نقطه ومن اول الشهر --------------

الاخوه الاحبه

السلام عليكم ورحمة الله وبركاته

اوام عدة سنه من عمرنا ... مرت الايام بسرعه ودارت وخلاص رمضان ع الباب ..

كل سنه وانتوا طيبين ...

زي النهارده السنه اللي فاتت كنا قاعدين نستعد ونقول هانعمل ونسوي ..

ونستعد بكذا وهانعمل في رمضان كذا وكذا .. ودخلنا رمضان ...

وكنا متحمسين جدا

اول يوم الجوامع مليانه تاني اسبوع ابتدينا نهدا .. تالت اسبوع نسينا حماسنا .. رابع اسبوع شدينا حيلنا في ليله او ليلتين بس ... وبعدها ...

خلاص ... خلص رمضان ..

وطلعنا منه ...كل واحد بشكل ..

منا اللي زي ما دخل زي ما خرج ...

ومنا اللي ربنا كرمه وانصلح حاله

ومنا من أعتقه الله تعالي ...

خرجنا من رمضان حزينين جدا .. زعلانين جدا

خلاص خلص .. لحق يخلص ..

ده انا لسه امبارح قلت بس هاريح يومين وأسخن تاني ...

ده انا قلت انا تعبت بس من الدخله القويه اللي دخلتها وكان المفروض ادخل ع العباده واحده واحده ... لحق يخلص ...

اتحسرنا كتير لاننا ما لحقناش نعمل حاجه فيه ..

اتحسرنا كتير لان ما فزناش مع اللي فازوا فيه ...

اتحسرنا كتيرلاننا مادخلناش الجنه فيه .ولم نعتق فيه

اتحسرنا كتير عشان .... وعشان .... وعشان

قلنا ان شاء الله السنه الجايه هانعوضها . ...

هانعبد ربنا كما لم نعبده من قبل ... "هو هو نفس الشعار بتاع كل مره "

وادي ربنا أنظرك ولم يقبض روحك حتي الان ..

ها .... يا تري بقه .. استعديت لرمضان ؟؟؟

يا تري عارف هاتعمل ايه في رمضان ؟؟؟

يا تري هاتشد الحيل وترجع تتعب من اول اسبوع في رمضان وتريح وترجع تعيط تاني .. ونكرر نفس الفلم تاني ؟؟؟

يا تري حالك ايه ؟؟؟ وناوي تعمل ايه ؟؟

اخي الحبيب إعلم ان رمضان بحق موسم الخيرات والبركات ..

موسم الطاعات والجنات والهبات ...

ولكن له شرط ... هو ان تستعد له بدقه وتعد العده لاغتنام كل لحظة فيه . وتغتنم كل دقيقة فيه ..

والا سيكون موسم بُعد وخزي وسخط وخسران كما اخبر بذلك جبريل عليه السلام" رغم انف من ادركه رمضان ولم يغفر له .. قل أمين فقلت امين "

فاعزم النية أخي الحبيب وأعد العده للاغتنام .. هيء نفسك لرمضان ... تدرب علي كل خصال الخير هذه الايام ..

و
....لرمضان فأستعد ....

مشكوره جدا ياهبه على موضوعك

وبجد لازم نستغل الشهر الكريم دا

اتمنالك التوفيق وكل سنه وانتى طيبه

تسلم الايادي ع المووضوع ,,
جعله الله في الميزان