موضوع هام جدا

موضوع: موضوع هام جدا الأحد يوليو 26, 2009 3:07 am

انا بجد مش عارفة ابدا الموضوع ازاى بس بجد انا حزينة

طبعا الكل عارف برنامج واحد من الناس(للاعلامى الكبير عمرو الليثى) وهو فعلا انسان بمعنى الكلمة ويستحق التقدير

بس حلقة الاسبوع الماضى كانت مؤلمة للغاية

كان موضوعها كلاتى:

حى من احياء القاهرة يدعى (بطن البقرة)لا يوجد به ماء ولا صرف صحى وحتى الماء الموجود مختلط بماء المجارى

مش مهم اللى فات ركزوا فى اللى جاى

كل سكان هذه المنطقة اموات ولكن يعيشون على الارض (دى مش مبالغة منى والله)

هل تعتقدون ان تكون هناك اسرة من عشرة افراد واكثر يعيشون فى غرفة وادة لا تتجاوز المتران والنصف بمعاش شهرى خمسون جنيه فقط فى الشهر

اازاى عشرة افراد يعيشون بخمسون جنيه فى الشهر وكمان ايه بيحضروا غذاء من المسجد هذا الغذاء عبارة عن طبق مكرونة ولازم يفيض منه عشان العشاء

والفطار ومش هقولكم على منظر الغرفة القانطين فيها

دى حالة من ضمن الف

وفى حالة اخرى فهى اعتقد اصعب حالة من ضمن هؤلاء سالها الاستاذ عمرو قالها طلباتك ايه قالت له اتعالج فهذه امراة تتجاوز الستين ولا تستيع المشى ولديها

اصابات عديدة ولاحظو هذه لها معاش شهرى 85 جنيه وبتدفع 50جنيه ايجا هل هذا

يعقل ياناس

احنا اصبحنا فى عام 2009 وفى ناس عايشة كده والله انا كده بسطت الموضوع خالص عليكم لان اللى انا شاهدته اصعب

كتير من اللى انا كتبته

والاكثر من ذلك ان ماساة الدويقة سوف تتكرر لان هذه المنطقة تحت جبل ومهدد بالانهيار

انا حبيت انقل لكم صورة مبسطة

ولكن هؤلاء بشر من ابسط حقوقهم ان يعيشوا(اين الحل)

انا بسمع ان فى رجال اعما ل يمتلكون المليارات اين هؤلاء من كل ذلك

ا فين دور الجهات المختصة

الناس دى مشكلتها كبيرة جدا اصبحوا رافضين للحياة فقام احدهم بحرق نفسه فمات منتحرا

ا انا ممكن اكون طولت عليكم بس ده من الغضب اللى بداخلى

واتمنى انكم تشاهدوا هذه الحلقة

انتي بالفعل طرحتي مشكله كبيره جدااااااا

وانتي عندك حق في كل كلمه انتي قولتيها

ازاي نكون عايشين في 2009 وفي ناس عايشه بالشكل المؤلم ده

حاجه بجد مؤلمه وانا كنت بتفرج كتير على هذه الحالات

لدرجه اني ممكن افضل اسبوع حالتي النفسيه متدهوره

والمشكله اللي يغيظك بيطلعوا في البرامج وكثير من الناس

اللي بيشوفوا هذه الحلقات المؤلمه

ومنهم ايضا رجال اعمال وايللي ليهم مناصب في البلد

وايضا منهم اللي بيشهدوا الذي يمتلكون المليارات

ولا بيعملون شئ

فلماذا لا يساعدون هذه العائلات ؟؟؟؟

مين اللي عنده حل ؟؟؟؟

بجد حاجه تنرفز اووووووووي وبتوجع

والمشكله الاكبر انهم بيجليهم اوقات بيغلوا الحاجه

يجيبوا منين الناس الفقراء والمتوسطه يسرقوا يعني ؟؟؟

ولو هما مش قادرين يقوموا على رجليهم يعملوا ايه .؟؟؟؟؟؟

انا والله بفضل اسال نفسي كتير ايه الحل ؟؟؟؟

وللاسف مش بلاقي حل خالص ؟؟؟؟؟

حسبي الله ونعم الوكيل

ونفسي بجد امتا حال البلد هيتغير

وميكونش في عائلات بهذه الحالات المؤلمه

لانها حق مؤلمه .....

