حوار بين شاب وفتاه على......ممكن تدينى رقم موبايلك

حوار بين شاب وفتاه .....ممكن تدينى رقم تليفونك

القصه دى حصلت حقيقى بجد وهى اكيد منها كتير جدا

واحده عندها18 سنه يعنى دايما اهلها خنقنها شويه فى الخروج

وهى من طبيعتها مش بتحب التقييد للحريه فقالت انا بالعند فيهم مش هاخرج

وفعلا عملت دا واكيد اتخنقت من دا بدات تستخدم وسائل الترفيه

الكمبيوتر وهى الاولى والاخيره الى بيستخدمها الشباب فى الشات

المهم فى واحد كلمته حوالى سنه ونص(عدت ازاى الله اعلم) المهم

طلب موبايلها وهى رفضت طلب صورتها وهى رفضت طيب يشوفها شويه بالكام وهى لاء

المهم انه ماسبهاش ادالها هو رقم موبايله ووراها صورته

وبعدين بقوا يدوا لبعض مواعيد ويكلموا بعض بالساعات

المهم هو زهق من كتر اللاحاح انه يشوف صورتها او يسمع صوتها وهى رافضه برده

وهنا بانت حقيقته......

بجد طلع مش محترم ابتدى يكلمها على انها واحد صاحبه فمسحت ايميله من عندها بعد خناقه كبيره بينهم

لانه تعدى حدود الادب معاها بس هو مامسحش ايميلها

يوم حبت تكلم عمها الى فى الكويت كلمته على الايميل وكلمته شويه وكدا

دخل باباها وقالها عندى صداع ياحبيبتى قومى اعمليلى شاى وجيبيلى اسبرين

وقامت فعلا وبدا باباها يكلم اخوه وفجأه

ظهر الملعون وبدأ يكلمها بأسلوبه القذر لكن ابوها تجاهل الامر

مكن حديكون جاب الايميل صدفه لكن هو ذكر اسمها وشويه حاجات تبين لابوها انها

فعلا كانت بتكلمه

لكوا ان تتخيلوا موقفها طبعامش لاقيه حاجه تقولها لباباها المهم حصل الى حصل اكيد

العقاب قاسى جدا وهو معاه حق اخد الموبايل ومنعها من الكمبيوتر والشارع

دا غير العقاب البدنى والنفسى وبجد نفسى اسألكوا شويه اسئله اتمنى تردوا عليها

الشباب

1-كام ساعه بتقضيها على الشات

2-بتعطل اعمال المفروض تنجزها علشانه

3-بتفضل الشات الكتابى ولا الصوتى

4بذمتك ودينك عمرك ماقلت كلمه خادشه لبنت او ولد

5-تحب تتعرف على بنات ولا ولاد؟وليه؟

6-ليه دايما بتكتبوا اسمائكم المسنعاره بنات ودا بيحصل كتير

7-ليه دايما بتلحوا فى طل الموبايل اوالصوره تشوفها

8-كلام الحب والمعسول من قلبك ولا تسليه

9-ايه رايك فى الشات ايجابى ولا سلبى

10-ايه نظرتك ليك وليها على انكوا بتعملوا شات







البنات



1-ايه رايك فى موضوع الشات


2-فى حد جرحك بكلمه قبل كدا


3-بتقولى كتير بحب بيبقى من قلبك

4-هل تبقى محترمه نفسك وانتى على الشات

5-اديتى لحد رقم موبايلك قبل كدا؟ شاف صورتك؟

6-تقدرى تكلمى حد قدام اهلك

7-الشات ايجابى ام سلبى

اكيد طبعا مش كل الناس كدا اتمنى الى يدخل يجاوب ويقول رائيه بكل صراحه

1-ايه رايك في موضوع الشات؟
مش بحبه ولا برتاح ليه والحاجه اللي مش برتاح لها مش بعملها علشان كده عمري مادخلت شات ولا هفكر ادخل

2-في حد جرحك بكلمه قبل كدا؟
بما اني مش بدخل شات فاكيد لاء واساسا مش بسمح لاي حد ايا كان يتخطي حدوده علشان يقول حاجه جارحه

3-بتقولي كتير بحب بتبقي من قلبك؟
اساسا نادرا لما بقولها مش كتير ولا حاجه انا لما بحب حد بحبه من قلبي بس مش بقول افعالي بتدل علي اللي في قلبي والحمد لله حتي الان مش حاسيت الاحساس ده لاي حد خارج نطاق الاهل والاصدقاء

