ليه علاقتنا بالشخص اللى مصحبينه دايما بتفشل؟

انا اتكلمت وقولت علاقتنا بالشخص اللي مصحبينه عشان تعرفو ان انا قصدي علي الصحوبيه مش ع الشخص اللي هنحبه في حلال ربنا وهو الزواج
انا سالت نفسي سؤال وعايزه كل بنت مصاحبه او شايفه ان صحبتها مصاحبه تقولها الكلام ده وتسالها السؤال ده


ليه دايما علاقتنا باللي بنحبه بتفشل ؟؟؟؟؟؟؟؟؟؟؟؟؟؟؟؟؟

الحمد لله انا لقيت الاجابه
عارفين ايه السبب اللي بيخلي العلاقات دي تفشل
كلنا بنحب وبندخل في علاقه وبنرتبط باللي بنحبهم
وفجأه تحصل حاجه تخلي الغلاقه دي تنتهي
اما انها بتتقفل بجرح
او انها بتنتهي عشان في ظروف حصلت خلتها تنتهي
او عشان حاجات تافهه حصلت ادت الي نهايتها
لاهم من ده كله ان ربنا عايز كده
ربنا اراد انه يحصل اي حاجه تنتهي بسببها العلاقه
ربنا بيسبب الاسباب
فالبتالي بيجعل اي سبب عشان العلاقه دي تنتهي
عارفين ليه ربنا بيسبب الاسباب في ان العلاقه تنتهي
ده لان دي علاقه غير شرعيه
علاقه بتبعدنا عن ربنا
بنشغل قلوبنا بحب غير حب ربنا
بنشغل قلوبنا بحب ربنا محرمه علينا
كتير منكم هيقولولي طب يعني اي اتني متجوزين ما يحبوش بعض
شوفتوا انتوا قولتوا ايه
متجوزين
يعني علاقتهم ببعض في حدود ربنا هو اللي حطها
ربنا هو اللي امرنا اننا نتجوز ونحب
بس حبنا ده يكون في حلاله واللي امرنا بيه
الحب في حد ذاته جميل جدا
ونعمه من نعم ربنا علينا
بس احنا فاهمينه غلط وبندخل في علاقات ربنا مش محللها لينا تحت اسم الحب
لما بنحب بنشغل قلوبنا باللي بنحبه بدل ما نشغلها بطاعة ربنا
لما بنحب بنضطر اننا نكدب علي اهالينا
لما بنحب للاسف بنحب في الضلمه لان ك واحده تبقي ماشيه مع حبيبها تبقي خايفه لا اي حد يشوفها بتفضل تبص حواليها قلقانه كانها بتسرق
طب لو الحب اللي احنا بنحبه ده صح ايه اللي هيخلي كل واحده تخبي عل اهلها انها بتحب
صدقوني كلكم اللي بيحب حد بجد بيحافظ عليه
يعني حبيبك اللي هيحبك ده لو فعلا بيحبك من قلبه هيتقدملك في بيت اهلك
عرفتوا ليه علاقتنا باللي بنحبه بتفشل
عشان ربنا مش راضي عن العلاقات دي لانها حاجه مش محلله لينا
لان ما بني علي باطل فهو باطل
وياريت كل بنت تفكر بعقلها وتفكر في ربنا عز وجل وبلاش جري ورا متعة الدنيا اللي عمرنا ماهناخد منها حاجه انا عارفه ومتاكده ان كلكم عارفين الكلام ده بس للاسف مش بنفذ واحده تقولى انا بحبه ومش هاقدر ابعد عنه هاقولها ومش بتحبى ربنا انت لوسبتيه عشان ربنا ربنا هيعوضك باحسن منه ولو هو الخير ليكى اكيد ربنا هايجيبه لحد عندك فالحلال وربنا يوفقنا جميعا ويهدينا

فعلا والله الكلام ده صح وعن تجربه علاقات الحب دى فاشله لانه بعيده عن طريق ربنا انا قرات ايه ف سوره البقرة تقول
ولا جناح عليكم فيما عرضتم من به من خطبة النساءاو اكننتم فى انفسكم علم الله انكم ستذكرونهن ولكن لا تواعوهن سرا الى نهاية الايه دى الايه رقم234ياريت تقراو بقيتها ربنا حث ع العلاقات ف الحلال فى الزواج والزوج الصالح رزق وما عند الله لا ينال الا بطاعته واعرفى انك قبل ما يكونك بتخونى اهلك فانتى بتخونى ربنا