والمشكله كله بيقول هعمل وهعمل وهعمل

والمذيع بيتصل مثلا بحد كبير ويقول هنساعد العيله ديه

ومش بيعملوا حاجه خالص

يا ما نشوفهم تاني في البرنامج

ياما بيذيعوا خبر وافتهم

بجد موضوع مؤثر للغايه

ونفسي بجد الاقي حل

انا بجد حزنت عليهم موووووووووت

ده في البلاد اللي بره من المستحيل انك تلاقي عندهم حالات زي اللي عندنا

ولو لقفيتي مش هتوصل زي اللي عندنا

حسبي الله ونعم الوكيل

فعلا ده شئ محزن جدا جدا

ومؤلم جدا

بس الحل فى ايد المسئولين عن هذه البلد

ليس فى ايدينا غير الدعاء ليهم

وعموما ربنه مش بينسى حد

ربنه يصبرهم على اللى هما فيه

بس انا عاوز اقولك حاجة مهمة جدا جدا

لو جيتى تبصى لنقطة مهمة جدا

هتعرفى ان فى ناس بسبب الامية وبسبب انتشار الفقر

وبسبب اوضاعهم الاجتماعية السيئة وانهم بيعيشوا فى مناطق شعبية وعشوائية

هو ده السبب فى اللى هما فيه

لو قدر المسئولين عن هذه المنطقة ينتشلوا الامية والبطالة وينتشلوا هؤلاء الافراد من المناطق الشعبية

هتقدر الناس دى تعيش حياة كريمة حتى لو بسيطة مش لازم يعيشوا فى شقق فخمة

يعيشوا على اد الفلوس وعلى اد الاموال اللى يقدروا يشتغلوا بيها ويكسبوها

فالحل هو انهم يوفروا ليهم وظائف وشغل ويحاولوا يمحوا الامية اللى موجودة هناك

ومياه الصرف الصحى دى تجد المسئولين اللى يقوموا بانشاء محطات للمياه النقية والصالحة للشرب

ربنه يكون معاهم وفى عونهم

انا شايفه ان لما الناس تشوف الحاجات اللي زي دي

بيصعبوا عليهم ويقولوا يا حرام ويزعلوا كام يوم كدا

وبعد كدا كل حاجه بتتنسي ومش بيفتكروا اي حاجه من دي

وبتفضل الناس دي علي حالها

مش لاقيه اي مساعده من اي حد

وتفضل ميته وهما عايشين لا حد بيسمعهم ولا حد بيحس بيهم

حسبي الله ونعم الوكيل

ميرسى عللى ردك يا ديدا
بجد انا مش عارفة اقولك ايه (ربنا يوفقك يارب دائما؟)

ميرسى يا احمد على ردكالجميل ده وربنا يوفقك يارب

ميرسى يا mb22على ردك وربنا يوفقك
بس فى تعليق صغير هو فعلا فى ناس بتسمع الكلام ده وتتاثر وقتيا فقط بس مش كل الناس كده
وبشكرك مرة تانية على ردك الجميل

بجد متتخيليش الحاجات دي بتضايقني ازاي

بجد بحزن اوي اوي لما اسمع ان مسلمين زينا بيحصل معاهم كده وعايشين بالطريقه دي

فعلا منتهي القسوه لما كلنا نقعد نتفرج عليهم ومش بنعمل حاجه

بس المشكله ان الحل مش في ايدينا احنا

بجد لما بسمع الحاجات دي بستحقر نفسي اني ازاي عايشه في الرفاهيه دي
وغير مش عارفين يعيشوا ولو في ربعها

لكن مش بايدي اي حاجه اقدمها لهم لاني زي ماقولت الحل مش في ايدينا الحل عند المسؤلين

ولا اقولك مسؤلين ازاي وسايبين الناس دول كده

لو كانوا فعلا مسؤلين مش كان ده حصل اصلهم اساسا مش عارفين يعني ايه مسؤليه

وللاسف وضعوا في المكان الخطأ

عموما اللي زي دول مش ليهم غير ربنا اما المسؤلين فربنا يرحمهم اصلهم عايشين زي ميتين

من الاخر وجودهم زي عدمه

وعلي فكره في حالات ابشع وافظع من كده بكتير دي تعتبر اقل حاجه ومن ابسط الموجود

عموما لا يسعني سوي الدعاء لمثل هؤلاء ويارب يجعل ده في ميزان حسناتهم

واكيد ربنا كبير وموجود وقادر يحل مشاكل الناس دي

بجد يادودا ميرسي ليكي انك عرضتي مشكله زي دي للنقاش بجد تستاهل

ربنا يوفقك ويحميكي ياقمر

بصراحه انا عجبنى رد حزينه العمر اوى وانا معاها فى كلمه لان ده تقريبا نفس الكلام الى انا كنت هقوله لما قرات الموضوع
ومسيو احمد جه وقال الحل تقريبا بس برده مين بيسمع اينعم فى ناس كتير بتسمع بس مين هيعمل حاجه دى مش مشكله شخص او اتنين دى مشكله امه بحالها والمفروض الغنى او المقتدر يساعد الضعيف على قد ما يقدر ده من حق الضعيف وواجب على المقتدر وشكرا ليكو يا جماعه كلكم وشكرا لكاتبه الموضوع وربنا يخليكى

ميرسى يا عيون على ردك وفعلا ربنا معاهم
وميرسى على مرورك يا قمر

ميرسى ياdark angelعلى ردك وربنا يوفقك يارب