عاوز تبقى رزل فى المواصلات ادخل واعرف ازاى ترزل براحتك

لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول
وصلنا عشان يصحى مخضوض
لو عمل اهبل صحيه وقوله مش انت نازل هنا بيتهيألى

لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل فين طب انت دفعت ولا لأ

لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك

لو انت فى أتوبيس وقاعد على كرسى وجنبك ناس واقفة استمتع بقى وخد وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد

لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك

لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى

لما يدى حد تذكرة قوله ورينى كده لو سمحت واقعد اتأمل فيها
لحد ما صاحبها يزهق ويشدها منك

فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك
كفاية كده بقى حرام المفروض تنزل قبل الناس ماتموت منك

أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم

هههههههههههههههه حرام عليك يااحمد ليه كده ليه نجيب للناس الضغط والسكر ويدعوا علينا بس تصدق الموضوع ده لايق علي اتوبيسات الهرم ولا ايه رايك

فعلا الموضوع ده لايق على اتوبيسات الهرم وخصوصا فى رمضان بتبقى زحمة بس المشكلة ان الواحد هيرزل على الناس وهو صايم نخليها بعد رمضان نرزل براحتنا :bom:

ههههههههههههههههههههه

بس انا للاسف الشديد مره واحده في حياتي ركبت اتوبيس ومع اخويا

والله العظيم يا احمد رذلت عليه رذاله لانه نام وسابني عارف خليته يتشل والله

بس عادي بقى ... بس جامده اخر حاجه

تسلم ايدك يا احمد

ههههههههههههههه جااااامده تسلم ايدك يا احمد بس اوعى تكون بتعمل كده ههههههههههه اوعى حد يسمع الكلام احسن يرموكو من الباص ههههه

شكرا لردك ياديدا ومرورك وعادى لما تزهقى اخوكى هو برده اخوكى واكيد هيستحمل

................................

شكرا لردك يا نونا ومرورك اسعدنى كتير ومتخافيش انا عمرى ماعملت كدة لانى من النوع اللى

حساس ومش عاوز احس انى تقيل او حد مضايق منى خالص خالص

ههههههههههههههههههههههههههههههههههه موضوع حلو اووووي.

هههههههههههههههههههههههههه
تسلم ايدك يااحمد

هههههههههههههههههههههههههههههههههههههههههههههههههههههه ،اوك انا هعمل كدة ان شاء الله ،شكرا ع النصائح الجامدة دى[center]