البيضــــــــة والجــــــزرة والبــــــــــن

موضوعك جميل اوى يااحمد ومميز جدا وله معنى جامد جدا
التلات اصناف من البشر دول موجودين وكل واحد فينا نوع منهم
فى ناس زى الجزره ودول اللى بيضعفو من اسهل واقل متاعب وصعوبات
فى الحياه واللى ممكن تقابلهم وبينهزمو ويياسو من حياتهم مع انهم بيكونو فى ايامهم وتعاملتهم
تحس بقوتهم وتماسكهم مع الناس ودا بدون اى مشاكل تواجهم او يتعرضوا ليها
والنوع دا من البشر لازم يحاول الصمود والتحمل اكتر من كدا
علشان يقدر يعيش ويسعد بحياته


اما النوع التانى من البشر اللى زى البيضه فدا بيكون رخو وضعيف ادام اى حد
او الناس شيفاه كدا انه شخصيته ضعيفه جدا لكن الانسان دا لما يواجهه اى صعوبات ومشاكل كل اللى جواه بيظر لانه هو اساسى انسان ذو شخصيه قويه جدا من الداخل وليس من الخارج
لان ممن دا شى فى تربيته او بيئته اثرت فيه وطلع انسان ضعيف ذو شخصيه قويه جدا
ودا بيكون فى الانسان الانطوائى اكتر حاجه


القهوه فالنوع دا من البشر هو الافضل لانه بيغير فى حياه الناس ويغير حاجات تقليديه
كانو متعودين عليها فيكون ليه تاثير جامد جدا على اللى حوليه ووجوده بيكون ماثر فيهم جدا
دا بيكون فى ثقافته واحترامه لكل من يتعامل معه
وكمان بيفكر فى حلول جديده للمشاكل لا يياس ولا يضعف

بجد يا احمد موضوعك دا فيه كلام كتير جدا ولسه كلام ممكن يقال
تقبل مرورى

بجد موضوعك جميل يا احمد وله معني كبير وجميل

وفعلا زي ما قالت ساندرا ان التلات اصناف موجودين في البشر

وكل واحد مننا نوع من التلات اصناف دول

فيه مننا الانسان القوي لكن بمجرد مواجهته اي مشكله

مهما كانت بيضعف قدامها ومش بيقدر بتصرف فيها

وهيه اللي بتكون اقوي منه وبتقضي عليه

.......................................
النوع التاني وهوه الانسان اللي بتفتكره الناس ضعيف

او عديم الشخصيه لكن بمجرد مواجهته اي نوع من المشاكل

بتقويه اكتر من الاول وبيقدر يتصرف عليها وبيكون اقوي من الاول

وهوه اللي بينتصر عليها ومش هيه اللي بتقضي عليه

....................................................

اما النوع التالت هوه الانسان اللي يقدر يغير الدنيا من حواليه

ويغير العادات والتقاليد القديمه يقدر يكون حياه جميله افضل

بكتير من الاول بتفكيره وعقله وارادته

وده من راي افضل الانواع انك تاثر في اللي حواليك

مش هما اللي ياثروا فيك

والمفروض كل واحد يقف قدام نفسه ويعرف هوه اي نوع من التلات انواع

ونحاول نكون النوع التالت لانه افضل الانواع


ونتعلم ان مش اي حاجه تكسرنا وتبقي نهايه الحياه

لو الانسان عنده اراده قويه ممكن يغير في الدنيا من حواليه

لافضل

وربنا يوفقك يا احمد ويحميك

ودايما بتفجانا بمواضيعك الجميله والهادفه

بجد موضوعك اكتر من رائع

وفعلا فى ال3 انواع موجوده واكيد

كل الكلام دا صح لان اى انسان لازم يستفاد

من اى حاجه تمر فى حياته اما انها تقويه او تضعفه

او انها تخلى الالم درس لذيذ تناقشه مع نفسها ايه الغلط فيه

ايه الى كان ناقص فيه واقدر اعوضه بعدين بجد اى انسان لازم

بعد مايحصله موقف صعب انه يتغير ويتعلم اتمنالك مزيد من التميز يااحمد