ما فيش حاجه

موضوع: ما فيش حاجه الثلاثاء يوليو 28, 2009 9:57 pm

مانيش محتاجة انا لحاجة
ولا عايزة خلاص حاجة
ولا طمعانة انا ف حاجة
ما خلتوليش ولا حاجة
عموما بصوا فيه حاجة
حقولها بس محتاجة
عقول تفهم ولو حاجة
ما هيش مفهومة او حاجة :
نفسرها بكام حاجة
نوضحها بكام حاجة
واهى حاجة مع حاجة
حتظهر وتبان لنا حاجة
وانا .. ما باخافشى من حاجة
ما نيش مسنودة ولا حاجة
لكن ما بخافش من حاجة
واساسا مش حقول حاجة
لكن فرضا لو حقول حاجة
حيحصل ايه؟ ولا حاجة
حيعملوا ايه ؟ ولا حاجة
وبعد الشر لو واحد من السامعين
من الضالين فهم حاجة
حيعملوا ايه ؟ ولا حاجة
فنتوكل على الستار
لوجه الله نقول حاجة
فيه ناس بتعيش عشان حاجة
وناس بتموت عشان حاجة
وناس بتموت على الحاجة
وناس تديلك الحاجة
وتبقى ليها محتاجة
وناس تديلك الحاجة
تاخد قدامها ميت حاجة
وناس تكبر تكون حاجة
وناس تصغر عشان حاجة
وناس منظر ومش حاجة
وناس تحلم بحلم بسيط
وتصحى وما تلقيش حاجة
وناس تنهب فى خلق الله
ولا حدش يقول حاجة
وتلقى كبير حرس ونفير
عليه منظر وهو جبان
وشيخ منصر ولا حدش يقول حاجة
كلامى يا خلق فيه حاجة
لحد دلوقتى فيه حاجة
كلامى عادى وبسيط جدا
ولا فهشى ولا حاجة
ما انا ما اقدرش اقول حاجة
صحيح نفسى اقول حاجة وميت حاجة
لكن مش قادرة اقول حاجة
لانى لو حقول حاجة
حيجى ناس بتوع حاجة
وياخدونى على الحاجة
ويمكن اروح ورا الحاجة
وهوه لو سمع حاجة
حيعملوها لى ميت حاجة
عموما بصوا لو واحد من القاعدين
عايزنى ابلغه بحاجة
يقول ما يخافشى من حاجة
نعم فيه ايه ؟
لا..لا..لا.. لأ
لا فيه سرقة ولا تهليب
ولا تهريب ولا تخريب ولا حاجة
وبتقول ايه؟
وحامى ايه ؟ حرامى ايه
وهربوا ايه وغرقوا ايه
وخصخصوا ايه
ومصمصوا ايه
وخلصوا ايه
شفافية ما فيش حاجة
وبتقول ايه
وظايف ايه وقوانين ايه
ودستور ايه وهببوا ايه
ولخبطوا ايه
ده كله كلام مافيش حاجة
وبتقول ايه
لا..لا..لا..لأ عيب
لا فيه ترقيص ولا تدليس
ولا تدبيس ولا تهجيص
ولا حاجة
سمع مع هس
انا حاسة ان فيه حاجة
دقيقة سكات
لتبقى حداد
انا حاسة ان فيه حاجة
زمانكوا يا خلق فيه حاجة
ولازمه كام وميت حاجة
ده لو كان يعنى فيه حاجة
انا عن نفسى
مش حاسة ولا حاجة
ولا مضايقة ولا حاجة
سعادتك برضه مش زيى
مافيش حاجة
جنابك برضه مش زيه
ما فيش حاجة
ما انا قلت لكوا من الاول
ما فيش حاجة
علية النعمة يا اخوانا :flower:
ما فيه حاجة
وعهد الله وعهد الله
ماخلوا لنا ولا حاجة
وبقولك ايه ؟
خلاص خلص
وفركش يلا يا اخوانا
ما فيـ يـ يـ ش حاجة !!

