انيس منصور ....هل كلامه صح عن المراة؟؟؟

اسف لكل جميلات المنتدي دا راي انيس منصور في المراه ايه رايكم

من كل صفات المراه اكذبها‏:‏ انها الجنس اللطيف‏!‏
‏حتي عالم النفس العظيم فرويد خدعته النساء‏
اذا بكت المراه فليس ذلك دليلا علي اي شيء‏..‏ فعندها نشاط في غددها الدمعيه‏
الخداع والكذب والغرور‏:‏ ليس عملا واعيا عند المراه‏..‏ انها الغريزه‏
من يمشي وراء المراه‏,‏ لاتمشي امراه وراءه‏
تحبها كثيرا تحبك قليلا‏,‏ تكرهها قليلا تكرهك كثيرا‏
من راي المراه ان لكل رجل غلطتين‏:‏ كل مايقول وكل مايعمل‏
‏ينفتح قلب المراه لمن يدق عليه كثيرا‏
‏الذي يقول‏:‏ علمتني الايام والليالي يقصد المراه‏
‏عندما تصبح المراه اما لاول مره‏,‏ فهي انثي لاخر مره‏
‏لا اكتشاف نظريه النسبيه ولا اكتشاف قوانين الجاذبيه ولا الجدول الوراثي كانت وراءها امراه‏
‏الرجل هو الجنس اللطيف والمراه هي الجنس يالطيف‏
‏امراه تنتقل بسهوله من حب الي حب‏..‏ لاتعرف الحب‏
سر جمالها‏:‏ ان وضعت الصدق علي شفتيها‏,‏ والرقه علي لسانها‏,‏ والحنان في اذنيها‏,‏ والرحمه في يديها‏,‏ والحب في قلبها‏,‏ والاستقامه لقوامها‏..‏ والتسامح مع من يكرهها‏..‏ فاين هي؟‏
المراه العامله‏:‏ انثي احيانا ورجل معظم الوقت‏
اسرع وسائل الانتشار في العالم‏:‏ التليفزيون والانترنت والتليفون‏..‏ والمراه‏
صعب ان تكون لها ساقان جميلتان ولاتكشف عنهما‏
مخيف‏:‏ جيش من النساء يقوده رجل‏..‏ مخيف جدا‏:‏ جيش من الرجال تقوده امراه
وراء كل رجل ناجح امراه‏,‏ ووراء كل رجل ناجح ثم فشل‏:‏ امراه اخري‏
المراه زجاجه دواء‏:‏ هزها وتفرج عليها ثم لا تشربها‏
‏لن تندم كثيرا اذا احببت اي شيء غير المراه‏
‏نمله واحده تستطيع ان تفسد جبلا من السكر‏
‏المراه عندما تطلب النصيحه‏,‏ فانها تريدك ان توافقها علي رايها‏
‏المراه العامله مثل حيوانات المعامل‏:‏ اكبر دليل علي ان النوم ليس ضروريا للانسان‏
فرق كبير بين ان تحبها لانها جميله‏,‏ وان تكون جميله لانك تحبها‏
المراه التي تعتقد ان احدا من الرجال لايستحقها يمكن معها حق ولكنها سوف تنتظر طويلا‏
‏ نحن نلتفت الي جمال المراه‏,‏ لانها نظرت الينا‏
اذا امسكت المراه لسانها لحظه واحده وفرت علي نفسها سنوات من الندم‏ وراء كل نجاح‏:‏ امراه‏..‏ ووراء كل فشل‏:‏ امراه اخري‏
ملكات جمال الكون‏:‏ كلهن من كوكب الارض‏
المراه تفضل القطط علي الكلاب‏:‏ لانها لا تطيع ولانها تبقي طول الليل خارج البيت والرجل يحب الكلاب لانه يجد فيها ما لا يجده في المراه‏
المراه قد ترفض دينك ولكنها لا ترفض حبك‏
انها مغروره جدا‏...‏ فقد فشلت كثيرا‏
الفرق بين المراه والكمبيوتر انه اذا اخطا لايلقي باللوم علي الزوج‏
هناك ثلاثه انواع مختلفه من النساء‏:‏ الحبيبه والزوجه والحماه‏
اخر مايموت في المراه‏:‏ لسانها‏
كثيرون يقولون انهم فهموا الرجل‏.‏ كثيرون جدا يقولون انهم لم يفهموا المراه‏
يظلم المراه من يقول‏:‏ انها تكذب‏..‏ يظلمها اكثر من يقول‏:‏ انها لاتكذب‏
يسعد المراه من يقول لها‏:‏ انت قمر‏,‏ مع ان للقمر وجهين فقط‏
امراه مغروره‏:‏ رجل الا قليلا‏
اسوا مافي الحب‏:‏ المراه‏
انت حزينه‏..‏ كل ما ينقصك هو فيتامين‏:‏ انا‏
صدقني‏:‏ لا تصدقها‏
هناك طريقتان لمناقشه المراه‏:‏ كلتاهما بلا نتيجه‏
لم يعرف المراه من عرف الف امراه‏
والله تعبنا مع المراه‏,‏ فلم نعرف لوجودها حكمه‏
النساء ثلاثه انواع‏:‏ واحده قابله للحب‏..‏ وواحده غير قابله‏..‏ وواحده تحب‏
المراه تحب الرجل الذي لا يتكلم‏..‏ انها تظن انه يستمع اليها‏
‏اكبر دليل علي ان المراه تعيش في العصر الحجري انها تفضل من يخطفها علي من يتقدم لها‏
‏تريد ان تقضي علي امراه فعليك بامراه اخري‏
‏اذا تحدثت اليك فانظر الي ماتقوله عيناها‏
كوني جميله بعض الوقت‏,‏ عاقله معظم الوقت‏..‏ محترمه دائما ان استطعت‏
من تؤكد دائما انها انثي‏,‏ غالبا ليست كذلك‏
هناك فرق بين المراه والكمبيوتر‏:‏ اذا اخطا الكمبيوتر فانه لا يلوم احدا غيره‏
المراه الجميله هي عاده المراه الاخري‏
الفتاه تفضل ان تتزوج رجلا مثل والدها وهذا هو سر بكاء الامهات ليله الزفاف‏

