الحب من طرف واحد اقصى انواع العذاب!

الحب من طرف واحد اقصى انواع العذاب
عاوز اتكلم معاكوا عن الحب من طرف واحد ياترى هو اقصى انواع العذاب
طيب لو وحده جات قالتك انا بحبك وانتا مش بتحبها هتتصرف ازاى ؟
ولو انتى حد جيه قالك انا بحبك برده وانتى مش بتحبيه هتتصرفى ازاى؟
كتير اوى بشوف الموضوع ده بيحصل بس بلاحظ ان فى ناس بترد رد سخيف
وده طبعا بيكون للى رد فعل فظيع على الطرف اللى حب وبيسببلوا عذاب
كبير وفى ناس بتحاول تتعامل مع الموضوع بجديه وبخوف على الطرف اللى حب
وبتوصله لدرجة انه يتفهم انها او انه مش حاسس بنفس المشاعر نحيته
وده من وجهة راى الصح اننا منجرحش حد حس ناحيتنا بمشاعر جميله
عاوز اشوف رايكوا

ميرسي ليك كتير لموضوعك يا تيتو

وموضوعك جميل وللاسف واقعي

احيانا بنسمع حكايات وحكايات بسبب الحب من طرف واحد ....

واصعب حب انك تحب شخص لا يبالي لك ....

واصعب جرح انك تنجرح بدون سبب او يمكن سبب جرحك هو حبك ....

بس انا من رايئ ان الحب من طرف واحد ده

بيكون المسؤل الاهم في الموضوع ده هو الطرف التاني

لان اكيد الطرف التاني بيعامل الطرف الاول معامله خاصه ... الخ

فهذا ادي الي ان الطرف الاول يحبه او يعجب بشخصيته

وعندما يعترف للطرف الاول بحبه ... الطرف التاني لا يبالي له ....

ولو انتى حد جيه قالك انا بحبك برده وانتى مش بتحبيه هتتصرفى ازاى؟

وبالنسبه لسؤالك انا هرد عليك واقولك

{{ لو حد جالي وقالي انا بحبك ،،،، اكيد هستغرب شويه وكده

بس في نفس الوقت لازم افكر بعقل وتفكير

وافكر اني مش اجرح هذا الانسان لانه حبني

ولكن لازم افهمه واعرفه حقيقه مشاعري من ناحيته عشان مش اظلمه

او اضحك عليه واوهمه بشئ وكمان عشان مش يتعلق بيا اكتر

ويفكر في مستقبله ويبنيه مع حد غيري ،،،،

بس مثلا لو انا مثلا اعجبت بيه وبشخصيته وكده هقوله انا معجبه بيك وممكن احبك

وهو ساعتها هيحاول يحببني فيه بكل الطرق وساعتها هكون مش جرحته

ولا ظلمته ولا ظلمت نفسي ....

ولكن في الحالتين طبعا مش هجرحه ولا هظلمه

ولا هظلم نفسي ولا هجرح نفسي

وفي الحالتين هو هيقدرني ويحترمني اكتر }}

ميرسي كتير ليك يا تيتو على موضوعك

وربنا يحميك ويحفظك

ميرسى جدا ليكى ولمرورك الجميل دا وكلامك انا معاكى بس انا بتكلم عن الانسان اللى م بيقدر شعور اللى امامه بس ويا رب يوفقنا جميعا

وانت عندك حق فعلا في ناس كتيره جداااا

مش بتقدر مشاعر الانسان اللي قدامه

زي ما انت قولت احيانا في ناس بترد رد سخيف جدااااااا

وبتجرح المشاعر بدون اي سبب نهائي

ود طبعا له تاثير نفسي وعصبي على الطرف االلي حب فقط لاغير

لانه ساعتها هيفقد كل شئ حلو

هيفقد الثقه في من حوله وهيحاول انه يقسى على قلبه

وهيعيش معاه الجرح حتى لو كانت فتره بسيطه

لان اكيد لازم حد يجئ ويدواي جرحه ....

ولكن من وجه نظري المفروض الانسان اللي حب واتجرح ده مش يكون ندمان

لان الطرف اللي جرحه هو اللي هيندم عشان خسر قلبه وحب انسان له

ميرسى ليكى يا قمر على ردودك الجميله دى ويارب الموضوع ده يلقى القبول عند باقى الاعضاء

ونقدر نعمل حاجه جميله احسن واحسن يا رب وربنا يوفقنا جميعا