خش اعرض مشكلتك واحنا هنحاول نحلها وحاول تحل مشكله غيرك

ده موضوع عملته لاي حد عنده مشكله يخش يعرضها واحنا ان شاء الله هنحاول نحلها مع بعض لحد مانوصل لحل
وده بحكم ان احنا هنا اخوات وقلبنا على بعض
وياريت محدش يتكسف من اخواته

حلو اووووي يا طمطم وانا عن نفسي معنديش مشاكل غير العصبيه ونشفان الدماغ
بس عادي اتعوت علي نفسي كده
وميرسي ليكي مره تانيه

موضوعك جميل اووووي يا طمطم

وميرسي ليكي ياقمر انك طرحتي هذا الموضوع

وانا مشكلتي انا بعتبرها مشكله كبيره جداااااااا

لان في ناس كتير بتفهمني غلط خالص

بس مش عارفه اعمل ايه ؟؟؟ واجي احاول افهمهم

بيفضلو يقولولي خلاص خلاص

مش عارفه الغلط فيا انا ولا ايه بالظبط

بس انا اتعودت على كده بس بكون تعبانه جدااااااا

لما الاقي انسان يكون مثلا عارف حاجات عني وعارفني وكده

ومن مجرد كلمه او فعل بيفهمها غلط وانا مش قصدي كده خالص

مش عارفه اعمل ايه خالص ؟؟؟

شكرا ليكي يا اجمل طمطم

ان شاء ما يجيب مشاكل يا عيون

بس انتي هل دماغك ناشفه الي حد ايه ....؟؟؟

ولكن يا جميل مش تتعصبي كتير عشان صحتك وحالتك النفسيه

وحاولي ابعدي عن العصبيه واللي بيعصبك ...

واتمنالك التوفيق يا جميل

بجد موضوع فى منتهى الجمال وان شاء الله نساعد فية

انا شخصيا مفيش منتدى بدخل فية اللى لما بعمل فية حاجة اسمها العيادة النفسية للمنتدى و هى شبة موضوعك دا

وان شاء الله انا داترس علم نفس ونقدر نساعد نفسنا و نساعد اخوانا و اخواتنا فى المنتدى دا

وبجد زى ما قلتى يريت محدش يتكسف و يتكلم بصراحة

نلتقى فى جلسة تانية ان شاء الله

بجد أنا بشكركم كلكم على مجاملتكم الرقيقة
بصوا احنا ساعات بنكون صح فى نشفان الدماغ بس لازم نحترم الكبار الكبير دايما عنده خبرة أكتر مننا وبيشوف حاجات احنا مش شايفنها فعشان كده قعدوا شوية مع نفسكم وفكروا بالعكس بمعنى أنكم تحطوا نفسكم فى مكان اللى أنتم بتعندوا معاه وشوفوا رد فعلكم كان هيبقى أيه
أما عن العصبية فاعتقد أن دا شىء طبيعى فى ثانوية عامة الطلبة كلها كده وخاصة أيام الامتحانات
بس فى الأخر محدش واخد منها حاجة

ميرسى ليكى يا طمطم على موضوعك الحيوى ده
بس انا فعلا عندى مشكلة انا مشاعرى بتكون داخلية يعنى مش بتظهر للاخرين وبعض الناس يفكروا انى مغرورة او معنديش مشاعر بالاخرين مع ان لما غيرى يحكيلى عن مشكلة خاصة به بحاول احلها انا اصلا من طبعى بحب اتحدث مع الورقة والقلم مش بحكى مشاكلى لحد لانى مؤمنة ان اقرب مكان الى سرك هو صدرك(قلبك) ياترى انا غلط فعلا ولازم اتغير وعلى فكرة انا قسم علم نفس

بصراحة مش فاهم يا دودا تقصدى اية بالمشاعر
قصدك مشاعر الحب مثلا تجاة حد ؟
ولا المشاعر اللى بتكون بينك وبين اصحابك واهللك ؟
يريت توضحى اكتر ..لانة بصراحة مش فاهم

اما موضوع افضل مكان لسرك هو صدرك (قلبك )زى ما قلتى انا بقولك خليكى ماشية ع كدة طول حياتك واياك سرك يخرج عنك
لانة فى كلمة بتقول
ليس كل علم فى القرطاس ضاع ...وكل سر جاوز الاتنيين شاع
والاتنيين دول (انت و نفسك )
وهو دا الصح ......
كان نفسى اسعدك اكتر من كدة بجد ....ان شاء الله ملحوقة وتقدر توضحى المشكلة اللى عندك اكتر من كدة ......

بصى يا دودا يا حبيبتى أنا زيك ورقتى وقلمى هما اللى بيريحونى
لكن أستاذى برتاح ليه جدا وبعتبره أبويا ولذلك الحاجة اللى بشك فيه بحكيله بكل صدق وأمانة

ميرسى يا جيفارا على ردك (سورى انا معرفش اسمك)وميرسى ليكى يا طمطم على ردك
انا اقصد مشاعرى مع الاخرين اما الحب لسه بدرى عليه