_

دي مقتطفات من كتاباته في الاهرام دا جزم منها

_________________

معظم كلامه منطقى وصحيح بس مش كله

هو فعلا معظم كلامه صحيح ومنطقي ولكن طيعا مش كل كلامه صح

وميرسي ليك يا شادي وربنا يوفقك ويحميك

كلامه عن المراة كلام علمى وواقعى

موضوع جميل فعلا تسلم ايدك

وربنا يوفقك

ميرسى ليك يا شادى ع الموضوع

بس انا مش معاه فى الكلام ده خالص ده كلام مبالغ فيه

ده كده هو مطلع المراه فى صورة بشعة كانها مش انسانة

اذا بكت المراه فليس ذلك دليلا علي اي شيء‏..‏ فعندها نشاط في غددها الدمعيه‏

اسوا مافي الحب‏:‏ المراه‏

ده كلام لما يقول الست لما تبكى ده مش دليل على حاجة ده مجرد ان عندها نشاط

فى الغدة الدمعية يا سلام يعنى هو كده بينفى تماما ان الست عندها احساس

وبتحزن وبتتالم يعنى مهما عملت ما تصدقهاش هى مجرد بتمثل مش اكتر

الكلام ده انا رايى انه مش مظبوط ازاى يقول كده معروف ان الست كائن ضعيف

ورقيق مش زى الرجل يقدر يستحمل الالم او مش يبينه بالدمع والبكاء

لكن الست لما بتتالم بتبكى وبتعبر عن الالم ده يقوم هو يجى ينفى ان الست بتتالم وان دموعها دى لا شئ

