إزاى عرفت طريق المنتدى !!!1

السلام عليكم يا شباب و يا بنات

طبعا يهمنا جدا اننا نعرف كل واحد فينا ازاى قدر يوصل للمنتدى

و ياريت كل اللى يدخل يقولنا ازاى عرف طريق المنتدى

و هبدأ بنفسى و اقول انا عرفتو عشان كنت بدور على معلومات عن كليه اداب ووصلتلو وانا بعمل saerch من على google

و طبعا مستنيه ردكو

موضوعك جميل جدا يانونا وحلو اوى

ههههههههههههههههههههههه

بس انا طبعا مكنتش ببحث على جوجل ولا عرفت المنتدى من اصحابى

انا هقولك انا ازاى جت فكرة المنتدى فى دماغى وعملته ازاى

انا مكنش فى دماغى خالص موضوع انى اعمل منتدى

ولكن اللى حصل انى فى يوم من الايام وانا قاعد على النت

عرفت ازاى اقدر اعمل منتدى اتعلمتها

وعملت منتدى

واخترت ليه اسم حبيتك

الاسم ده كان اسم فى دماغى من زمان وعجبنى

المنتدى كان ساعتها مجرد لينك فقط

لا يوجد اقسام ولا مواضيع ولا ردود ولا اى شئ ولا اى عضو

كان كل شئ صفـــــــــــر

صفحة فقط بيضاء كالصحراء الجرداء لا زرع فيها ولا ماء

لايوجد اى عضو ولا اى زائر ولا اى شئ خالص ولا تصميمات

مكنش فى دماغى ان المنتدى هيكون ليه اعضاء وهيشتركوا وهينتشر وهيتعرف

كنت مفكر انه مجرد صفحة هصممها وخلاص اى حاجة بعملها على النت وخلاص

لعب زى مابتقولى

وهتتقفل من قلة الدخول

بس انا فوجئت ان اخويا سجل فى المنتدى

واصحابى سجلوا فيه واتلاقيت عدد الاعضاء وصل ل10 اعضاء فى المنتدى
حسيت فعلا انى امام مسئولية

فبدأت بجد اتعلم كل حاجة خاصة بالمنتديات وابحث على جوجل على كل حاجة
وازاى انشئ الاقسام وازاى اعمل تصميمات على الفوتوشوب

وازاى اقدر انشره على مواقع البحث المختلفة كجوجل و******* والام اس ان

والحمد لله بفضل الله تعالى قدرت اتعلم وقدرت انشئه واظبطه
وبدأ يكون موجود على الجوجل

وقدرت اوصله لصحابى وزمايلى فى الجامعة وفى الكلية

وكتبته على البنشات فى بعض كليات الجامعة كتربية وتجارة
والحمد لله انتشر ولله الحمد

وبعد كدة طبعا مرة فى مرة الاعضاء بدأوا يعرفوه وبدأ يبقى فيه مشاركات
ومواضيع جميلة وردود

وبدأ المنتدى يكون فى حالة نشاط وتقدم

ومرة فى مرة ويوم فى يوم

والمنتدى بيتقدم عن الاول

وساعات كان بيحصل ان المنتدى نشاطه بيقل ولكن بفضل الله تعالى
وبفضل تواجدكم كاعضاء ومشرفين

المنتدى بيرجع للنهوض من جديد

والتقدم من جديد

ويارب يستمر كدة على طول

بفضل الله تعالى وبفضلكم كلكم كاعضــــــــــــــــــــــــــــــــــــــــــاء ومشرفيـــــــن

والحمد لله المنتدى ماشاء الله عدد الاعضاء تعدى الالف ونصف

وعدد المواضيع اكثر من 6 الاف موضوع

وعدد الردود اكتر من 40 الف

والحمد لله فى تقدم مستمر وان شاء الله التقدم ده بفضل الله يستمر دائما

واشكرك جدا يا نونا على موضوع الرائع ده

وبجد فكرة جديدة وموضوع جديد

واشكرك انك اتحتى ليا الفرصة انى اقدر اقول واشرح ظروف انشاء المنتدى

ربنه يوفقك وشكرا لعرضك للفكرة الجميلة دى

فكره حلوه يا جميل

انا اتعرفت ع المنتدى من خلال البحث ع جوجال

كنت بدور ع معلومات معينه ووصلت له

المنتدى عجبنى اوى واتشديت له جدا

فسجلت فيه وفعلا اعجابى مكنش من فراغ

وده كان اول منتدى ف حياتى اسجل فيه

وده طبعا بفضل المونتو وبقوله ان شاء الله مزيد من التفوق والنجاح

فكره جميله جدااااا يا نونا

انا بقى هقولك انا عرفت المنتدي ازاي

هي حاجه غريبه سبحان الله بس معرفش

انا حلمت حلم كده وشفت اسم المنتدي وحلمت اني سجلت فيه

المهم اني اول ما قمت دخلت على جوجل

وشفت اسم المنتدي ولقيته بالفعل وقررت اني اسجل فيه

واكون عضوه فيه وبالفعل سجلت والحمد الله بقيت مشرفه

يعني عرفت طريق المنتدي بسبب حلم فقط لاغير

وانا فخوره اني في المنتدي

واتمنى اني اكمل في المنتدي

لاني بجد عرفت اعضاء هنا بجد جامدين اخر حاجه

وطبعا {{ احمـــــــــــد }} يستاهل كل خير وله كل

الشكر والتقدير والاحترام

ويارب يا احمد نكون عند حسن ظنك دائما ....واحمــــــد شخصيه جميله جدا ورائعه

ويستاهل كل خير وربنا يحميه ويسعده ....

وميرسي ليكي يا جميل

وربنا يوفقك

تسلمو يا جماعه و طبعا المنتدى رائع بس مش كفايه لازم كلنا نرقى يه اكتر من كده و مش عاوزين مواضيعنا تكون زى اى منتدى تانى ولازم نكون متميزين اكتر منهم و ده كله بعا هيكون بادينا و بالمشرفين الجمال بتوعنا و طبعا احمد( و على فكره دى مش مجامله )