مين هايتابع مسلسلات رمضان اخترتوااى ممثل

مساء /صباح الخير عليكوا

يااحسن اعضاء

انا انهارده حبيت اخد رايكوا فى حاجه مهمه

جدا وهى مسلسلات رمضان اكيد كلنا بنشوف الاعلانات

كل شويه على التليفزيون ودا عمل مسلسل ودى عملت وبرامج

وحاجات كتير جدا موجوده مستنيانا علشان تلهينا عن متعه الاستفاده

من الشهر الكريم الى احنا مش ضامنين اذا كنا ممكن هانلحقه السنه الجايه او حتى

السنه دى الله اعلم مين الى هايلحقه ومين لاء

بجد دى دعوه منى ليكوا انها تكون حمله لمقاطعه مسلسلات رمضان الى

شياطين الانس بيعملوها لينا علشان نضيع وقتنا فيها

واكيد احنا كلنا سمعنا وعارفين ان الى بيتفرج على اى حاجه مش كويسه

فى الشهر دا اجره بيقل فى الصيام واحنا مستنيين الشهر دا من كل سنه للتانيه

علشان شهر مغفره وعباده واكيد عارفين ان الحسنه بتتضاعف واكيد طبعا السيئه

برده بتتضاعف انا عارفه اكيد كلنا هانقول هو انا هافضل طول اليوم اصلى

واقراء قرأن واسبح اكيد طبعا لاء مافيش حد يقدر يعمل كدا بس حاولوا تشغلوا وقتكوا

فى حاجه مفيده اكيد طبعا التليفزيون زى ماهو مليان بالمسلسلات والبرامج

فى برامج دينيه وفى حاجات تانيه مش بتضيع صيامنا دا

والله حمله مقاطعت مسلسلات رمضان عملت مفعول السنه الى فاتت

فى اماكن كتيره حتى لو مش بتاثر على الناس دى بتفيدنا احنا

والله ياجماعه رمضان زى مابنقول انه شهر وان اليوم بيبقى طويل

واحنا صايمين بنلاقيه عدا بسرعه جدا ونهاره قصيره ويومه كله قصير

اجعلوه شهر صوم عن كل حاجه مش طعام وشراب وبس

اتمنى الموضوع ينال اعجابكوا ومستنيه مناقشتكوا وردودكوا

اللهم بلغنا رمضان واجعله شهر مغفره وتقوى وتطهير من الذنوب

جزاكي خيرا يا دولي

وموضوعك في غايه الروعه ...

وفعلا ديه مشكله معظمنا بيواجها ....

بس انا عن نفسي بالنهار مش هلاقي وقت اصلا عشان اتفرج ...

ثانيا انا مش هكدب عليكي واقولك اني مش هتفرج انا بصراحه بتفرج

بس مش كتير هو ممكن يكون مسلسل بعد كمان صلاه التروايح ....

لاني طول النهار بكون مشغوله جداااااااااا قي رمضان

وكدهـ بس طبعا بعد ما اخلص حاجتي كلها والصلاه وكده

بتفرج على مسلسل واحد بس ... بس اكيد ان شاء الله احاول اني مش اتفرج

وجزاكي خيرا يا جميل

ويارب يكون شهر رمضان نحاول نستفاد منه

واللهم بلغنا رمضان

وكل رمضان وانتي طيبه والامه الاسلاميه بخير

وجزاكي خيرا

مرسى جدا ليكى يادبدا

وبجد كلامك عجبنى اوى

وفعلا يارب تكونى استفدتى من موضوعى

وبجد اتشرفت بردك ياقمر اتمنالك التوفيق

والله هو موضوعك جميل جدا يادولى

وحملة جميلة

بس مكدبش عليكى

انا بتفرج على مسلسلات فى رمضان

اصل المسالة مش مسالة قلة ايمان او مثلا قلة عبادة

مش كدة خـــــــــــــــــــــــــــــالص

المسالة ان هى مسالة تعود ومسالة رغبة داخل الانسان

ياعنى مثلا انا لما افتح التليفزيون على قنواتنا العربية المسلمة

الاقى كلها بيعرض برامج كوميدية ومسلسلات وخصوصا بعد الافطار

وفى حاجات كتيرة جدا بتشد الانسان

غصب عنى لازم اتفرج وبتابع

وكدة

هو بصراحة انا من وجهة نظرى

ان الانسان طالما محافظ على الصلاة ومحافظ على صومه وعلى عباداته

فموضوع الفرجة على مسلسلات او برامج انا شايف انها اشياء طبيعية

وخصوصا ان هى مسلسلات وبرامج للترفيه مش فيها لقطات خليعة او حاجات مش كويسة

مجرد ترفيه

لان الواحد بيكون فى الصيام مجهد من قلة الطعام

فبعد الفطار بيكون الواحد عاوز يرفه عن نفسه

ممكن يتابع برنامج كوميدى او مسلسل

وعلى فكرة يادولى

اتحـــــــــــــــــــــــــــــــــــــــــــــــــــــــدى اى انســــــــــــــــــــــــان يقول غير كدة

اغلب المصريين بيتفرجوا على التليفزيون فى رمضان وبيتابعوا كل حاجة فى رمضان

اشكرك على الموضوع ده يادولى وربنه يوفقك

طبعا انا بحترم وجهه نظرك يااحمد

وبشكرك عى الرد الجميل وتشريفك ليا فى الموضوع

بس انا عارفه انه غصب عننا وكدا بس برده المسلسلات بقيت

مش كويسه خالص يعنى لبس الممثلات بقى فظيع جدا وكدااحنا بنرتكب ذنب

دا الى اقصده منها طيب مافى مسلسلات دينيه وانا بتفرج عليها بس كلها مش فيها

حاجات خارجه وبصراحه التليفزيون المصرى بقى اكتره خارج

واختلاف الراى لايفسد للود قضيه اتمنالك صوم مقبول ومغفره