الفرق بين الحب والاحتياج الى الحب

ساعات فى بعض علاقات الحب نلاقى نفسنا جينا عند النص ووقفنا مش
قادرين نكمل وزهقنا وخلاص
بنتلكك لبعض ودة بيرجع لاسباب كتيرة اوى بس انا النهاردة جبت الحاجة
الغامضة شوية وهى الاحتياج للحب نشوف الفرق الاول.
" الاحتياج للحب "


شعور بيحسه الانسان الوحيد ويمكن يكون عايش مع ناس بس مش حاسين
بيه او مش حواليه .

بيحس انه محتاج لقلب يشاركه همومه والامةه ووحدته اوقات فرحة يبدلها
حنان وحب وعطاء ولكن .............اة من قسوتها لكن ربما بعد ما ياخد ويحس
بكل الى كان فاقده مبيبقاش محتاج للقلب ده فى اى شىء ودية مش خيانة
او جحود دى غلطة ابتدت من الاول الطرفين ملهمش ذنب فيها.
هو حس باحتياج لحب وحنان ولقاه فى انسان من غير ما يتأكد اذا كان بيحبه
لذاتة او لا .
كتير مننا بيغلط اوى وبيخلط الامور ببعضها ومش بيتاكد من مشاعرة ويندفع

للدخول فى تجربة وهو مش مدرك انى دى مسؤلية كبيرة اوى مش مجرد
كلمتين حب وخلاص.

ومن هنا جه الفرق بين الحب والاحتياج.

كتير مننا بيحس ان بابا وماما واخواتى مش سالين فيه.
اصحابى كل اللى طالع عليهم الهزار مش بيكلموا جد ابدا كل ما احكى لحد
على حاجة يتريق ويهرج.
طيب هو ده معناه انك تربط نفسك بعلاقة انت مش واثف من مشعرك فيها.
يا سيدى عارفين انك قرفان من الدنيا وعاوز حد تحط راسك على كتفه

((معنويا فقط )) وتشكيله همومك .
بس مش كدة ؟؟؟؟
اوعى تورط نفسك او تورطى نفسك فى حاجة انتى مش قدها اتاكد من نفسك
الاول قبل ما تربط حياة شخص بيك.
محتاج لحب دور عليه فى اللى حواليك اكيد فى ناس بتسال عليك جرب
تحكى لحد بلاش اصحابك .
اهلك حتى.
دور على الحب فى اخواتك فى مامتك فى باباك اكيد لو انت بدات هما كمان
هيبدلوك نفس الشعور.
اسال على الناس هيسالو عليك
حس بالناس هتحس بيك.
ومتقربش لعلاقة حب الا لو كنت واثق ومتاكد من مشاعرك.

ميرسى جداااااا ليكوا على ردودكوا
بس علا انا اختارت الموضوع ده لانى وقعت فيه واتالمت جدا بس لما فهمت بعد كدا انى اخترت غلط نتيجة الاحتياج وده خلانى اختار غلط واقع فى مشكله بعد كدا بس عموما يا رب الموضوع ده يساعد غيرى فى انهم ميقعوش فى الغلط اللى انا وغيرى وقعنا فيه
وميرسى كمان مره ليكوا على ردودكوا الجميله دى والرقيق ويا رب تعجبكوا مواضيعى اللى جاية

بجد موضوعك حلو اوى اوى يا كابتن تيتو

واللهى مش عارفه اقولك كلامك بجد انا متاكده انه من القلب على طول

وفعلا انا حاسه انك جربت الاحساس دا وتعبك جدا

وعندك حق فى كلامك فى فرق كبير جدا بين الحب والاحتياج للحب

وده اساس فشل قصص حب كتيره جدا

وفعلا دى مسئوليه كبيره جدا كفايه ان فى قلب هيتحطم

اتمنى ان انا وانت وكل الناس ميدخلوش فى علاقه حب الا بعد التاكد التام من انه حب بجد

وانك كمان واثق فى الانسان دا وهو بيبادلك نفس الشعور والاحساس

بشكرك على موضوعك واتمنالك المزيد وربنا يوفقك

ميرسى جدا لردك سندرا وصدقينى الواحد بيتعلم من اى حاجه تحصل ليه فى حياته وزى ما بقولوا الجرح اللى ميكسرش بيقوى ويارب ننجح كلنا يا رب النتيجه قربت اوىىىىىىىىى