طيب يا شادى انت اكيد مثلا حبيت وارتبطت قبل كده او مرتبط حاليا او حتى فى المستقبل

ان شاء الله هترتبط هل انت لو مرتبط بتحس ان اللى انتى بتحبها فيها المواصفات دى

شايف انها مبتعرفش تعمل حاجة غير انها تخدع وتمثل الاحساس ولما بتبكى بتبقى بتضحك وبتمثل عليك

مش عشان هى فى حاجة مضيقاها او جرحاها

وهل انت رايك ان اسوأ ما فى الحب المرأه ؟

انا عايزة اعرف رايك انت شخصيا فى تعاملك يعنى انت بتشوف مامتك واختك لو ليك اخت

او قرايبك هل كل دول فيهم الصفات دى

انا فى كلامى مش بعمم وبقول ان كل البنات ملايكة لا اكيد طبعا فى منهم فيهم الصفات دى

ما هو اى حاجة فيها الحلو والوحش زى ما الرجال اكيد فيهم الحلو والوحش

لكن مينفعش احطها قواعد ثابتة واقول المرأه كذا وكذا وكذا

ثانية هو فى جزء من كلام انيس منصور متناقض مع بعضه

هو بيقول

من يمشي وراء المراه‏,‏ لاتمشي امراه وراءه‏

تحبها كثيرا تحبك قليلا‏,‏ تكرهها قليلا تكرهك كثيرا‏

وبيقول

‏ينفتح قلب المراه لمن يدق عليه كثيرا‏

منين بيقول ان الرجل اللى يمشى وراء المرأه او يتقرب منها كتير هى ترفضه

ومنين بيقول ان هى بتحب وقلبها يتفتح للشخص اللى يدق قلبها كتير

مع احترامى للاستاذ انيس منصور بس هو مش نبى ولا رسول عشان يوصف المرأه بكده

وان انا اصدقه احنا رسولنا الكريم عليه الصلاة والسلام

قال ان احنا ناقصات عقل ودين

واحنا فعلا كده ناقصات عقل عشان العاطفة عندنا زيادة ربنا خلقنا كده وطبيعتنا كده

بنتعامل بالعواطف والمشاعر اكتر من ان احنا بنتعامل بالعقل وده عكس طبيعة الرجل

فده فعلا كلام مسلم بيه كلام صح كلام جاى من رسول من عند ربنا اللى خلق النساء وعارف طبيعتهم

انا اسفة على انى طولت اوى كده يا شادى بس ده رايى اتمنى انك تتقبله

وانا عارفة طبعا ان الكلام ده مش كلامك اصل تفتكر انى بهاجمك ولا حاجة هههههه

بس بجد انا عايزة اعرف رايك انت فى الكلام ده

وتانى سورى على الاطالة

شكرا ليك جدا على الموضوع

بتمنالك النجاح والسعاده والتوفيق فى حياتك ان شاء الله

كلك ذوق ورقه يا كيوت وبالنسبه لموضوع الاطاله في الرد دا شيء يشرفني لان دا دليل عل اهتمامك وازدحام عقلك بافكارك الجميله
[ طبعا هو الكلام مبالغ فيه شويه لكن فيه كلام صح اكيد لازم تفهمي ان الكتاب بغرض تسويقي بحت يعني فلوس بس واضح فيه عبقريته اللامتناهيه
[ اذا بكت المراه فليس ذلك دليلا علي اي شيء‏..‏ فعندها نشاط في غددها الدمعيه‏

