لو عرفتى الباسورد هتعملى ايه

[center]السلام عليكم ورحمه الله وبركاته
انا جايبه ليكم حكايه وعاوزه اعرف رايكم والرد عليه بس يا ريت تقرؤه لالاخر
[right]واحد اتعرفتى عليه مش مهم فين واخد الميل بتاعك وانتى اخدتى الميل بتاعه واتكلمتم بكل احترام مره واتنين وثلاثه وبعدها غاب لمده شهر او اكتر ورجع كلمك تانى واتحجج فى الشغل وانه بتشتغل فى بلد غير بلده واتعرفتم على بعض بكل احترام وفجاء فى المره الرابعه منذ التعارف لاقتيه بيقولك انه بيحب واحده جدا لدرجه انها شغله تفكيره ومن كلامه عليها عرفتى ان سيادتك هى الواحده دى طبعا هتردى وتقولى بطل هبل حب ايه من الت فرد عليكى وقال انه فعلا بيحبك وحلف بحبه اكتر من مره وطلب رقم باباكى علشان يكلمه ويجى يخطبك منه وحضرتك ملبوخه مش عارفه تعملى ايه ومفيش غير والدتك هيا اللى عارفه كده بس وقالتك بطلى جنان دا ولد مجنون او بيشتغلك والولد اللى كنتى تعتقدى انه محترم اداكى رقم موبايله وقالك لو انتى موافقه كلمينى ارتب امورى واجهز نفسى علشان اتقدم ليكى ولما سالتيه كام ميل بنت عنده قالك 3 انتى واختى وبنت خالى وحلف كمان انهم 3 بس وكان كل ما يجى يتكلم عن حبه ليكى كنتى بتحججى فى الامتحانات وتغيرى الموضوع وتتكلمى فى اى حاجه ويجى فى يوم وضربت فى دماغك انك تفتحى الميل بتاعه بس انتى متعرفيش الباسورد بس قولتى لنفسك اجرب رقم موبايله يمكن يطلع صح ويكون حظك كالتالى----------------------------------------------------------الميل فتح وكانت الصدمه كبيره لا هيا مش صدمه ولا حاجه انك تلاقى اكتر من 50 ميل بنت عادى بس خليكى فكره انه حلف ان مفيش غير 3 ميلات بنات بس ويطلعو 50 او اكتر بيقى حلف كدب واكيد كمان حلفانه لحبه ليكى كان كدب سورى ان كنت طولت عليكم بس لالامانه الموضوع دا حصل معايا انا معايا الباسورد حاليا ويا ريت حد يقولى اعمل ايه