4-هل تبقي محترمه نفسك وانتي في الشات؟
انا قولت اني مش بدخل شات بس عموما اللي بيحترم نفسه صح هيحترمها في اي مكان شات او غيره وانا الحمد لله احترام اللي حوليا ليا من احترامي لنفسي

5-اديتي لحد رقم موبيلك قبل كدا؟شاف صورتك؟
لا طبعا وبعدين مفيش حد اساسا علشان ادهوله او يشوفني بس احيانا علي الاميل في ناس بتحرجك وبتضطري تديه ليهم بس طبعا بنات

6-تقدري تكلمي حد قدام اهلك؟
كل اللي بكلمهم قدام اهلي لاني مش بعمل حاجه غلط كمان هما مش بيدقوا اوي لانهم واثقين فيا اوي

7-الشات ايجابي او سلبي؟
بصراحه مجربتش علشان اعرف بس حسب اللي بسمعه انه لا ده ولا ده يعني تسليه ومضيعه للوقت وانا الحاجه اللي مش هتفدني مالهاش لازمه بالنسبه ليا
يعني اصحابي كتير ومش محتاجه لا اكون صدقات ولا حتي اضيع وقت في رغي مش ليه لازمه

طبعا ده مع احترامي للي بيدخلوا شات

عموما القصه حلوه اوي بجد وياريت كل البنات تتعلم منها وبلاش الاندفاع واننا نصدق كل حاجه بسرعه كده يعني لو مش كانت امنت له من الاول او وافقت انها تكلمه مش كان هيبقي فيه مشكله

هي اللي غلطانه وحبس اهلها ليها مش مبرر انها تعمل كده

ميرسي ليكي علي الموضوع وتقبلي مروري

يه رايك فى موضوع الشات
ف ناس بتستخدمه صح وناس لا
2-فى حد جرحك بكلمه قبل كدا
لا والحمد لله

3-بتقولى كتير بحب بيبقى من قلبك
اها اكيد
4-هل تبقى محترمه نفسك وانتى على الشات
طبعا مدام كلامى وكلام الناس مفيهوش اخطاء
5-اديتى لحد رقم موبايلك قبل كدا؟ شاف صورتك؟
اه بس بنات واثقه فيهم
6-تقدرى تكلمى حد قدام اهلك
طبعا وده بيحصل كتير قوى
7-الشات ايجابى ام سلبى
حسب اللى بيستخدمه
مشكوره ع الموضوع الحلووووو

1-ايه رايك فى موضوع الشات
الشات الى حدا ما كويس بس لو استخدم فى الخير

2-فى حد جرحك بكلمه قبل كدا
انا الحمد لله مفيش حد جرحنى لانى مبجرحش حد ومش بتعدى حدودى مع حد ومش بكلم اولاد
3-بتقولى كتير بحب بيبقى من قلبك
انا عمرى مقلتها لحد ومحبش اقولها

4-هل تبقى محترمه نفسك وانتى على الشات
انا طبعا ببقى محترمه نفسى لو دخلته اصلا
5-اديتى لحد رقم موبايلك قبل كدا؟ شاف صورتك؟
الحمد لله عمرى ما اديت لحد رقم موبايلى ولا حد شاف صورتى
6-تقدرى تكلمى حد قدام اهلك
انا على طول بتكلم قدام ممتى علشان انا اصلا مش بكلم اولاد وبكلم باحترام

7-الشات ايجابى ام سلبى
الشات ايجابى لو فيه ناس محترمه واما نستفيد منه ونفيد ونتعلم عن حيتنا وايضا بيكون سلبى لو فيه ناس مهزائه وبيقولو كلام مش محترم

ميرسى ليكى على هذا الطرح الرائع تقبلى مرورى

مرسى ليكى ياديدا ياقمر

وبجد اتشرفت بردك

مرسى ليكى اوى ياديدا وربنا يخليكى

يا قمر وبجد انا اتشرفت بيكى

مرسى ليكى عيون حزينه على مرورك الرائع

مرسى ليكى عطر الفردوس وبجد اتمناللك النجاح دائما

مرسى ليكى جدا يا القطه الشقيه

ععلى مرورك واتمنالك التوفيق