انا بخرج على سنجه عشره وبصلى على اى سنجه؟

باخرج على سنجة عشرة..بس بصلى على أى سنجة!!

--------------------------------------------------------------------------------
السلام عليكم ورحمة الله وبركاته

الموضوع ده مهم جدا وشفته فى احد المنتديات وحبيت اناقشكم فيه

الموضوع ده بشوفه فى بيوت كتير ومع ناس كتير

وهو الفرق بين مستوى لبس الخروج ولبس الصلاة

ستات كتير لما تيجى تخرج تتشيك على الآخر وأغلى لبس وأحسن خامات ونضافة إيه وزينة إيه

وفيه منهم كمان اللى بتعصى الله ورسوله وتتعطر عشان ريحتها تبقى حلوة بدل ريحة العرق ولا الطبيخ!!

طب وفى الصلاة؟؟؟؟

اضرب أى لبس على أى هلاهيل مع أى طرحه أو إيشارب بغير إحكام وشعرها باين منه
مقطع
مهلهل
مش نضيف
ماترضاش تقابل بيه ضيف

مش مشكلة

أهم ركعتين ويخلصوا!!!

ده غير ريحة العرق ولا لو واكلة بصل ولا توم ولا فسيخ حتى

هو حد شايفها؟؟؟

دى فى بيتها!!!

لا والله

رب السماوات والأرض يراها

وهى واقفة بين يديه

إله الجن والإنس

أحق من تُزُين له

وحولها ملائكة الرحمن

اللى بيتأذوا مما يتأذى منه بنو آدم

قد كده الموضوع مش مهم!!

لقاء رب العالمين مش مهم!!

أهم لقاء فى حياتنا مش مهم!!

ده لو واحده رايحه زيارة لناس ولا واحده رايحه تقابل - هدانا الله وإياكم - بتلبس اللى على الحبل وتتعطر وتتزين وتتهندم
وممكن تستحمى ولا تغسل سنانها

طب ولقاء رب العالمين يا جماعة؟؟؟

ليه بنصرف ألوفات على لبس الخروج
أيا كان نوعه

بنطلونات وبديهات
ولا جيبات وبلوزات
ولا عبايات وطرح
ولا حتى خمار او إسدال ونقاب

ومايهونش على البعض منا انها تشترى إسدال مخصص للصلاة شيك وقيم!!

لما مابنتزينش واحنا رايحين نناجى الله سبحانه وتعالى!!

ليه مش مستشعرين أهمية اللقاء ده؟؟؟
والله والله والله

ربنا غنى عن صلاتنا دى

احنا اللى محتاجينها

أنا شايفة ان التزين عند لقاء الله علامة على المحبة

مش الواحدة بتتزين لزوجها ولا أحيانا خطيبها ؟؟؟؟

مش ده بيحصل؟؟

ولله المثل الأعلى

بصراحة الموضوع ده فاقع مرارتى وحارق دمى وواجع قلبى والله

انتوا معايا؟؟؟

طب انتى عن نفسك

شوفتى نماذج من الناس دى او تعرفى حد بيعمل كده؟؟

بتلبسى إيه وانتى خارجه؟؟؟

وبتلبسى إيه وانتى بتصلى؟؟؟

بتهتمى بلبس الصلاة فعلا؟؟؟

شاركونى

موضوعك جميل جدا

رغم ان صياغته للفتيات فقط وليست للشباب

ولكن كتير فعلا من الاشخاص بيصلوا لمجرد الصلاة

لكن مش بيتعمقوا فى الصلاة للدرجة انهم يعلموا انهم بين يدى الله

وان الله ناظر اليهم وان الله امامهم ويسجدون امامه ومقربين من الله سبحانه وتعالى

كثير يصلى فقط ولا يهتم بلبسه ولا بأى شئ

اشكرك على موضوعك القيم ده

بارك الله فيكي يا جميله

موضوعك رائع جدااااااااااااااااااااااااا

وانا فعلا معاكي في كل كلمه

وانا فعلا مرارتي اتفقعت معاكي

بس اقولك حاجه :::

والله الشاهد عليا

انا زي ما بلبس في الخروج وومخصصه لبس للخروج

انا برده مخصصه لبس للصلاه وقراءه القران

والحمد الله على كل شئ

والحمد الله على نعمه الاسلام

اتمنالك التوفيق

وربنا يحميكي

ويارب يهدينا جميعااااااااااااااااا

جزاكى الله خير
فعلا عندك حق فى ناس كتيرة جدااااااااا بتعمل كده
بس انا الحمد لله مخصصة لبس للصلاه
ودايما بيكون نظيف
اتمنالك التوفيق
ونتمنى منك المزيد

شكرا لاحمد ونيرو وحزينه العمر على المرور ربنا يوفقكم