هــي و هــو

موضوع: هــي و هــو السبت أغسطس 01, 2009 3:18 pm

هــي و هــو

هي
تضع مولودها بعملية قيصرية، وبعد أسبوع، تجدها واقفة مقصوفة الظهر وهي تحمل رضيعها بيد وباليد الأخرى تقلب الطبخة، وفي الوقت نفسه تعتني بأطفالها الآخرين، تهيئهم للمدرسة، ترتب المنزل، وتحضر لزيارة أهل الزوج للعشاء.

هو
عند أول عطسة ايذانا ببدء نزلة برد عارضة، تجده وقد لبسه الاكتئاب، فيمتنع عن مزاولة أي نشاط،، ويأخذ اجازة مفتوحة من عمله، يطلب لنفسه وجبات خاصة، وأدوية خاصة، ومعاملة خاصة، ويتأوه ليلا ونهارا.
وبعد كل هذا يتهم الرجل المرأة بالدلع...!

هي
تتابع مسلسلا في التلفزيون، بينما تتصفح مجلة، وتحل واجب الحساب مع ولدها، وتناقش زوجها في عمله ؛ وترد على الهاتف لتهدئ أختها التي تشاجرت مع زوجها، تؤنب ابنتها المراهقة على (طول لسانها)، فيما تتابع كل ما سبق بنفس التركيز.

هو
يريد أن يقرأ خبرا اعلانيا في جريدة، فيصرخ: سكووووت.... خلوني أركز

هي
تذهب لوظيفتها صباحا، تعود ظهرا لتحضر الغداء، وتذهب لاجتماع أولياء الأمور لتتحدث مع المدرس عن وضع ابنها الدراسي، تأخذ ابنتها لموعد دكتور الجلدية لحل المشكلة الأزلية (حب الشباب)، وفي طريق عودتها تمر على السوبر ماركت تحضر التموين، وبعدين تعدي علي المكوجي تشوف الهدوم ماجتش ليه،
تزور أمها خطفاً، وتعود بوجه مبتسم وروح مرحة لتكمل واجباتها الزوجية.

هو
يذهب الى عمله صباحا. يعود غاضبا لاعنا مديره والوظيفة والمرور. يجد كل شيء جاهزا. يتغدى، ينام، يقوم ليخرج مع اصحابه , يعود متاخرا لتناول العشاء، يشاهد التلفزيون ؛ أخيرا يذهب الى فراشه وهو يقول.. «انتو مش حاسين قد ايه باتعب

هي
لا تنام قبل أن تطمئن على البيت كله، وتضع رأسها المثقل بالهموم على المخدة فتلاحقها الهواجس والمشاكل والتساؤلات: مرض الولد، دراسة البنت، موعد أسنان الزوج، ومباركة الخالة، وعزاء الجارة، , وهاطبخ ايه بكرة . وطارت النومة.

هو
ينام قبل أن تصل رأسه للمخدة. ويعلو شخيره ليوقظ أهل البيت.. وأحيانا الجيران.
ويقوم صباحا ليقول ... تعبااااااان، ما نمتش امبارح كويس

هي
تعيش على الخس والجزر والسلطة، تواظب على الريجيم والأكل الصحي والرياضة..لا لشيء الا لتبدو جميلة في عينيه.

هو
يعيش ليأكل، ينمو أفقيا.. بنسبة بروز واضحة حول محيط الكرش، مرددا ببساطة مقولة: الرجالة مش بشكلهم.