ههههههههههههه واللهى كلامك دا احلى حاجه مرسيه ليكى يا جميله

بجد مش هقولك حاجه

علشان مفيش حاجه

بعد اللي قولتيه فعلا مفيش حاجه

ولو فيه حاجه مش هخبي عليكي حاجه

اصل كلامك حلو اخر حاجه

وبعدين عنوان الموضوع مافيش حاجه يبقي فعلا مفيش حاجه

بجد انتي خلتيني اتلخبط ومش عارفه اقول حاجه

عموما ميرسي علي موضوعك اللي جامد اخر حاجه

وربنا يوفقك وميخلكيش محتاجه ويبعد عنك اسوا حاجه

ههههههههههههههههههعارفه احلي حاجه ان كل الكلام مالين حاجات كتير ومن كتر الحاجه بتاعنك بجد صدقت ان مفيش حاجهسوري هيست شويه ههههههههههههههههعايزه اقولك بجد يا باربي علي حاجه بلاش تكرري الكلام عشان بيبقا فيه ملل يعني مش معقوله في كل سطر تذكر الكلمه دي مره ولا مرتينهي الكلمات حلوه بجدبس نصيحه مني حاولي تحياتي

ايه الموضوع الجامد ده يا باربي

موضوعك على فكره جميل جداااا

وبجد موضوعك هدفه جميل اووووي

بما انك كاتبه الموضوع بصيغه جامده

وممكننضحك بسبب الصيغه اللي انتي كتباه

بس ااحيكي عليها اسلوبك حلو

وهو ده اللي ماشي حاليا

تيجي تسالي حد

يقولك مافيش حاجه

معين علفكره في حاجات كتيره اوووي واحنا ساكتين

حتى مش بنعبر على اللي جوانا

وعالعموم مافيش حاجه

واتمنالك التوفيق والسعاده والامان

وياريت كل الاعضاء تشاركنا في موضوع

{{ادخل وسجل حضورك فى المنتدى او غيابك لفترة وطمنا عليك دايما }}

وفي قسم المنتدي العام أرجو المشاركه من جميع الاعضاء ......

والله يافلا دي وجهات نظر ووجه نظرك انتي حره فيها بس اكيد في اعضاء غيرك كتير عجبهم وهيعجبهم الموضوع وميرسي علي مرورك

ميرسي سندارا علي مرورك

ميرسي عيون حزينه وبجد نورتوا الموضوع[center]

انا مش قصدي اني انتقدك والله بالعكس دا جميل جدا وكلماتك حلوه والله بس من كتر فعلا تكرار الكلمه بصراحه مليت
والله مش قصدي اقلل من اسلوبك ...
اعذريني لو كنتي اخطاتي ظني
اسفه مره اخري

بجد حلو اوى ياباربى الموضوع

الجامد دا اتمنلك النجاح الدائم

بجد والله جميلة جدا

وفيها فكرة حلوة

عن حياتنا وعن الوضع اللى بيعيشه كتير من الناس

وعن ان فى ناس بتموت بتحلم بحاجة وناس بتعيش عشان حاجة

وتكرار الكلمة جميل اوى اوى
وعجبنى فعلا

لان كدة هيشد انتباه القارئ جدا جدا

لان لو الكلام مافيهوش شئ مميز يشد الانتباه

ممكن قارئ الموضوع يصاب بحالة ملل ويطلع بره منه

واكبر دليل انك حطيتى موضوعك وجالك عليه ردود كتير من الاعضاء
فشكرا ليكى جدا وموضوع جميل اوى ومشاركة جميلة

واهلا بيكى فى المنتدى ياجميل ومنتظرين مشاركات ليكى كتير

موضوعك جميل جدا ياباربى
واحسن حاجة انك ناقشتى الموضوع بطريسقة كوميدية
ربنا يوفقك يارب

موضوع: رد: ما فيش حاجه الخميس يوليو 30, 2009 12:53 am

ميرسي جداااااااااااااااااااااااااااااا علي مرور يادولي انتي والمونتو ودودا وبجد نورتوا الموضوع بردودكوا الجميله

موضوع: رد: ما فيش حاجه الخميس يوليو 30, 2009 5:44 pm

ايه الموضوع الجامد داه يا باربى بجد موضوع جميل واسلوبك تحفه فيه

تقبلى مرورى القطه الشقية sh