتخسر حبه

فهى معلقاه لان شخصية البنت اللى زى دى

شخصية انانية مش بتفكر غير فى نفسها

هل هى هتحبه ولا لاء

ولو محبتوش وقالتله كدة ممكن يبعد عنها

فهى مش عاوزة تقوله انها مش بتحبه عشان ميبعدش عنها

وتفضل هى متمتعة بالكلام الحلو والحب ده كله

وتحس فيها انها بنت وان فى اشخاص بيحبوها

ومستعدين يضحوا عشانها وتسيبه متعلق بيها

عشان ترتاح هى

فارجو من البنت دى تراعى ربنا

وتروح تعترف ليه

وتقوله انا مش بحبك احنا اخوات وزمايل

وانا مافيش اى مشاعر حركتنى ليك

وانت اكيد هتلاقى البنت اللى احسن منى

وهو اصلا بصراحة شخص ساذج

لان مش معقول انسان يحب انسانة من طرف واحد

ويفضل يحب فيها ويلهمها كلام

وفى الاخر هى مش بتحبه

انا بعتبر الشخص اللى زى ده

شخص ضعيف

مش قادر يتحكم فى مشاعره

ولازم يفوووووووووووق من اللى هو فيه

لان الحب ده مبنى على قوااااااااااعد

اول قاعدة فيه هى المشاركة ودى اهم قاعدة

والمشاركة دى بتكون مشاركة فى المشاعر والحب والاحساس

لكن من طرف واحد ده ومشاركة من طرف واحد

قمة الضعف

فارجو من البنت دى تسيبه وتفهمه

ان هو وهى اخوات

ولو مفهمش الكلام ده

تبعد عنه

ومتكلموش تانى

لان الولد ده يتجرح من دلوقتى

احسن لما يتجرح متأخر

يعرف الحقيقة دلوقتى احسن لما يعرفها متأخر

بس انا فى نقطة هضيفها لردى

انتى فى حالة واحدة ممكن تقبلى تستمرى معاه

لو فعلا الانسان ده محترم جدا ومتدين وشاريكى جدا جدا

وكويس وفيه صفات حلوة كتير

وناوى بجد يخطبك

فحرام تضيعيه

اتمسكى بيه احسن

طبعا انا مش لاقيه كلام اقوله بعد اللي قاله
احمد بس هقولك حاجه انتي لوخسرتيه هتندمي كتير جدااااا
علشان تضيعي انسان زيه ولو هو فعلا متدين ومحترم وهيخطب البنت ديه وكده
وعايزه تكون زوجه ليه ياريت البنوته ديه توافق على الاقل هتلاقي اللي يحبها ويحافظ عليه
ووالبنت ديه تحمد ربنا وتبوس ايدها علشان لقيت الحب ده كله
ربنا يوفقها ويسعدها
واقولك على حل حلو
خليها تصلي ركعتين استخاره وهي هترتاح
وكل شئ قسمه ونصيب
في رعايه الله

دا فعلا الكلام اللى كنت عايزه اقوله بالظبط
فعلا لو شاريكى وكويسوملتزم
ليه هترفضى

لكن بقى لو انتى مش حاسه منه اى حجه ومش قادره تحبيه
يبقى لازم تقوليله
عشان ميفضلش يحبك اكتر واكتر ويتعلق بيكى

تقبلى مرورى

ميرسى على ردكم وعلى فكرة انا لسة عضوة جديدة واتمنى تتقبلو مرورى

اهلا بيكي يادودا ونورتي المنتدى يا جميل
وربنا يوفقك

تبعد عنه لانها عمرها ما هتقدر تحبه
لانها لو كانت تقدر كانت حبته من الاول بعد كل الحب اللي هوه قدمهولها
بس تحاول تبعد عنه فتره وتشوف نفسها هيه من غيره عامله ايه عايشه عادي
و مفيش اي حاجه نقصاها ولا ايه احساسها وعلي حسب تقدر تقرر

انا رايى انها تقولة انها مش بتحبة عشان مش تظلمة معاها
لانها لو مش قالتلوا هو بيفضل يحبها وكل يوم حبة ليها بيكبر
ولو وافقت هتظلموا وهتظلم نفسها لانها حاولت تحبة ومش قادرة
فهتفضل عايشة فى عذاب وهو كمان هيفضل عايش نفس العذاب

انا هجاوب على السؤال ده لانه لسه حاصل معايا
هو واحد كان مصمم انه يجى يخطبنى وكان بيحبنى بجد
بس انا مكنتش حاسه ناحيته باى حاجه
وحاولت انى مردش عليه علطول
يمكن احساسى يتغير ناحيته
بس حسيت ان حرام انى اظلمه واضطريت اقوله مينفعش وكل شئ قسمه ونصيب
شكرا على سؤالك
وتقبلى ردى ومرورى

اولا اهلا بيكى فى المنتدى منورانا والله يادودو
انا راى من راى احمد وديدا
واتمنالك التوفيق

كل اللى اقدر اقولهولك انك تبرى تشوفى احساسك وحاولى قربى منه جايز فعلا يقدر يديلك اللى محدش يقدر يديهولك

وجايز يوفرلك الحب الصادق فكرى ومش تظلمى قلب حبك بجد لانوا لو بيحبك بجد زى ما انتى بتقولى صدقينى هيعملك حاجات كتير

غيره مش هيقدر يوفرهالك لان اللى يحب مش زى اللى يتحب لانك لو انتى اللى حبيى انتى اللى هتدى وهو متضمنيش شعور اللى هتحبيه ايه فجربى لو مفيش

حد فى حياتك وقربى من الشخص دا شوفى ايه شعورك وشوفى هو هيعملك ايه يثبتلك حبه وم تتخلى عنه انتى مش هتخسرى حاجه بس لو لاقيتى نفسك مفيش

حاجه غير انكوا اخوات قوليله بقى

انا حاولت علشان مش اظلمك بس حرام انا كدا بضحك عليك لو كملت خلينا اخوات وانت اكتر واحد هتخاف عليا بس زى اختك وهو لو كويس اكيد هيحترم

.رغبتك دى

ولكى تمنياتى بالتوفيق والاختيار الموفق

ارجو تقبل مرورى