اسوا مافي الحب‏:‏ المراه
طبعا انا معاكي ان كلامه مش صح بعا هو مش معصوم من الخطا وطبعا كل اللي هو كاتبه دي افكار في دماغه وهو طبعا الكاتب انيس منصور مش هيفوت الفكره البلاغيه لو جميله ميكتبهاش لان واضح فيها ذكاءه طبعا المراءه كائن ضعيف جسمانيا وعاطفيا لكن مش مع كل النساء ومش في الكل الاوقات ولا الزمان ولا المواقف وصعبوتها وطبعا الست كائن جميل ولطيف من غيرها لن تستمر الحياه
لا طبعا هو خانه التوفيق في اللي قاله ان اسواء ما في الحب المراه ..لا طيب ازاي ؟لو مفيش مراه هتحب مين ههههههه ولو هي سيئه اكيد فيه واحده تانيه وفرصه تانيه وطريق تاني وان كان هي الاسواء فكان لازم يقول الافضل ؟
فعلا انا حبيت وانفصلت وقتلت الحب لانه موته كان راحه كبيره هي طبعا كان فيها بعض االصفات دي لكن منكرش اني حبيتها بصدق بالنسبه للخداع والكلام ده نابع من موقف معين هي بتعمله عشان تعدي من موقف محرج مش في كل الاحيان طبعا بس في اعتقادي ان المراه بتلجاله كتير مع احترامي ليكي ولكل جميلات المنتدي

بالنسبه لاختي او لامي هما من اجمل الحاجات في حياتي لكن الكلام ده بيتكلم عن المراه المحبه او المحبوبه ؟؟؟؟؟؟؟؟؟؟؟؟؟؟؟؟؟وقرايبي يمشي عليهم ذات الكلام
انا فاهم انك مش بتعممي اكيد طبعا فيه اختلاف في الصفات في كل فرد تدب فيه الروح
بالنسبه للتناقض هو زي مانا قلت قبل كده ان واضح بلاغته وعبقريته والكلام المتناقض ده اكيد عارف انه متناقض الا انه كان لازم يكتبه ليه ميكتبوش ؟
من يمشي وراء المراه لا تمشي امراة وراهانا معاه في الكلام ده لان مش بحترم الانسان اللي يسعي وراء المراه اذا كنت انا مثله يجب ان اسعي للمراه مثله بالفطره ولا اريد وانا الن انتقده ولا احبه سعيه وراها فما بالك بالمراه التي تحس بذلك لانها تحس انها تملكته
تحبها كثيرا تحبك قليلا‏,‏ تكرهها قليلا تكرهك كثيرا‏
لا معتقدش ان الحب الكبير هيتقابل بتجاهل او زهد في تبادل الحب لان كل الاناسي تواقه لتبادل الحاسيس الجميله لكن الكره اعتقد ده راجع لطبيعه المراه الكيديه الانتقاميه
لانه ي ما كلنا عارفين ان كيدهن عظيم
بالنسبه لانه مش نبي هو كده طبعا نحن نعيش في مركب مضطرب الشراع في دنيا اقرب الي الجنون وهو بيتكلم زي ما كل الناس بتتكلم محدش قال خدي بكلامه وانا مش باخد بكلامه مع اني لي الحق اني اخد بكلامه واعتبره منار طريقي لكن انا بافضل امشي بفكره وميزاني للامور
وبالنسبه لناقصات عقل ودين تفسيرك مش صحيح للمشاعر وكده لا طبعا لان المشاعر واحده عند الرجل والمراه ليها تفسير تاني

ولكن اخر حاجه في رايي المتواضع ان الحب واحة مكيفة بمشاعر دافئة جميله بعد طول سير في صحراء جردااء
ولكن الحب الوفي الصادق النزيه
ههههههههههه انا اللي اسف علي الطاله وشكرا لاهتمامك وجميل شغلك في المنتدي واسف لاني تاخرت في الرد لاني كنت مشغول جدا
وربنا يوفقك يا جميل ويا رب للامام
استودعكم الله الذي لا تغييب ودائعه

[ شكرا ليكي يا حزينة العمر كلك ذوق
اكيد طبعا كلامه مش كله صح لكن فيه بعض الصح
احترم وضوحك
شكرا ليكي مره تانيه ربنا يوفقك وللاما م دائما يا رب