ارجو التفاعل والرد

طبعا طبعا لو الموضوع ده حصل لا يمكن هعرفه تانى

وعمرى ما هكلمه تانى ونصيحه منى انسى الموضوع

وياريت متحطيش فى دماغك موضوع انه بيحبك دى

اظن انتى شوفتى بعينك الميل بتاعه

طولت عليكى يا قمر اسفه لو كنت قاسيه فى ردى

بس انا تهمنى مصلحتك احنا هنا كلنا اخوات

انتى تطولى براحتك يا جميل

انتى لسه بتقولى كلنا اخوات

ورد صح ميه فى الميه

وانا مش زعلانه منه

انا اصلا برفض حب النت

مرسيه لردك

طبعا الموضوع من اوله غلط فى غلط

يعنى واحد عرفتيه على الشات منتظرة منه ايه يا مريم

الكدب طبعا

انا مش بقول كل الناس كدابة على الشات بس 99%

بيبقوا كدة وبعدين انسى الموضوع خالص وروقى دماغك منه وامسحى ايميله من عندك

وخلاص وانهى الموضوع بقى

بس لازم بقى تتعلمى من الغلطة دى

ومش تامنى لاى حد بسهولة كدة وتتكلمى معاه

الا لما تحسى انه صادق اوى وتحسى انه بيخاف عليكى جدا وبيعاملك زى اخته تمام

بس انا عايزة اقولك مش تزعلى لازم المواقف دى تحصل عشان الواحد يتعلم ومش يغلط تانى

والتجربة دى خلاتك تستفادى منها والحمد لله عدت على خير

تقبلى مرورى بقى

اختك لميـــــــــــــــــس

انا استاذه فى التكبير يالميس وانتى عارفه كده

وانا مروقه دماغى وعمرى اصلا ما صدقته

ويمكن انا مكنتش حكيت ليكى بس انا علمته الادب

علشان الحلفان مش اكتر لانه كان بيحلف كتير

ر تعرفى لموسه انا عملتله ايه

غيرتله الباسورد بتاعه

ومسحت ميل من شهر قبل ماعرف الباسورد

شئ الهى خلانى اعمل كده

وبعدين اصلا عمرى ما هامن لحد مشفتوش

وبعدين ماما كانت عارفه لميس

ربنا يستر

حكايتك محتاجه وقفه وانا هقولك راى ياجميل بكل صراحه

انتى زى ماقولتى هو لما حلف ان مش عنده ايميل بنات الا 3 بنات

وكذب عليكى فهو اكيد زى ماانتى قولتى يبقى اكيد كذب عليكى فى حبه

ياريت ياجميل تنسى الموضوع ده واذا مكنتيش انتى اتعلقتى بيه

مرسيه كتير على درك هنوده

انا اصلا عمرى مااتعلتق بيه

لانى عارف طيش الشباب اليومسن دول

وكدبهم على البنات مفكرين انهم مخلوقات ساذجه

والحمد لله كانت معايا والديتى فى كل كلمه

وكانت عارفه كل حاجه

وانا قولت لما اشوف اخره ايه

شكرا جزيلا على ردك واهتمامك

اتمنى ليكى النجاح من كل قلبى

[quote="lastdream"]مرسيه كتير على درك هنوده

انا اصلا عمرى مااتعلتق بيه

لانى عارف طيش الشباب اليومين دول

وكدبهم على البنات مفكرين انهم مخلوقات ساذجه

والحمد لله كانت معايا والديتى فى كل كلمه

وكانت عارفه كل حاجه

وانا قولت لما اشوف اخره ايه

شكرا جزيلا على ردك واهتمامك

اتمنى ليكى النجاح من كل قلبى

شوفى يا lastdream انا هقولك ع رايى .
مفيش ولد مننا بيحب بنت اووووى وبيبقى عاوز يرتبط بيها ويبدا حكايتة من الاول كذب .
صحيح انا ممكن اكذب ع كل البنات اللى موجودين فى الكون كلة بس البنت اللى بحبها واللى هرتبط بيها لازم تكون عارفة كل حاجة عنى بصراحة .
وكمان فية مشكلة انك بتقولى انك معاكى رقم تليفونة وهو كمان معاة رقم تليفونك تمام ولا لأ ؟
يريت تنسى الموضوع دا نهائى ومتفكريش فية تانى نهائيا .
وايكى ثم اياكى انك تستعجلى الحب علشان متقعيش فى مشاكل
دا رايى لاختى ........وعاوزة تاخدى بية مفيش مشاكل وتنسى رقم تليفونة وكمان تغيرى رقم تليفونك لو كان معاه .

هو والله ميعرف رقم تليفونى ولا كلمته مايك ولا شاف صورتى اصلا

واكيد لازم اخد برايكم

شكار على اهتمامك

وانا مش مستعجله انا حبيت اعرض الموضوع واشوف الاراء

انا راى انك تنسى الانسان داه
لانه مايستهلش اى لحظه تفكير منك
وكبر دماغك
وعيشى حياتك
اتمنالك السعاده والتوفيق
وادعو الله ان يحفظك ويرعاكى
ولكى منى كل الاحترام والتقدير