اشهر جمل بيقولها الاب والام مع اولادهم ههههههههههههههههههههههههه

ربنا يرزقك بعيل يوريك اللي ورتهوني .

* جتها نيلة الى عايزة خلف تيجى تتفرج .

* امشى جاتك مشش فى ركبك.

* رحلة ايه ان شاء الله, على أيامنا ماكوناش بنتطلع زفت رحلات .

*أوعا حد يضحك عليك ويقولك جرب السيجارة دي.

* ايه الا مبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

* انت فاكرنا نايمين على ودانا ؟

* بلاش أكل بره .

*ياريتك تحفظ دروسك زى مانت حافظ الاغانى.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* كريم دا عيل بايظ وماتمشيش معاه تاني .

* مين منى دي انت كل يوم تصاحبي واحدة جديدة ؟.

* انته مبتكلش جزر ليه .. اجيبلك برتقانه. طب كل سلطه .

* يبني بأسلوبك ده مش هتعيش معاك واحده .

* قومي ساعدي امك ده اللي هيتجوزك أمه داعية عليه.

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* انا سايبالكوا البيت وماشية ومش حتشوفوا وشي تاني .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .

* متفتحش الباب لحد و انت لوحدك و متدلدلش راسك من شباك العربيه .

* كفايه رغي في التليفونات .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر ولا و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .

* صليت العصر ؟!

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

* افرد ظهرك .

* لم شراباتك.

* ماتكلش فى ضوفرك.

* كنت فين لحد دلوقتى يا صايع.

* ماتتأخرش علشان عندك كلية بكرة بدرى.

* انا مش عارف انته طالع لمين.

* انا : ياماما بقه ايه ده ؟؟؟
ماما:مووو لمـا يــــــخدك .

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* البس فنله قطن تحت ودفي صدرك ودخل التيشرت في بنطلون البيجامه وانته نايم .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسة .. وماتمشيش في مظاهرات .

* احمد ربنا الاكل الى مش عجبك ده فى ناس مش لقينه .

* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* قومي سخني الأكل لأخوكي.

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركز والناس ماشيه حوليه فى الشارع)

شكرا ليك وعلي فكره ده لسان حال الشعب المصري بس بيصعبوا عليه الشباب هما اللي بياخدوا اكبر نصيب من الجمل دي

بالعكس دا البنات اللى بيكون ليهم نصيب الاسد من الحوارات دى كلها .........
لانهم قاعدين فى البيت على طووووووووووول ....
وطبعا الحريم بيموت فى الرغى (لوك لوك على طول) ...
لكن الشباب برة على طوووووووووول .....
ولو رجع يرجع الفجر ولا الصبح .......
البيت كلة نايم ...محدش فايق لة

هههههههههههههههههههههه بجد موضوع جميل وخفيف

شكرا ليك يااحمد عالموضوع ده

منتظرين المزيد من المواضيع الشيقه دى

بجد حلو اوووي يا احمد

بس فعلا البنات هما ليهم النصيب الاكبر من هذه الجمل علشان

هما علطول في البيت .... بس انا بسمع جمل غير ديه خالص ....

في بصراحه بعض الجمل اللي كنت بسمعهم انت ذكرتعم بس في جمل تانيه بتتقال ليا

بس موضوع حلو ومضحك

وطلعتني من اللي انا فيه

اتمنالك السعاده

ههههههههههههههه

ايه ده يا احمد انت بتبقى اعد معانا فى البيت ولا ايه

معظم الجمل دى بنسمعها فعلا وخصوصااااااا صاحية طول الليل ونايمة طول النهار

انا نفس الوضع ده وباقى الجمل ماما متوصية بينا اوى بتقولها بردو مفيش مشكلة ههههههههه

معظم البيوت كده اصلا

لا بس شكرا ليك يا احمد الموضوع جااامد ودمه خفيف

شكلك قاعد فى البيت على طول
لانك وصفت كل شئ بيحصل فى البيت تمام
اللى اعرفه ان الشباب مش بيقعدوا فى البيت
بس ميرسى على الكلام الجميل داه
بس للاسف احنا البنات اللى بناخد اغلب الكلام
اتمنالك التوفيق

والله موضوع لذيذ يااحمد فعلا دا الى بيحصل معايا ههههههههه

بس مش اوى لما اكون مش بسمع الكلام بس ههههههههه

شكرا ليك يااحمد

اكيد كل البيووووووووووت فيها جزء او كل من الجمل دى

عادى هى دى مصر

ههههههههههههههههههههههههههههه

موضوع جميل اوى اوى انت معانا ولا ايه

بس فعلا البنات مظلوووووووووووووومه اوى فى الموضوع ده

انا بسمع شويه من الكلام ده خاصه التوصيه على الصحه

اصل انا مش بلبس شبشب وبدوس على الارض ههههههههه

شكرا يا احمد على الموضوع ده بجد جااااااااااااااااامد

هههههههههههه موضوع حلو اوى ودمه خفيف جدا وصح هى دى مصر وهو ده كلام المصريين واللى بيحصل فى معظم البيوت