موضوع: رد: هــي و هــو السبت أغسطس 01, 2009 8:42 pm

بجد موضوعك صح لان الرجاله

مش بيقدروا اى حاجه والله مهما قالوا

موضوعك جميل ياهبه ياقمر

موضوع: رد: هــي و هــو السبت أغسطس 01, 2009 9:14 pm

بصى انتى موضوعك جاى فى صف المراه شويتين كدا

ياعنى انا معاكى المراه او الزوجه بيكون عليها الواجبات دى كلها وبتتعب جداااااا

لكن برده الزوج مش كدا الكلام دا فى ظلم للزوج او الاب

لان زى ما الزوجه بتتعب وتربى الاولاد هو برده بيتعب جدااااا

واكتر من المراه كمان لانه بيشتغل طول النهار او فى غربه علشان يوفر ليهم حياه كريمه

ولو بيشتغل وموجود معهم بيكون تعبان لانه بيشتغل طول النهار مع ناس مش عاوزين غير شغل حلو وبس

مش مهم الانسان دا ويرتاح ازاى وكدا وهو بيضطر علشان يجيب لهم فلوس واكل ولبس واحلى حاجه فى الدنيا

معلشى يا جميل نكمل بعض بقى انتى الزوجه وانا الزوج ههههههههههه

تسلمى وتقبلى مرورى

موضوع: رد: هــي و هــو الأحد أغسطس 02, 2009 2:56 pm

دولى كتب:: بجد موضوعك صح لان الرجاله

مش بيقدروا اى حاجه والله مهما قالوا

موضوعك جميل ياهبه ياقمر

نورتي التوبيك يا سكر

موضوع: رد: هــي و هــو الأحد أغسطس 02, 2009 3:05 pm

sandra كتب:: بصى انتى موضوعك جاى فى صف المراه شويتين كدا

ياعنى انا معاكى المراه او الزوجه بيكون عليها الواجبات دى كلها وبتتعب جداااااا

لكن برده الزوج مش كدا الكلام دا فى ظلم للزوج او الاب

لان زى ما الزوجه بتتعب وتربى الاولاد هو برده بيتعب جدااااا

واكتر من المراه كمان لانه بيشتغل طول النهار او فى غربه علشان يوفر ليهم حياه كريمه

ولو بيشتغل وموجود معهم بيكون تعبان لانه بيشتغل طول النهار مع ناس مش عاوزين غير شغل حلو وبس

مش مهم الانسان دا ويرتاح ازاى وكدا وهو بيضطر علشان يجيب لهم فلوس واكل ولبس واحلى حاجه فى الدنيا

معلشى يا جميل نكمل بعض بقى انتى الزوجه وانا الزوج ههههههههههه

تسلمى وتقبلى مرورى

والله ضحكتيني يا قمر
تسلمي ويسلم ردك

موضوعك جميل يا جميل

بس فعلا انتي جايه او في صف المراه

بس انتي بالفعل ظلمتي رجاله كتير

اه في رجاله بالشكل ده

بس مش كلهم كده خالص

بس بصراحه الراجل اللي بمعنى الرجوله بيتعب جدا وبيشتغل وبيجب

فلوس والمصاريف عشان بيته ومراته وزوجته ....

وغير كده هو بيشتغل في عز النهار

وتعالي بقى لو كان بيشتغل شغل في الحكومه شوفي ظلم وذل وقرف

وغير كده الزوجه ملزومه بانها تعمل واجبتها باكمل وجه عشان زوجها

بدل زوجها مكفيها يبقى خلاص .....

بس الازواج اللي انتي بتقولي عليهم دول مجوزين وخلاص

ياكلوا وشربوا ويشتغلوا ويناموا وبخرجوا مع اصحابهم بس ....

ولكن مراته في الهواء .....

بس عالعموم ميرسي ليكي على هذا التوبيك

ومش تزعلي مني ومن ردي

ديه وجه نظري فقط لاغير

واختلاف الاراء مقبول

اتمنى منك المزيد

موضوعك جميل اوى ياهبه
بس فعلا انتى جايه فى صف المرأة
ونسيت حق الراجال ومجهوداته
هو بيقوم من الصبح ويروح الشغل ويجى يرتاح
شويه ويروح على شغله التانى
علشان يوفر لزوجته عيشه كويسه
ولا ايه
اسفه انى طولت عليكى فى الرد
بس داه راى
والاختلاف فى الرأى لا يفسد للود قضيه
اتمنالك التوفيق
تقبلى مرورى
نيرووووووووووووووووووووووووووووووو