قالها الوداع قالتله قشطه

ولا دمعه نزلت

ولا قلب انجرح

ولا وساده خاليه زي بتاعه عبد الحليم تمزقت من كتر التفكير في الحبيب الضائع

اصبحنا في عالم جاف خالي من المشاعر الحقيقيه

عالم اختفت منه الرومانسيه والصدق والوفاء

ناقش نفسك كم مره وقعت في قصه حب

وماذا تركت في نفسك من اثر

هل علمت معك

هل تركتك مهموم ومحطم

الاجابه في الاغلبيه لا

الولد متفرقش معاه فلانه او علاته

والبنت اهو اي شاب لطيف وخلاص

هل نحن في عصر الجفاف في كل شيء حتي المشاعر

يحب الولد الفتاه ويمنيها سنين بالعش الجميل وعند ما يكون قادر علي الزواج
يزهب لوالدته تخطب له مجهوله لا يعلمها مع ان المجهوله اي بيفتكرها معرفتش
غيره كانت بتحب واحد بردو وسابها لنفس السبب!!!!!! طيب مانت كان معاك الي
ملكك والي مكنتش بتحب غيرك!!!!!

بس تعمل ايه في عصر اختفي منه المشاعر الصادقه!!!!

لنلقي نظره علي حب دام اكتر من سنه

احمد:دودو سوري انا مش هاقدر اكمل معاكي
انا مضطر اسافر

دودو::طيب استناك

احمد:لا يا بيبي ممكن مش ارجع

دودو:طيب وحبنا

احمد:حب ايه بس يا بنتي هو انا لاقي اكل علشان احب واتجوز

دودو:يعني كنت بتهظر ومكنش حب!!!

احمد:لا طبعا كنت معجب ومازلت بس هاعمل ايه

دودو:اوك ربنا يوفقك

<<<<<<<وكل واحد مشي في طريق>>>>>>>

لا قلب اتحطم ولا عيون دمعت

احمد هيحب تاني وتالت

ودودو هتحب او تستني العريس

ونموذج تاني

تامر:نانسي انا مضطر اسيبك

نانسي :ليه يا تيتو

تامر:ماما جابتلي عروسه ولازم اتجوزها

نانسي:طب وانا

تامر:معلش يا نانو احنا بردو هنفضل صحاب

نانسي:انت شايف كده

تامر:سوري يا بيبي

نانسي:عادي ولا يهمك اي دونت كير

هههههههههههههههههههههههههههههههههههههههه

ولا عين بكت ولا قلب انجرح

ونماذج كتير

وانا متاكد انكم تعرفوا كتير عنها

يلا الله يرحم زمن عبد الحليم

وروميو وجوليت

وكل قصص الحب الرائعه

واهلا بزمن الجفاف والفتور والعلاقات البارده الزائفه وقصص حب التيك اواي وحب اليوم الواحد وحب الشواطيء والنت وغيره!!!!!!!!

و فى الاخر الجملة اللى بتتقال

بقولك ايه يا ليدى
قول يا حبى
انا حسيبك يا حبيبتى
تقوله قشطة المركب اللى تودى يا حبيبى

و كأن الحب بقى سهل قوى يبتدى و ينتهى

دة على اساس ان اللى كانوا فيه كان حب

و عـــــجــــبـــى !!!!!!!!

واللهى يا محى مش عارفه اقــــــــــــــــــــــــول ايه بجد

الموضوع دا روعه وغايه من الجمال تسلم ايدك عليه

هو كوميدى شويه لكن معناه جاااااااامد جدا

كلام حقيقى للاسف موجود كتير اوى فى عصر انعدمت فيه المشاعر الراقيقه

والحب الحقيقى اللى بيعيش للابد والكلام الفاضى دا لان دا دلوقتى بقى كلام فاضى وتضييع وقت

بس انا هقولك حاجه مين السبب فى كدا واللهى الولد او الشاب له النصيب الاكبر

بجد البنت بتكون بتحب وبجد وحقيقى لكن هو واخدها تسليه او هزار او ..........بجد مش عارفه ليه

وبرده ليه مش كل قصه حب تنتهى بالزواج ؟؟؟؟؟؟؟؟؟؟؟؟؟؟؟

نفسى حد يجاوبنى على السؤال دا واللهى احترت

ياعنى البنت تستنى ابن الحلال لما يجى البيت والاهل يوافقو وهى كمان بالمره توافق

ولا الولد يكون نفسه ويظبط ويروح يقول لوالدته اخطبى اى واحده

ماشى انا معاك فى ان ممكن الحب يجى بعد الجواز لكن لو مجاش هيحصل كل المشاكل اللى بنسمع عنها

مع ان الاتنين اللى اتجوزوا دول زى ما انت بتقول كل واحد منهم

كان ليه قصه حب وانتهت ولكنها مازلت موجوده بداخله

بجد انا نفسى فى ان كل اتنين بيحبو بعض ينتهى حبهم بالزواج

اكييييييييد هيكون فى سعاده بينهم جميله جداااااا

بس دا بقى تقريبا مستحــــــــــــــــــــــــــــــــــــيل

بس انا عاوزه اسالك سؤال ليه بقى بنحب ونتعب نفسنا على الفاضى واحنا عاغرفين النهايه ايه

ممكن زى موضوعك كدا يكون عااادى بينهم الفراق

لكن صدقنى فى ناس تانيه كتييير بيكون صعب جدااا عليهم وبيتجرحو جااامد جدا

بجد مرسيه ليك محـــــــــــــــــــــــــــــــــــــــــــى وربنا يوفقـــــــــــــــــــك

شكرا ليكى يا هنوده على مشاركتك


شكرا للاست دريم بس انا للاسف معلش مش عارف اسمك وشكرا تانى على مشاركتك


وشكرا لفريش برنس وبرده انا مش عارف اسمك ويا ريت تشرفنى بمعرفتك


يا ساندرا ليه كل قصة حب مش بتنتهى بالزواج


لما الانسان بيتعود على حاجه بيزهق منها والحب طبيعى بيبقى فيه الايام الحلوه


ولكن برضه بيكون فيه ايام حزن كتير فده بيخلى الطرفين يزهقوا من بعض


والمقوله اللى بتقول ان الحب بييجى بعد الجواز فده مش فى جميع الاحيان


ولما الانسان او الانسانه بيتجوزوا وبيكون جواهم قصة حب مدفونه فكل واحد بيكتم ده جواه


حرصا على مشاعر الطرف الاخر ولكن هو من جواه بيفضل يقارن بين ايامه مع زوجته


وايامه مع حبه ونفس الموضوع بالنسبه للبنت بتقارن برضه وحتى لو طلعت ايام الحب افضل


فكل منهم بيخاف يتكلم علشان مش يجرح مشاعر الاخر

شكرا يا ديدا على الكلام اللى قعدت ساعه ونص اقرا فيه وشكرا على ردك


وشكرا ليك يا تيتو على ردك ولو ان شكلك كده بصراطى